सांसदको उपचार खर्च २०० प्रतिशतले बढ्यो

४ कात्तिक, काठमाडौं । संघीय सांसदको उपचार खर्च २०० प्रतिशतले बढेको पाइएको छ ।

गत आर्थिक वर्ष (२०७६/०७७) को पहिलो तीन महिना (साउन, भदौ र असोज)मा ४३ जना सांसदले ६ लाख १० हजार १६ रुपैंया ५७ पैसा उपचार खर्च लिएकामा चालु आवको पहिलो तीन महिनामा २० जनाले १२ लाख २६ हजार ८८ रुपैयाँ लिएका छन् ।

यो गत वर्षको तुलनामा २०० प्रतिशत बढी हो । यो तथ्याङ्कमा नोवेल कोरोना भाइरस (कोभिड-१९) संक्रमित सांसदको उपचार खर्च जोडिएको छैन ।

स्मरणीय के छ भने सरकारले सर्वधारणको कोरोना उपचार खर्च नब्यहोर्ने निर्णय गरेपनि सांसद-मन्त्रीहरूले सरकारी ढुकुटीबाटै कोरोना उपचार गराउँदै आएका छन् । संसद सचिवालयका अनुसार हालसम्म १९ सांसदलाई कोरोना संक्रमण भएको छ ।

अनलाइनखबरलाई प्राप्त विवरण अनुसार, २८ असोजमा महिला, बालबालिका तथा ज्येष्ठ नागरिक मन्त्रीमा नियुक्त भएका लिलानाथ श्रेष्ठले असोज २१ गते ९ हजार ३७० रुपैयाँ उपचार खर्च लिएको देखिन्छ । नेकपाकी सांसद नविना लामाले त्यही दिन १ लाख ३७ हजार ६४० रुपैयाँ उपचार खर्च लिएको देखिन्छ ।

चालु आवको पहिलो तीन महिनामा उपचार खर्च लिने अन्य सांसदमा दुर्गाप्रसाद उपाध्याय, मीना पाण्डे, मिनाक्षी झा, बिजय सुब्बा लगायत छन् । उपाध्यायले असोज ८ गते एकलाख आठ हजार १४७ रुपैयाँ, पाण्डेले साउन २३ गते एकलाख ३७ हजार ७८३ रुपैयाँ, झाले असोज २१ गते एक लाख ५८ हजार ३९७ रुपैयाँ लिएको विवरणमा उल्लेख छ । नेकपाका सांसद बिजय सुब्बाले पनि सोही मितिमा २२ हजार ३७७ रुपैयाँ उपचार खर्च लिएको देखिन्छ ।

सांसदहरु तारादेवी भट्ट, उमा रेग्मी, हिरा गुरुङ, शारदादेवी भट्ट, धनश्याम खतिवडा, विमला विक, स्मृतिनारायण चौधरी, नरपति लुवार, शान्ति कुमारी अधिकारी, अगमप्रसाद बान्तवा राई, कलुदेवी विश्वकर्मा, यज्ञहादुर बोगटी, सुमित्रा बिसीले पनि उपचार खर्च लिएका छन् ।

संसद सचिवालयले सांसदहरुलाई सरकारी अस्पतालमा उपचार गराएको भए पुरै र निजी अस्पतालमा भए आधा रकम दिने मापदण्ड छ ।

सांसदले बिल पेश गरेपछि स्वास्थ्य तथा जनसंख्या मन्त्रालय र संसद सचिवालयकै अधिकारीहरू रहेको चिकित्सक बोर्डको निर्णय, संसद सचिवालयका महासचिव र सचिवस्तरीय स्वीकृतिबाट भुक्तानी दिइन्छ ।

भर्खरै प्रकाशित

न्यायालयबाट भएका पछिल्ला केही फैसलाप्रति प्रधानमन्त्री ओलीको असन्तुष्टि

प्रधानमन्त्री केपी शर्मा ओलीले न्यायालयबाट भएका पछिल्ला केही फैसलाप्रति आपत्ति जनाएका छन् । नेपाल टेलिभिजनलाई बिहीबार अन्तरवार्ता दिँदै प्रधानमन्त्री ओलीले पछिल्लो समय सर्वोच्च अदालतले सरकारका…

मन्त्रीहरूको कार्यभार तोकियो, स्वास्थ्य तथा जनसंख्या मन्त्रालयको कार्यभार कृष्णगोपाल श्रेष्ठलाई

काठमाडौँ । राष्ट्रपति विद्यादेवी भण्डारीले प्रधानमन्त्री र मन्त्रीहरूको कारभार तोकेकी छन् । प्रधानमन्त्री केपी शर्मा ओलीको बिहीबारको सिफारिसबमोजिम कार्यभार तोकिएको राष्ट्रपति कार्यालयले जनाएको छ ।…

समर्थकले रोनाल्डोलाई कोकको बोतलले हा’नेपछि….

पोर्चुगलका स्टार क्रिस्टियानो रोनाल्डो निकै फर्ममा देखिएका छन् । उनले जारी युरो कपका समूह चरणका तीनवटै खेलमा गोल गरे । फ्रान्स विरुद्धको खेलमा २ गोल…

चीनको धम्किबाट जव ताइवान नडराई यस्तो भन्यो

ताइवानले चीनसँग हुने यु’द्धको लागि तयार रहनुपर्ने समय आएको बताएको छ। ताइवानको सीमा क्षेत्रमा बढ्दो चिनियाँ सैन्य गतिविधिले यु’द्धको सम्भावना निम्तिएको ताइवानका विदेशमन्त्री जोसेप वुले…

माइतीघरमा शिक्षामन्त्रीको पुत्ला दहन, जातीय विभेदविरुद्ध प्रदर्शन

काठमाडौं । काठमाडौंको माइतीघरमा जातीय विभेदविरुद्ध दलित अधिकारकर्मी र विद्यार्थीहरुले प्रदर्शन गरेका छन् । ‘मान्छे भएर बाँच्ने अधिकार सुनिश्चित गर’ लेखिएको ब्यानरसहित अधिकारकर्मीले प्रदर्शन गरेका…