गण्डकी गाउँपालिकाको सूचना : दसैँ मान्न असोज ३० भित्र घर आउनुस्

गोरखा । गोरखाको गण्डकी गाउँपालिका वडा नम्बर ४ फुजेलको वडा कार्यालयले दसैँ मान्न असोज ३० गतेभित्र घर आइसक्नुपर्ने भनी सूचना जारी गरेपछि त्यसको आलोचना भएको छ ।

सर्वदलीय बैठकको निर्णय भन्दै वडा कार्यालयले दसैँ मान्न गाउँ आउनेहरु असोज ३० गते आई ७ दिन होम क्वारेन्टिनमा बस्नुपर्ने सूचना जारी गरेको थियो । त्यस्तै विदेशबाट आउनेहरुको पीसीआर रिपोर्ट नेगेटिभ हुनुपर्ने र ७ दिन होम क्वारेन्टिनमा बस्नुपर्ने भनी निर्णय गरेको थियो ।

वडाध्यक्ष नरबहादुर पाण्डेले कोरोना रोकथाम तथा नियन्त्रणका लागि उक्त निर्णय गरिएको बताए । गाउँपालिका अध्यक्षलाई फोन गर्दा सम्पर्क नभएपछि समन्वय गर्न नपाएको उनको भनाइ छ ।

‘हाम्रो वडामा दुई जनालाई कोरोना पुष्टी भइसकेको छ, दशैका लागि अझै दुई/तीन सय मान्छे बाहिरबाट आउँदैछन्, गाउँमा कोरोना नफैलिओस् भनेर यो निर्णय गरेका हौ,’ उनले भने ।

गाउँपालिकाको आइसोलेसनमा चिकित्सक नभएको र वडामा पीसीआर परीक्षणका लागि स्वाब संकलन गर्ने स्वास्थ्यकर्मी समेत नहुँदा समस्या भएको उनले बताए ।

गाउँपालिका अध्यक्ष भन्छन् – सच्याउँछौं

उक्त निर्णयको सामाजिक सञ्जालमा आलोचना भइरहेका बेला गण्डकी गाउँपालिकाले पनि असन्तुष्टि जनाएको छ । गाउँपालिका अध्यक्ष होमबहादुर रानाले आफूहरुसँग समन्वय नगरी एकलौटी ढंगबाट वडाले निर्णय गरेको बताए ।

‘वडा नम्वर ४ को भालडाँडामा दुइ जनालाई कोरोना देखिएकाले त्यो क्षेत्रमा अलि सम्वेदनशील हुनुस् भनेर केही दिनअघि वडाध्यक्षलाई भनेको थिएँ,’ अध्यक्ष रानाले भने, ‘तर हिजो हामीसँग समन्वय नगरी आफूखुशी मनपरी निर्णय गर्नुभएछ ।’ उक्त निर्णयलाई विपद व्यवस्थापन समितिको बैठक बसेर सच्याइने उनले बताए ।

भर्खरै प्रकाशित

माधव नेपाल धेरै अघि बढेको ओलीको निश्कर्ष, एमाले एकताको सम्भावना…

काठमाडौं । नेकपा (एमाले) भित्रको आन्तरिक विवाद हल हुनेमा नेताहरु नै अन्यौलमा परेका छन् । अध्यक्ष तथा प्रधानमन्त्री केपी शर्मा ओली र वरिष्ठ नेता माधव…

आरक्षण ब्राह्मणहरुले पनि पाएकै हुन् : नरेश रेग्मी

आरक्षण ब्राह्मणहरुले पनि पाएकै हुन। पढ्ने आरक्षण। यो देशमा सबैले पढ्ने आरक्षण कहाँ पाए र? ब्राह्मणहरुले वेद पढे। पुराण पढे। कर्मकाण्ड पढे र कर्मकाण्ड गरे।…

योगाको उत्पत्ति नैपालमै भएको हो, त्यतिबेला भारतको अस्तित्व नै थिएन…

काठमाडौं– प्रधानमन्त्री केपी शर्मा ‌ओलीले योगको उत्पति नेपालमै भएको बताएका छन्। भारतले आफ्नो भूमिमा भएको दाबी गरेपनि त्यो समय उक्त देश नै अस्तित्वमा नरहेको उनको…

क्रिस्टियानो रोनाल्डो १४ सेकेन्डमा ९२ मिटर दौडे

युरोकप २०२० अन्तर्गत शनिबार राति जर्मनी र पोर्चुगलबीच ६ गोलको रोमाञ्चक खेल भयो । सम्भवतः यो खेल चालू युरोकपको समूह चरणकै रोमाञ्चक खेल बन्यो होला । पोर्चुगलका…

बन्यो अब मोटरबाटो पनि बन्ला नि : अध्यक्ष ढकाल

गुल्मीको बडिगाड खोलामा गत सात आठ बर्ष देखि अलपत्र परेको पुल निर्माणको कार्य कतिपय सम्पन्न भएका छन् ​भने कतिपय अन्तिम चरणमा पुगेका छन् । एउटै…