बिरामीलाई सास फेर्न गाह्रो भएमा, वेहोस भएमामा वा होला जस्तो भएमा मात्र अस्पताल जानुस्

काठमाडौं । स्वास्थ्य तथा जनसंख्या मन्त्रालयले रुघाखोकी लाग्दैमा वा ज्वरो आउँदैमा कोरोना संक्रमितहरु अस्पताल जानुनपर्ने बताएको छ ।

मन्त्रालयको नियमित प्रेस ब्रिफिङमा प्रवक्ता डा. जागेश्वर गौतमले सामान्य रुघाखोकी, ज्वरोका बिरामीहरु अस्पताल जाने क्रम बढेको भन्दै यस्तो आग्रह गरेका हुन् । सास फेर्न गाह्रो भएमा, वेहोस भएमा वा होला जस्तो भएमा वा पिसाव नभएमा वा कम भएमा मात्र अस्पताल जान आग्रह गरे ।

गौतमले भने, ‘रुघाखोकी वा ज्वरो आउँदैमा अस्पताल दौडिने गरिएको छ, त्यो नगरौं भनेको हुँ ।’

सरकारले पछिल्लो समय लक्षण नभएका संक्रमितहरुलाई अस्पतालमा भर्ना नगर्ने नीति लिएको छ । सरकारी तथ्यांकअनुसार १४ हजार ४११ जना संक्रमित होम आइसोलेसनमा छन् भने लक्षण भएका संक्रमितहरुलाई वेड पाउन गाह्रो छ ।

जनस्वास्थ्य विज्ञहरु भने कोरोना संक्रमित, चिकित्सकको प्रत्यक्ष निगरानीमा मात्र होम आइसोलेसनमा बस्नुपर्ने र कुनै समस्या आएमा अस्पताल जानुपर्ने बताउँछन् ।

वीपी कोइराला स्वास्थ्य विज्ञान प्रतिष्ठानका बेड कोरोना संक्रमितले भरिए

धरानस्थित बीपी कोइराला स्वास्थ्य विज्ञान प्रतिष्ठानले आफ्ना अधिकांश बेड लक्षणसहितका कोरोना संक्रमितले भरिएको भन्दै बिरामी नल्याउन सार्वजनिक सूचना जारी गरेको छ ।

अधिकांश बेड लक्षणसहितका बिरामीहरु भर्ना भइसकेको अवस्था रहेकाले कोभिड संक्रमित बिरामी ल्याउनुपरेमा अस्पतालका कोभिड– १९ कोअर्डिनेटर डा. इन्द्र लिम्बुसँग सम्पर्क गरेर मात्र बिरामी ल्याउन भनिएको छ ।

अस्पतालका निर्देशक प्रा. डा. गौरीशंकर शाहले सूचना जारी गरी समन्वय नगरी आएको अवस्थामा बिरामीले आईसीयू, भेन्टिलेटर तथा बेड पाउने ग्यारेन्टी गर्न नसकिने बताएका छन् ।

सुनसरीको धरानस्थित उक्त अस्पताल कोरोना भाइरस संक्रमितको उपचारमा प्रदेश १ को सुविधासम्पन्न अस्पताल हो । यहाँ प्रदेश १ का अधिकांश जिल्ला र प्रदेश २ का पनि केही जिल्लाका बिरामी उपचारका लागि जाने गरेका छन् ।
प्रतिष्ठानका कोभिड– १९ कोअर्डिनेटर डा. इन्द्र लिम्बुले समन्वय नगरी बिरामी ल्याउने क्रम बढेकाले व्यवस्थापन गर्न समस्या भएको बताए ।

प्रतिष्ठानमा लक्षण नदेखिएका संक्रमित राख्न ८५ बेडको आइसोलेसन छ । त्यस्तै वीपी प्रतिष्ठानकै कोभिड विशेष अस्पतालमा ८० बेडको आइसोलेसन, १० बेडको आईसीयू, १२ बेडको एचडीयू र ५ वटा भेन्टिलेटर रहेको छ ।

अस्पतालबाट निको भई घर फर्किनेको दैनिक संख्या कम भएको र बिरामी थपिने क्रम बढेकाले व्यवस्थापन गर्न गाह्रो भएको डा. लिम्बुले बताए ।

भर्खरै प्रकाशित

अदालतले दियो ओली सरकारलाई अर्को झट्का : चुरेको गिट्टी, बालुवा…

चुरे क्षेत्रको ढुंगा, गिट्टी र बालुवा बेच्ने निर्णय तत्काल कार्यान्वयन नगर्न सर्वोच्च अदालतले अन्तरिम आदेश गरेको छ । सो रिटबारे सुनुवाइपछि संवैधानिक इजलासले अन्तरिम आदेश…

गंगामा तैरिरहेको बाकसभित्र भेटिइन् २१ दिनकी बच्ची, बाहिर निकाल्ने आँट…

भारतीय राज्य उत्तर प्रदेशको गाजिपुरस्थित ददरीघाटमा गत सोमबार बिहान गंगा नदीमा एउटा प्लाइउडको बाकस बग्दै-बग्दै आइरहेको थियो। सोमबार गंगामा स्नान गर्न गएकाहरूले बाकसबाट बच्चा रोइरहेको…

मल्टिपल इन्ट्री भिसा भएका नेपालीहरु खोप लगाउनकै लागि अमेरिका जान…

काठमाडौं । मल्टिपल इन्ट्री भिसा भएका नेपालीहरु खोप लगाउनकै लागि अमेरिका जान थालेका छन् । अमेरिकाले विदेशी पर्यटकका लागि पनि सजिलै कोरोनाविरुद्धको खोप दिन थालेपछि…

रोनाल्डो र मेसी भन्दा दशौँ गुणा सम्पति, यी हुन् विश्वकै…

विश्वका धनाढ्य फुटबलको को होलान् ?  धेरैलाई मेसी, रोनाल्डो वा नेइमार भन्ने लाग्ला । तर, विश्वका धनाढ्य फुटबल युरोप वा दक्षिण अमेरिका नभएर एशियाका हुन्…

अनेरास्ववियुको राहत वितरणमा माओवादीले हस्तक्षेप गरेपछि

काठमाडौं । मेलम्चीमा राहत वितरणको विषयमा एमाले र माओवादी केन्द्र निकट विद्यार्थी संगठनबीच झ’डप भएको छ । नेकपा एमाले निकट विद्यार्थी संगठन अनेरास्ववियुले राहत वितरण…