कश्मीरी नेता भन्छन् : हामीले गान्धीको भारतलाई विश्‍वास गरेका हौँ मोदीको भारतलाई हैन

कश्मीर । कश्मीरका पूर्वमुख्यमन्त्री फारुख अब्दुल्लाले कश्मीरप्रति भारतको केन्द्र सरकारको व्यवहारप्रति गम्भीर आपत्ति जनाउँदै आफूहरुले गान्धीको भारतलाई विश्वास गरेको तर मोदीको भारतलाई नगरेको बताएका छन् ।

कश्मीर मुस्लिम समुदायको वाहुल्य रहेको एउटै प्रदेश रहेकोमा त्यसलाई केन्द्र सरकारले छिनेकोमा उनको गुनासो थियो । साथै आफूहरुलाई पाकिस्तानी, आ’तंकवादी जस्ता आरोप लगाउने गरेको उनको भनाइ थियो । यस्तै फारुखले भारतको व्यवहारले गर्दा चीन सक्रिय हुने गरेको पनि बताएका छन् ।

‘भारतमा एउटा मात्र मुस्लिम बहुसंख्या भएको प्रदेश थियो । त्यो पनि उनीहरुले सहन गर्न सकेनन् । उनीहरुले कश्मिरलाई सधैं पाकिस्तान देखे । हामीलाई पारीको मान्छे ठाने, आफ्नो मान्छे ठानेनन् । यी मानिस उतातिर भए हुन्थ्यो, पाकिस्तानतिर गइदिए हुन्थ्यो भन्ने धारणा देखियो,’ फारुखले भनेका छन् ।

उनले अघि थपेका छन्, ‘हो, हाम्रो धर्म उतैतिर मिल्छ । हाम्रा नदीनालाहरु उतैतिर बग्दछन् । तर हामीले भारतलाई विश्वास गरेका थियौं । तर यो प्रष्ट पारौं हामीले गान्धीको भारतलाई विश्वास गरेका थियौं, मोदीको भारतलाई हैन । गान्धीको भारतमा सबै मानिस बराबर अधिकारको भागिदार हुन्छ भनिएको थियो । अब त्यो रहेन । त्यो भावनाकै अन्त्य भयो ।’

कश्मीरलाई केन्द्रले गरेको व्यवहारबाट चीनलाई फाइदा हुने पनि उनको दावी थियो । फारुखले भनेका छन्, ‘आज हेर्नुस्, देशको के हालत छ ? चिनियाँ सेना मार्च गरिरहेको छ । प्रधानमन्त्री मोदी भन्छन्– एक इञ्च जमिन चीनले छिनेको छैन । रक्षामन्त्री भन्छन्– चिनियाँ सेनाको ब’म, मि’सा’इल र गाडीहरु भारतीय भूमिमा छन् । उनी रुस र अमेरिकासँग सहयोग माग्दै हिँड्दैछन् ? यही हो राष्ट्रको अडान ?’

नरेन्द्र मोदी सरकारले संविधानको धारा ३७० खारेज गर्दै कश्मीरको स्वायत्तता खोसेकोप्रति उनले आपत्ति जनाएका थिए । साथै पछिल्लो समय त्यहाँ सेना परिचालन गरिएकोमा सरकारप्रति अविश्वास भएको बताए । फारुखले द वायरका लागि करण थापरलाई दिएको अन्तरवार्तामा यस्तो धारणा व्यक्त गरेका हुन् ।

मुस्लिमलाई अल्पसंख्यामा पार्न केन्द्रबाट यस्तो गतिविधि गरिएको पनि फारुखको दावी थियो । त्यहाँका मुस्लिम समुदायको भावना भारतले कायम राख्न नसकेमा भारतको सबै सेना ल्याएर कश्मीरमा राखिए पनि कुनै न कुनै दिन विष्फोट हुने उनले ठोकुवा गरे ।

भर्खरै प्रकाशित

अदालतले दियो ओली सरकारलाई अर्को झट्का : चुरेको गिट्टी, बालुवा…

चुरे क्षेत्रको ढुंगा, गिट्टी र बालुवा बेच्ने निर्णय तत्काल कार्यान्वयन नगर्न सर्वोच्च अदालतले अन्तरिम आदेश गरेको छ । सो रिटबारे सुनुवाइपछि संवैधानिक इजलासले अन्तरिम आदेश…

गंगामा तैरिरहेको बाकसभित्र भेटिइन् २१ दिनकी बच्ची, बाहिर निकाल्ने आँट…

भारतीय राज्य उत्तर प्रदेशको गाजिपुरस्थित ददरीघाटमा गत सोमबार बिहान गंगा नदीमा एउटा प्लाइउडको बाकस बग्दै-बग्दै आइरहेको थियो। सोमबार गंगामा स्नान गर्न गएकाहरूले बाकसबाट बच्चा रोइरहेको…

मल्टिपल इन्ट्री भिसा भएका नेपालीहरु खोप लगाउनकै लागि अमेरिका जान…

काठमाडौं । मल्टिपल इन्ट्री भिसा भएका नेपालीहरु खोप लगाउनकै लागि अमेरिका जान थालेका छन् । अमेरिकाले विदेशी पर्यटकका लागि पनि सजिलै कोरोनाविरुद्धको खोप दिन थालेपछि…

रोनाल्डो र मेसी भन्दा दशौँ गुणा सम्पति, यी हुन् विश्वकै…

विश्वका धनाढ्य फुटबलको को होलान् ?  धेरैलाई मेसी, रोनाल्डो वा नेइमार भन्ने लाग्ला । तर, विश्वका धनाढ्य फुटबल युरोप वा दक्षिण अमेरिका नभएर एशियाका हुन्…

अनेरास्ववियुको राहत वितरणमा माओवादीले हस्तक्षेप गरेपछि

काठमाडौं । मेलम्चीमा राहत वितरणको विषयमा एमाले र माओवादी केन्द्र निकट विद्यार्थी संगठनबीच झ’डप भएको छ । नेकपा एमाले निकट विद्यार्थी संगठन अनेरास्ववियुले राहत वितरण…