चिनियाँ एप ब्याण्ड गरेको भारतले टिकटक जस्तै नँया एप ल्याउँदै

यूट्यूबले टिकटकको नयाँ प्रतिस्पर्धीको रूपमा भारतमा आफ्नो नयाँ एपको बीटा संस्करण परीक्षण गर्ने घोषणा गरेको छ । यूट्यूब सर्ट्स नामक उक्त एपमा १५ सेकेन्डको भिडिओ बनाउन मिल्नेछ र तिनको सिर्जना गर्ने शैली र तरिका चिनियाँ स्वामित्वको टिकटकसँग मिल्दोजुल्दो हुनेछ ।

भारत र चीनबीच सीमामा तनाव चुलिएका बेला दिल्लीले टिकटकसहित सबै चिनियाँ एपलाई जुन प्रतिबन्ध लगाएको थियो। त्यस बेलासम्म भारतमा टिकटकका सर्वाधिक १२ करोड प्रयोगकर्ता थिए ।

यूट्यूबले भारतमा अब टिकटकको अभाव पूर्ति गर्न खोजिरहेका थुप्रै स्थानीय एपहरूसँग प्रतिस्पर्धा गर्नुपर्नेछ ।

यूट्यूबको उत्पादन व्यवस्थापनतर्फका उपाध्यक्ष क्रिस जफीले एउटा ब्लगमा सर्ट्सको काम मोबाइल फोन मात्रै प्रयोग गरेर मानिसहरूलाई लोभ्याउने छोटा भिडिओ खिच्न खोज्ने सर्जक र कलाकारहरूका लागि भएको जनाएका छन् ।

उक्त नयाँ एपमा भिडियो क्लिपहरूलाई जोड्न सकिने, गति नियन्त्रण गर्न सकिने, समय तोकेर हातको प्रयोगबिना रेकर्ड गर्न सकिने जस्ता विविध सुविधा छन् ।

सर्ट्सले सङ्गीतको प्रयोग गरेर वा गीतको सङ्ग्रहबाट तिनको प्रयोग गर्ने विकल्प दिन्छ । सर्ट्स थप परिस्कृत भएर नयाँ सुविधाहरू थपिएपछि त्यो अन्य देशका बजारमा पनि विस्तार गरिने जफीले बताएका छन् ।

यूट्यूबको यो एप त्यस्तो बेला आएको छ जतिखेर अमेरिकी प्रविधि कम्पनी ओरकलले टिकटकको निर्माता बाईटडान्सलाई अमेरिकामा आफू विश्वासिलो प्रविधि साझेदार हुन भनेर औपचारिक रूपमा प्रस्ताव गरेको छ । त्यस्तो कदमको उद्देश्य

राष्ट्रपति डोनल्ड ट्रम्पले राष्ट्रिय सुरक्षाका कारण देखाउँदै टिकटकलाई अमेरिकामा बन्द गर्न दिएको चेतावनी छल्नु रहेको छ। ट्रम्प र भारत सरकार दुवैले पछिल्लो व्यवस्थाअन्तर्गत टिकटकमा हुने प्रयोगकर्ताका विवरणमा चीन सरकारको पहुँचमा हुनसक्ने बताउँदै आएका छन् ।

भर्खरै प्रकाशित

मङ्गल ग्रहमा तीनवटा भूमिगत ताल, हिउँ पग्लिने तापक्रम छैन तर…

मङ्गल ग्रहको दक्षिणी ध्रुवनजिकै तीनवटा नयाँ भूमिगत ताल फेला परेका छन्। वैज्ञानिकहरूले सन् २०१८ मा सङ्केत पाइएका पाइएकामध्ये एकचौथाइ वास्तवमै अस्तित्वमा भएको पुष्टि गरेका छन्।…

भारतीय सेनाध्यक्ष मनोज मुकुन्द नरवणे कार्तिक १९ गते नेपाल आउंदै

काठमाडौँ । भारतीय सेनाध्यक्ष जनरल मनोज मुकुन्द नरवणे कार्तिक १९ गते चार सदस्यीय भ्रमण दलकासाथ नेपाल आउँदै आउने भएका छन् । प्रधान सेनापति पूर्णचन्द्र थापाको…

कोरोना भन्दा डरलाग्दो आइसोलेशन ! संक्रमित भन्छन्- त्यहाँ जाँदै नजानुहोस्

इटहरी : १३ दिन इटहरीको आइसोलेशनमा बिताएका रामधुनी-४ का सरोज खतिवडाका लागि आइसोलेशन जेल झै भयो। न राम्रो खाना, न राम्रो व्यवहार। ‘आइसोलेशन अस्पतालजस्तै हुनुपर्ने…

टर्कीका राष्ट्रपति एर्दोआनले अमेरिकालाई पनि दिए धम्की, कोसित भिड्दै हो…

रुसको एस । ४०० क्षेप्यास्त्र प्रतिरक्षा प्रणालीका विषयमा नेटोका दुई सदस्य मुलुक अमेरिका र टर्कीबीच शाब्दिक ल’डाइँ चलिरहेको छ । टर्कीका राष्ट्रपति रेचेप तैयिप एर्दोआनले…

गोकुल बाँस्कोटालाई मुद्दा चलाउन पर्याप्त प्रमाण भेटिएन : अख्तियार

काठमाडौँ । अख्तियार दुरुपयोग अनुसन्धान आयोगले सेक्युरिटी प्रिन्टिङ प्रेस खरिदका विषयमा ७० करोड रुपैयाँ घुस प्रकरणको आरोप लागेका तत्कालीन सञ्चारमन्त्री गोकुल बाँस्कोटालाई मुद्दा चलाउन पर्याप्त…