यो सरकारले निष्पक्ष निर्वाचन गराउँछ भन्नेमा शंका छ : गगन थापा

काठमाडौँ — कांग्रेस केन्द्रीय सदस्य तथा सांसद गगन थापाले यो सरकारले २०७९ मा हुने आम निर्वाचन निष्पक्ष गराउनेमा आफू विश्वस्त नभएको बताएका छन् । सामाजिक लोकतन्त्र अध्ययन केन्द्रले गरेको वागमती प्रदेशको भर्चुअल बैठकमा बोल्दै थापाले भने, ‘मलाई यो कम्युनिष्ट सरकारले स्वच्छ र निष्पक्ष निष्पक्ष निर्वाचन गराउँछ भन्नेमा विश्वास छैन । यो कम्बोडियामा हुनसेनले गराएको निर्वाचनजस्तो हुनसक्छ । पहिले वामदेवले गराएको चुनाव सम्झिनुस्, त्यस्तै हुनसक्छ ।’

उनले सरकारलाई स्वच्छ र निष्पक्ष निर्वाचन गराउन बाध्य पार्नेगरी कांग्रेसले काम गर्नुपर्ने पनि बताए । यसका लागि कांग्रेसले प्रतिपक्षीको भूमिका राम्रोसँग निर्वाह गर्नुपर्ने पनि बताए । ‘तर हाम्रो पार्टीले र नेतृत्वले प्रतिपक्षीको भूमिका प्रभावकारी ढंगले निर्वाह गर्न सकेको छैन,’ उनले भने । थापाले आफ्नो पार्टीको नेतृत्वले विभिन्न नियुक्ति र लेनदेनमा सरकारसँगै लसपस गरेको देखिएको पनि बताए ।

‘अब संवैधानिक निकायमा नियुक्तिको कुरा छ । त्यसमा पनि प्रतिपक्षी दलका नेताले चोचोमोचो सुनिन्छ। %A्रतिपक्षको काम अहिले त्यो होइन,’ उनले भने, ‘जसरी सरकार चलाउनेलाई जनता र संविधानले जिम्मेवारी दिएको छ त्यसैगरी प्रतिपक्षीलाई पनि जिम्मेवारी दिएको छ । हामी त्यसबाट चुकिरहेको जनताले बताइरहेका छन् ।’

‘सरकारका असफलता देखिएका छन् । कोरोनाविरुद्ध लड्ने कुरामा सरकारको असफलतादेखि भ्रष्टचारका काण्डहरुले जनता सरकारसँग निराश छन् तर हामीसँग पनि खुशी छैनन् । हामीले जनताका आवाज उठाउनेगरी काम गर्न सकेका छैनौं,’ उनले भने ।

पार्टीका बरिष्ठ नेता रामचन्द्र पौडेलले भ्रष्टाचारको विरोधमा जारी गरेका दुई विज्ञप्तिले तरंग ल्याएको उल्लेख गर्दै भने, ‘संसदमा नरहनुभएका पार्टीका एकजना नेताले रेल र अख्तियारबारे जारी गर्नु भएका विज्ञप्तिले पार्टी पंक्तिदेखि मिडियासम्ममा तरंग ल्यायो । यसरी नै संसदमा प्रतिपक्षी दलको नेता र सिंगो पार्टी पंङ्तिले यस्ता विषयमा बोल्न सकेको भए कस्तो तर‌ंग आउँथ्यो होला ?’

उनले कांग्रेस पार्टी कुनै बेला सामाजिक अभियानका रुपमा रहेको तर अहिले पार्टीले त्यो स्वरुप गुमाएको पनि बताए । ‘हामी सबै कुरामा कांग्रेस खत्तमै भयो, कांग्रेस पहिलेजस्तो भएन भनेर धेरै आत्मआलोचना गर्नु जरुरी छैन तर हामीले सामाजिक अभियानका रुपमा पनि पार्टीलाई जनतासँग जोड्नु आवश्यक छ ।

आज काठमान्डुमा यत्रा मान्छे कोरोनाका कारण सडकमा आएका छन् । खान नपाउने भएका छन् । घरबार गुमेको छ । ती मान्छेलाई हाम्रो जिल्ला र महानगर कमिटी जोडिन सक्दैन ? तिनलाई सहयोग गर्न सक्दैन ?’ उनले प्रश्न गरे । उनले बीपीको पालमा जस्तो जनतासँग संवाद गर्ने नेतृत्वको अहिले पार्टीमा अभाव भएको पनि बताए ।

उनले यो संविधानबारे धेरै गनगन गर्नुको पनि अर्थ नरहेको बताए । ‘गिरिजाप्रसाद कोइरालाको नेतृत्वमा हिजोको हिंसा अन्त्य गरेर शान्ति सम्झौता गरेको र संविधान सभा चुनाव गराएकोमा गर्व गर्ने, सुशील कोइरालाको नेतृत्वमा संविधान जारी गरेकोमा गर्व गर्ने अनि फेरि अहिले त्यही संविधानका विषयमा गनगन गर्ने ?’ उनले प्रश्न गरे, ‘यो हामीले बनाएको संविधान हो । यसमा केही कमी कमजोरी छन् भने त्यसलाई सच्च्याउने हो । कतिपय कुराहरु समयसँगै सुध्रिदै/प्रष्टिदै जान्छन् ।’

उनले आगामि १४ औं महाधिवेशनमा पार्टीलाई एकढिक्का बनाउने एजेन्डा रहेको भन्दै यसका एउटै उपाय भएको बताए- विधानको पालना । ‘सभापति विधानअनुसार चल्नुभएको छैन । उहाँ बलमिच्याइले चलिरहनु भएको छ । पार्टीको विधान नमान्ने सभापतिले प्रधानमन्त्रीले संविधान मानेन्न भन्न मिल्छ ?’ उनले प्रश्न गरे । एकपछि अर्को विधान मिच्ने काम भएकाले अविश्वास पैदा भएको पनि उनले बताए ।

भर्खरै प्रकाशित

मुख्यमन्त्री शेरधन राईको बिहेपछि अविश्वास प्रस्ताव बारे छिनोफानो

५ माघ, विराटनगर । प्रदेश १ का मुख्यमन्त्री शेरधन राई ५० वर्षको उमेरमा ११ माघमा वैवाहिक बन्धनमा बाँधिदैछन् । त्यसको चार दिन पनि प्रदेशसभाको अधिवेशन…

स्थिरता र विकासका लागि ताजा जनादेश, तोकिएको मितिमा निर्वाचन जरुरी…

काठमाडौँ । राष्ट्रपति विद्यादेवी भण्डारीले शान्ति, स्थिरता र विकासका लागि ताजा जनादेश अनिवार्य भएको बताएकी छन् । राष्ट्रपति भवन शीतल निवासमा सोमबार आयोजित कार्यक्रममा निर्वाचन…

प्रचण्ड माधवको आग्रह : ‘संविधानको रक्षा गर्न सबै सडक संघर्षमा…

काठमाडौं : नेपाल कम्युनिस्ट पार्टी (नेकपा) माधव-प्रचण्ड समूहका अध्यक्षद्वय माधव कुमार नेपाल र पुष्पकमल दाहाल ‘प्रचण्ड’ले प्रतिनिधिसभा विघटन गर्ने असंवैधानिक घोषणा विरुद्ध र संविधानको रक्षा…

विनम्रता पनि कहीँ लम्पसारवाद हुन्छ ?

समकक्षी भारतीय प्रधानमन्त्री नरेन्द्र मोदीसँग भेटवार्तापछि सन् २०१७ को अगस्ट २५ मा नयाँ दिल्लीको हैदराबाद हाउसमा नेपालका प्रधामनन्त्री शेरबहादुर देउवासहितको पत्रकार सम्मेलन चलिरहेको थियो ।…

हिउँदे अधिवेशनलाई मध्यनजर गर्दै झिक्न नमिल्ने गरी जोडियो प्रदेशसभाका कुर्सी

५ माघ, विराटनगर । प्रदेश १, प्रदेशसभाले माघ ७ गतेदेखि सुरु हुने हिउँदे अधिवेशनको तयारी गरेको छ । यो अधिवेशनमा मुख्यमन्त्री शेरधन राईविरुद्ध दर्ता भएको…