साउदी अरेबियामा भिसा र बसोबास अनुमतिको म्याद थप्न पैसा नलाग्ने

काठमाडौं। साउदी अरेबियाले आफ्नो देशमा रहेका विदेशीहरुका लागि बसोबास अनुमति र भिसाको म्याद एक महिनासम्म थप गर्नको लागि कुनै शुल्क नलाग्ने व्यवस्था गरेको छ ।

अरब न्युजका अनुसार सोमबार यहाँको राहदानी महानिर्देशनालय (जवाजात)ले साउदी अरेबिया फर्किन चाहेका विदेशीहरुको पुनः प्रवेश भिसाको वैधता अवधि थप गरेको हो । महामारीका कारण साउदी अरेबियाले अन्तर्राष्ट्रिय उडान बन्द गरेका कारण विदेशमै अड्किएकाहरुका लागि यो व्यवस्था गरिएको हो ।

यो व्यवस्थाले साउदीबाट नेपाल फर्किएका तर उडान बन्द भएका कारण साउदी फर्किन नपाएर नेपालमै अड्किएका नेपालीहरु लाभान्वित हुनेछन् ।

यो व्यवस्था साउदीबाट बाहिरिएपछि उतै अड्किएकाहरुका लागि मात्र नभइ साउदीमै रहेका तर भिसाको अवधि सकिएकाहरुका लागि पनि लागू हुनेछ । अब साउदीमै भएका तर भिसा अवधि सकिएकाहरुले भिसा सकिएको एक महिनासम्म नेपाल फर्किने क्रममा बिलम्ब शुल्क पनि तिर्नु पर्ने छैन ।

यो व्यवस्था घरेलु ती कामदार र अन्य श्रमिकका हकमा लागू हुनेछ जसको बसोबार अनुमति (इकामा) विदेशमा रA4ँदै सकिइसकेको छ र %0ात्रा प्रतिबन्धका कारण साउदी फर्किन सकेका छैनन् ।

साउदीमै रहेर भिसा अवधि सकिएका तर साउदीबाट बाहिरिन नसकेकाहरुका लागि पनि यो सुविधा दिइएको छ र उनीहरुको भिसा अवधि सेप्टेम्बर ३० सम्मका लागि थप गरिएको छ ।

व्यापारिक पेसामा आबद्ध रहेका र साउदी फर्किन नसकेका विदेशीहरुको लागि पनि इकामा अवधि थप गरिएको छ । यो सुविधा पाउन उनीहरुको इकामाको म्याद अगष्ट १ देखि अगष्ट ३१ को बीचमा सकिएको हुनुपर्नेछ ।

म्याद थपको निर्णय राष्ट्रिय सूचना केन्द्रसँगको समन्वयमा स्वचालित रुपमा लागू हुनेछ । साउदी अरेबियाले जी २० का देशहरुका विदेश मन्त्रीहरुसँग अन्तर्राष्ट्रिय उडान खुला गर्ने विषयमा छलफल गरेको ४ दिनपछि यो निर्णय आएको हो ।

साउदीका विदेश मन्त्री राजकुमार फैजल बिन फरहानले यो निर्णयले जी २० का देशहरुको अर्थतन्त्र उकास्न सहयोग गर्ने बताएका छन् । साउदीले मार्च १५ देखि अन्तर्राष्ट्रिय उडान बन्द गरेको थियो ।

 

भर्खरै प्रकाशित

रोल्पाली मह दैनिक एक चम्चा, स्वास्थ्यमा हुनेछन् फाइदै फाइदा

काठमाडौं । शताब्दियौंदेखि महको प्रयोग महत्त्वपूर्ण औषधिका रूपमा भइरहेको छ । यसको सेवनले स्वास्थ्यसम्बन्धी समस्या निर्मूल पार्छ । सुन्दरता बढाउन समेत यसको प्रयोग गरिन्छ ।…

धान्नै नसक्ने गरी कोरोना संक्रमित बढ्ने संकेत प्राप्त भयो :…

काठमाडौं । स्वास्थ्य तथा जनसंख्या मन्त्रालयले हरेक ४ दिनमा कोरोना संक्रमण दोब्बर बनिरहेको बताएको छ। बुधबारको प्रेस ब्रिफिङमा स्वास्थ्य तथा जनसंख्या मन्त्रालयका प्रवक्ता डा जागेश्वर…

सर्वोच्च अदालतको आदेश : अख्तियारले स्टिङ अपरेसन गर्न नपाउने

काठमाडौँ । सर्वोच्च अदालतले अख्तियार दुरुपयोग अनुसन्धान आयोगले स्टिङ अपरेसन गर्न नपाउने फैसला सुनाएको छ । घुस लिने व्यक्ति प’क्राउ गर्न आयोगले स्टिङ अपरेसनबाट संकलन…

‘हेभी ल्यान्डिङ’ ले बिग्रिएको वाइडबडीको गियर राख्‍न २२ करोड खर्च…

नेपाल एयरलाइन्सको एयरब ए-३३० वाइडबडी जहाजको ल्यान्डिङ गियर प्रतिस्थापन गर्न २२ करोड खर्च हुने भएको छ। गएको पुसमा नेपाल एयरलाइन्सको ‘एन नाइन–एएलजेड’ नेपाली दर्ता नम्बर…

रहेनन् दाङका एक निर्भिक र निडर पत्रकार अधिकारी

दाङ । दाङ घोराही निवासी पत्रकार दामोदर अधिकारीको कोरोना भाइरस संक्रमनका कारण नि’धन भएको छ । घोराही उपमहानगरपालिका वडा नं. १७ बेलभार निवासी ४० बर्षीय…