चीनमा निर्मित कोभिड–१९ विरुद्धको खोपले ३ वर्षसम्म सुरक्षा दिने

आपत्तकालिन योजना अन्तरगत हजारौँ चिनियाँ नागरिकलाई कोभिड–१९ विरुद्धका दुई प्रयोगात्मक खोप दिइएकोमा हालसम्म कसैलाई पनि संक्रमण नदेखिएको राज्यको स्वामित्वमा रहेको खोप निर्माता कम्पनीका एक शीर्ष अधिकारीले जानकारी दिएका छन् ।

चाइना नेसनल बायोटेक ग्रुप (सीएनबीजी) का कमिसन फर डिसिप्लीनरी इन्सपेक्सनका सेक्रेटरी झोउ सोङले कम्पनीले निर्माण गरेका कोभिड–१९ विरुद्धको दुई सम्भावित खोपले मानिसहरुलाई तीन वर्षसम्म भाइरसबाट सुरक्षित राख्ने दाबी गरे ।

चिनियाँ राष्ट्रिय रेडियोसँग सोमबार कुराकानी गर्दै कम्पनीले उत्पादन गरेका खोपहरु आपत्कालिन योजना अन्तरगत प्रयोग गरिएको बताउँदै उनले भने, ‘हजारौँलाई यो खोप दिइएकोमा कसैमा नकारात्मक प्रभाव वा संक्रमण भएको पाइएको छैन ।’

सुरक्षा र प्रभावकारिता निर्क्यौल गर्नका लागि सीएनबीजीका दुई खोप अझै तेस्रो चरणको परीक्षणमा रहेको छ । यूएई, बहराइन, पेरु, मोरोक्को, अर्जेन्टिना र जोर्डनमा यसको परीक्षण भइरहेको छ ।

चीनमा गत जुलाईको अन्तिममा आपत्कालिन योजना शुरु गरिएको थियो जसमा उच्च जोखिममा रहेका समूह जस्तै स्वास्थ्यकर्मी, कुटनीतिक नियोगका अधिकारीलगायतलाई खोप दिने अनुमति दिइएको थियो ।

यसमा देशबाहिर काम गर्ने हजारौँ चिनियाँ सामेल रहेको र उनीहरुमा हालसम्म संक्रमण नदेखिनुले यस खोपको प्रभावकारिता पुष्टि भएको बताए ।

हाल विश्वभर ८ वटा खोप तेस्रो चरणको परीक्षणमा रहेका छन् । यसमध्ये चारवटा चिनियाँ कम्पनीद्वारा निर्मित खोप रहेका छन् । तीनवटा चिनियाँ खोप – दुईवटा सीएनबीजी र एउटा सिनोभाकले बनाएको – लाई सर्वसाधारणमा आपत्कालिन प्रयोगका लागि अनुमति दिइएको छ भने चौथोलाई सेनामाथि प्रयोगका लागि अनुमति छ । सिनोभाकको खोप हाल ब्राजिल र इन्डोनेसियामा प्रयोग भइरहेको छ ।

मिडिया रिपोर्टका अनुसार चिनियाँको नागरिक उड्डयन प्राधिकरणले आफ्ना एयरलाइनका कर्मचारीलाई यी खोप लिनका लागि अनुरोध गरेको छ ।

सोमबार झोउले खोपले छोटो समयका लागि मात्र सुरक्षा दिनसक्ने आरोपलाई पनि खण्डन गरे । उक्त खोपलाई सुरुमा सीएनबीजीको माउ कम्पनी चाइना नेसनल फर्मास्युटिकल ग्रुप (सिनोफार्म) का १८० कर्मचारीमा गरिएको थियो । झोउले उनीहरुमा अझै पनि उच्च तहको एन्टीबडी पाइएको बताउँदै भने, ‘प्रतिरोधी क्षमता कम्तिमा एकदेखि तीन वर्ष कायम रहनेछ ।’

यो खोप लगाएपछि वार्षिकरुपमा लिइने अन्य फ्लूको खोप पनि लगाउन नपर्ने उनले बताए । उनले यो खोप कोरोनाभाइरसका हालसम्म पत्ता लागेका सबै म्युटेसनका लागि प्रभावकारी रहेको जिकिर गरे ।

सीएनबीजीले बेइजिङ र वुहानमा खोप निर्माण गर्ने उद्योग सञ्चालन गरेको छ । यसले वार्षिक २२ करोड खोप उत्पादन गर्न सक्छ भने थप फ्याक्ट्री निर्माण गरेपछि यो संख्या ८० करोड पुग्ने बताइएको छ ।

 

भर्खरै प्रकाशित

केपी ओलीले फ्याट्टै केन्द्रीय सदस्य बनाइदिहाल्छन् कि भनेर मानिसहरु बालुवाटारतिर…

दाङ । नेकपा प्रचण्ड–माधव समूहका अध्यक्ष माधवकुमार नेपालले केपी ओली समूहको पार्टी मेला मात्रै नभएर झमेला भइसकेको बताएका छन् । कार्यकर्ता भेला सम्बोधन गर्न दाङ…

ओली गन्हाएर बालुवाटार गइसक्नु छैन : भीम रावल

काठमाडौं । नेकपा प्रचण्ड–माधव पक्षका नेता भीम रावलले प्रधानमन्त्री केपी ओली गन्हाएर बालुवाटार गइनसक्नुभएको बताएका छन् । प्रचण्ड–माधव नेपाल पक्षको अनेरास्ववियू उपत्यका स्तरीय भेलालाई सम्बोधन…

प्रचण्डको आक्रोश : प्रतिगमनविरुद्ध बरु मर्न तयार छु तर झुक्दिनँ

काठमाडौं । नेपाल कम्युनिस्ट पार्टी (नेकपा) अध्यक्ष पुष्पकमल दाहाल ‘प्रचण्ड’ले प्रतिनिधिसभा पुर्नस्थापनाका लागि कुनै हालतमा नझुक्ने बताएका छन् । प्रतिगमनविरुद्ध संघर्षका लागि आफू मर्न तयार…

भट्टराईको आक्रोश : केपी ओलीभन्दा बढी भोट ल्याएर जितेको हुँ,…

रामेछाप । नेकपा (प्रचण्ड-नेपाल) समूहका नेता योगेश भट्टराईले आफू केपी ओलीभन्दा बढी मत ल्याएर जितेको सांसद भन्दै केटो भनेर नहेप्‍न चेतावनी दिएका छन् । ‘म…

अर्नब गोस्वामीको गोप्य च्याट लिकः पाकिस्तानमा गरिएको एयरस्ट्राइकबारे पूर्व जानकारी

बालकोट एयरस्ट्राइकको बारेमा रिपब्लिक टिभीका एडिटर इन चीफ अर्नब गोस्वामीलाई पहिलेदेखि नै थाहा थियो । यो दाबी अल्ट न्यूजका कोफाउन्डर प्रतीक सिन्हाले गरेका हुन् ।…