गीतसंगीतमा पनि विकृती : ४ मिनेटको गीतलाई तन्काएर ८ मिनेटको भिडियो

पछिल्लो समय कुनै पनि गीतको सर्जक आफैले म्यूजिक भिडियोमा लगानी गर्ने र आफ्नै युटुब च्यानल खोलेर गीत सार्वजनिक गर्ने क्रम बढेको छ । थोरै मात्र सर्जकले अहिले कुनै व्यवसायिक कम्पनीलाई गीतको अधिकार दिने गरेका छन् । यसैले, पनि कलाकारको भिडियोमा लगानीको आम्दानीको मुख्य श्रोत युटुब बनेको छ ।

युटुबबाटै रकम कमाएर लगानी उठाउने चक्करमा धेरै कलाकार लाग्दा अहिले गीतसंगीतमा पनि विकृती बढेको चर्चा हुन थालेको छ । यसैले त बजारमा लामो समय चल्ने भन्दा पनि केही दिन चल्ने गीतहरु हाबी हुन थालेका छन् । जसले, गीतसंगीतको मार्धुयता मर्न थालेको टिप्पणी समेत नभएको होइन ।

पछिल्लो केही समययता तपाइले कुनै म्यूजिक भिडियो युटुबमा हेर्नु भयो भने, प्रायको लम्बाई ८ देखि १० मिनेटको हुने गर्छ । तर, भिडियो हेदैै जाँदा गीत ४ देखि ५ मिनेटमा सकिन्छ । यसपछि, भिडियो निर्माणकर्ताले सोही गीतको मेकिङ भिडियो, गायक–गायिकाको रेकडिङ भिडियो आदि राखेर ८ देखि १० मिनेट लम्बाएका हुन्छन् ।

धेरै दर्शकले यसलाई पट्यारलाग्दो पनि बनाएको छ । कतिपयलाई गीत सकिएपछि फेरि किन तन्काएको होला भन्ने पनि लाग्न सक्छ । उसो त, भिडियो कती मिनेट हेर्ने भन्ने अधिकार पूर्ण रुपमा दर्शकको हुन्छ ।

यसरी, भिडियो तन्काउनुको केही कारण छन् । म्यूजिक भिडियो निर्देशक तथा गायक सरोज वली भन्छन्–‘यसको मुख्य उद्देश्य भनेको नै युटुबबाट पैसा धेरै आउँछ भनेर नै हो । अहिले ८ मिनेट भिडियो बनाउँदा युटुबले विज्ञापन धेरै हालिदिन्छ । जसलेगर्दा, पैसा धेरै आउने संभावना हुन्छ ।’

आठ मिनेट भन्दा लामो भिडियोमा मात्र युटुबले विज्ञापन धेरै राखिदिने भएकाले सर्जकहरुले भिडियोको समय बढाएका हुन् । वली भन्छन्–‘८ मिनेट भन्दा कम समयका भिडियो भन्दा ८ मिनेट भन्दा लामो समयका भिडियोमा पैसा धेरै आएको मैले पनि पाएको छु ।’ अर्कोतिर भिडियो लामो हुँदा दर्शकले पनि लामो समयसम्म हेर्ने र यसले ट्रेन्डिङमा पनि चाडो पर्ने वुझाई वलीको छ ।

तर, यो कुरालाई ओएसआर डिजिटलका प्रमुख ओम अग्रवाल अस्विकार गर्छन् । उनी भन्छन्–‘यो सबै भ्रम हो । भिडियो लामो हुँदैमा पैसा धेरै आउने होइन । २ घन्टा भन्दा लामो चलचित्रले भन्दा ४ मिनेटका भिडियोबाट बढी पैसा आएको उदाहरण मसँग प्रशस्त छन् । दर्शकले चलचित्र पनि पुरै हेरेका हुन्छन्, भिडियो पनि पुरै हेर्छन् । तर, पैसामा खासै अन्तर छैन ।’

व्यवसायिक कम्पनीहरुले भन्दा व्यक्तिगत रुपमा खोलिएका युटुब च्यानलमा लामो भिडियो हाबी देखिएका छन् । तर, यसले युटुब च्यानलप्रतिको दर्शकको विश्वसनियता कमजोर हुने टिप्पणी केहीको छ ।

अर्कोतिर, भिडियो लामो देखेपछि दर्शकले सो भिडियो क्लिक गर्ने संभावना पनि कम हुन्छ । तर, युटुब नै आम्दानीको मुख्य श्रोत हुँदा धेरै सर्जकले गीत सकिएपछि पनि विभिन्न तानाबुना बुनेर भिडियो तन्काउने गरेका छन् । यसले, दर्शकलाई च्यानल र सो गीतप्रति नै पट्यार लाग्ने संभावना पनि उत्तिकै हुन्छ भन्ने वुझ्न आवश्यक छ ।

भर्खरै प्रकाशित

हामीले थालेको आन्दोलन बल्ल सुरु हुँदै छ : ट्रम्प

काठमाडौं । अमेरिकी राष्ट्रपति डोनाल्ड ट्रम्पले आफ्नो विदाई सम्बोधनको क्रममा आफूहरुले थालेको आन्दोलन बल्ल सुरु हुन थालेको बताएका छन् । एक भिडियो सम्बोधनमा ट्रम्पले भनेका…

नेपाल जतिसुकै भारत विरोधी भएपनि हामी नेपालसंग शत्रुताको कल्पना पनि…

परराष्ट्रमन्त्री प्रदीपकुमार ज्ञवालीलाई भारतीय प्रधानमन्त्री नरेन्द्र मोदीले समय नदिएको भन्दै भारतको आलोचना भइरहेका बेला भारतीय रक्षामन्त्री राजनाथ सिंहले नेपालसँग शत्रुता कल्पना पनि गर्न नसकिने बताएका…

चीनको अर्को चमत्कार : प्रतिघण्टा ६ सय २० किलोमिटर कुद्न…

एजेन्सी । चीनले नयाँ हाई स्पिड रेलको प्रोटोटाइप अर्थात् डिजाइन सार्वजनिक गरेको छ । यो रेल ६ सय २० किलोमिटर प्रति घण्टासम्मको गतिमा कुद्न सक्ने…

भारतले आजबाट नेपाललाई अनुदानमा खोप दिने

काठमाडौं । भारतले नेपाललाई कोरोनाबिरुद्धको खोप अनुदानमा दिने भएको छ । भारतको सिरम इन्स्टिच्युटले उत्पादन गरिरहेको कोभिडविरुद्धको खोप ‘कोभिसिल्ड’ छिट्टै नेपाल आइपुग्ने स्वास्थ्य तथा जनसंख्या…

नागरिक एपको समस्या हटाउन अर्को एप बनाइँदै

नागरिक एपको समस्या हटाउन सरकारले अर्को अनलाइन प्रणाली बनाउन सुरु गरेको छ। धेरै सेवाग्राहीको नागरिकता नम्बर मेल नखाएकोले नागरिकतामा भएका सानातिना गल्ती सच्याउन अनलाइन प्रणाली…