नेपाल–तिब्बत रेलसहितका योजनामा चीनले नेपालको बजेटभन्दा ११ गुणा धेरै लगानी गर्दै, नयाँ दिल्लीमा चिन्ता

काठमाडौं। चीनले तिब्बतमा १ ट्रिलियन युआनभन्दा धेरै लगानी गरेर ठूला संरचना निर्माणको तयारी गरेको छ । चीनको योजनामा महन्वाकांक्षी शिगात्से–काठमाडौं रेलमार्ग पनि समावेश छ । यो रकम १४६ अर्ब अमेरिकी डलर हुन्छ ।

नेपाली रुपैयाँमा यो रकम १७१ खर्बजति हुन आउँछ जुन रकम नेपालको वर्षभरीको बजेटको ११ गुणाभन्दा बढी हो । नेपालको चालु आर्तिक वर्षको कूल बजेट १४ खर्ब ७४ अर्ब रुपैयाँको छ । समाचार एजेन्सी रोयटर्सका अनुसार चीनले यो रकम पहिल्यै घोषणा भइसकेका र नयाँ परियोजनामा लगानी गर्दैछ ।

दक्षिण पश्चिमका ग्रामीण क्षेत्रहरुमा चीनले यसरी विकासको लागि लगानी बढाउनुलाई भारतसँग हालै भएको सीमा तनावका बीच आफ्नो सीमा सुरक्षालाई बढावा दिने उद्देश्य राखिएको मानिएको छ ।

गत हप्ता कम्युनिस्ट पार्टीका बरिष्ठ नेताहरुको बैठकमा राष्ट्रपति शी जिनपिङले सीमाको मोर्चामा खटिएका अधिकारीहरुको प्रशंका गर्दै यस क्षेत्रमा एकतालाई सुदृढ बनाउँदै समृद्धितर्फ जान अझै धेरै प्रयास आवश्यक रहेको बताएका थिए ।

बैठकमा जिनपिङले सिचुआन–तिब्बत रेलवेसहित कैयौं ठूला परियोजनाहरुलाई पूर्णता दिने बताएको चिनियाँ समाचार एजेन्सी सिन्ह्वाले लेखेको थियो ।

चीनको ठूलो बजेटका परियोजनामा चुनौतीपूर्ण सिचुआज–तिब्बत रेलवेको निर्माण पूरा गर्नेदेखि नेपाल–तिब्बत रेलवेको निर्माणसम्म समावेश छ । यसबाहेक तिब्बत स्वायत्त षेत्रमा सुख्खा बन्दरगाह निर्माण गर्ने योजना पनि थप गरिएको छ ।

रोयटर्सलाई यो परियोजनासँग सम्बन्धित ३ स्रोतले यो जानकारी दिएका हुन् तर उनीहरुले आफूहरु मिडियामा यो सूचना दिन आधिकारिक नभएको भन्दै पहिचान खुलाउन भने अस्वीकार गरे । लक्षित लगानीमध्ये कति अहिले थप गरिएको हो र यो सबै लगानी कति वर्षको अवधिमा गरिनेछ भन्ने अहिले प्रस्ट भइसकेको छैन ।

रोयटर्सले यस विषयमा प्रतिक्रिया माग्दा चीनको स्टेट काउन्सिलको सूचना कार्यालय र तिब्बतको क्षेत्रीय सरकारले यस विषयमा कुनै प्रतिक्रिया दिन अस्वीकार गरे । स्रोतमध्येका २ ले चेंगडु र ल्हासा जोड्ने सिचुआन–तिब्बत रेलवेको सबैभन्दा कठिन क्षेत्रमा निर्माण कार्य आउँदो हप्तामै सुरु गरिने बताएका छन् ।

सिचुआन–तिब्बत रेलवेको २७० अर्ब युआन लगानी गरिने क्षेत्र निकै कठिन भौगोलिक स्थितिको लागि परिचित छ । यो खण्डले चीनको सिचुआन प्रान्तको यान शहरलाई दक्षिण पूर्वी तिब्बतको न्यींग्ची शहरसँग जोड्छ । न्यींग्ची बहर भारतसँगको सीमा नजिकै भएकोले यसले भारतको पनि चिन्ता बढाउनेछ ।

बेइजिङले काठमाडौं र शिगात्से जोड्ने नेपाल तिब्बत रेलमार्गलाई पनि अगाढि बढाउन चाहन्छ । यो नेपाल र चीनबीच २०१८ मा भएका द्विपक्षक्ष्य सम्झौतामध्येको एक हो । अहिलेसम्म यो परियोजनाले धेरै महत्व पाएको थिएन तर अहिले चीनले यसलाई प्राथमिकतामा राखेको छ । चीनको यो सक्रियताले नयाँ दिल्लीको समेत चिन्ता बढाएको छ ।

नेपाल चीन र भारतबीचको देश हो र नेपाललाई नयाँ दिल्लीले आफ्नो प्राकृतिक सहयोगी ठान्छ तर चीनको पछिल्लो लगानीले नयाँ दिल्लीलाई सशंकित बनाएको छ ।

चीनले लामो समयदेखि तिब्बतमा तीब्रगतिको रेल संचालन गरेर आफ्ना भित्री प्रान्तहरुसँगको संजालमा तिब्बतलाई जोड्ने लक्ष्य राखेको छ । गत महिना मात्र चीनले आफ्नो देशको रेल संजाललाई आगामी १५ वर्षमा एक तिहाइ बढाउने घोषणा गरेको थियो ।

 

भर्खरै प्रकाशित

आन्दोलनमा आक्रमक हुन युवालाई प्रचण्डको निर्देशन डोनाल्ड ट्रम्पको जस्तो :…

काठमाडौं । नेपाल कम्युनिष्ट पार्टी(नेकपा) पुष्पकमल दाहाल प्रचण्ड–माधव पक्षका अध्यक्ष पुष्पकमल दाहाल ‘प्रचण्ड’ले आवेग र आक्रोशसहित आन्दोलनमा सक्रिय हुन युवाहरुलाई निर्देशन दिएपछि लुम्बिनी प्रदेशका मुख्य…

कोरोनाको खोप लगाउँदा नर्वेमा २९ जनाको ज्यान गयो

काठमाडौं । नर्वेमा कोरोना भाइरस (कोभिड–१९) विरुद्धको खोप लिएका २९ जनाको मृ’त्यु भएको छ । समाचार संस्था ब्लूमवर्गका अनुसार फाइजरले बायोएनटेकसँग मिलेर बनाएको कोरोना खोप…

केपी ओलीले फ्याट्टै केन्द्रीय सदस्य बनाइदिहाल्छन् कि भनेर मानिसहरु बालुवाटारतिर…

दाङ । नेकपा प्रचण्ड–माधव समूहका अध्यक्ष माधवकुमार नेपालले केपी ओली समूहको पार्टी मेला मात्रै नभएर झमेला भइसकेको बताएका छन् । कार्यकर्ता भेला सम्बोधन गर्न दाङ…

ओली गन्हाएर बालुवाटार गइसक्नु छैन : भीम रावल

काठमाडौं । नेकपा प्रचण्ड–माधव पक्षका नेता भीम रावलले प्रधानमन्त्री केपी ओली गन्हाएर बालुवाटार गइनसक्नुभएको बताएका छन् । प्रचण्ड–माधव नेपाल पक्षको अनेरास्ववियू उपत्यका स्तरीय भेलालाई सम्बोधन…

प्रचण्डको आक्रोश : प्रतिगमनविरुद्ध बरु मर्न तयार छु तर झुक्दिनँ

काठमाडौं । नेपाल कम्युनिस्ट पार्टी (नेकपा) अध्यक्ष पुष्पकमल दाहाल ‘प्रचण्ड’ले प्रतिनिधिसभा पुर्नस्थापनाका लागि कुनै हालतमा नझुक्ने बताएका छन् । प्रतिगमनविरुद्ध संघर्षका लागि आफू मर्न तयार…