९४ करोडको आयुर्वेदिक औषधि निर्यात, ३२ प्रतिशतले बढ्यो निर्यात

गएको आर्थिक वर्ष नेपालको वस्तु व्यापार घाटा थोरै भएपनि घट्यो। अघिल्लो वर्ष १३ प्रतिशतले बढेको यस्तो वस्तु व्यापार घाटा गएको वर्ष भने १५ प्रतिशतले घटेको छ।

वस्तु व्यापार घाटा न्यून हुनुमा लकडाउन लागू भएपछि केही उच्च मूल्यका वस्तुको आयात घट्नु तथा केही वस्तुको आयात आर्थिक वर्षको सुरुदेखि नै न्यून हुनु रहेको छ।

वस्तु व्यापार घाटा न्यून हुनुको कारण निर्यात बढेर भन्दा पनि आयात घटेर भएको हो। आयात पनि नेपाल आत्मनिर्भर भएर भन्दा पनि कोरोना भाइरसजन्य परिस्थितिका कारण हो।

यस्तोमा नेपालबाट धेरै मूल्यका निर्यात हुने २० वस्तुमध्ये तीनओटा वस्तुकोमात्र निर्यात बढेको छ। यो सूचीको कूल निर्यातमा ६१ प्रतिशत हुन्छ।

यो सूचीमा रहेका पाम आयल जुन विदेशबाट कच्चा तेल ल्याएर नेपालमा रिफाइन गरेर निर्यात गरिन्छ। यसको निर्यात ७७ प्रतिशतले बढेर गएको वर्ष १८ अर्ब ३१ करोड रुपैयाँ भित्रिएको छ। कूल निर्यातमा यसको हिस्सा १८ प्रतिशत छ।

त्यस्तै गएको वर्ष जडिबुटीको निर्यात पनि बढेको छ। अघिल्लो वर्षको तुलनामा १४ प्रतिशतले बढेर १ अर्ब ५१ करोड रुपैयाँ भित्रिएको छ। यसको निर्यातमा १.५ प्रतिशत हिस्सा रहेको छ।

यो सूचीबाट निर्यात वृद्धि हुने तीनओटै वस्तु वनस्पतिजन्य रहेका छन्।

गएको वर्ष निर्यात वृद्धि भएको अर्को वस्तु हो आयुर्वेदिक औषधि। नेपालबाट गएको वर्ष ९७ करोड ५८ लाख रुपैयाँ बराबरको आयुर्वेदिक औषधिको निर्यात भएको छ। यो अघिल्लो वर्षको तुलनामा ३२ प्रतिशत बढी हो।

नेपालमा पछिल्लो समय आयुर्वेदिक औषधि उत्पादन तथा जडिबुटी प्रसोधनमा लगानी बढिरहेको छ। यसैको परिणाम औषधिको निर्यात पनि बढिरहेको छ।

नेपालमा वार्षिक २० अर्ब रुपैयाँ बढीको आयुर्वेद औषधि उत्पादन हुने व्यवसायीहरूले बताउँदै आएका छन्। यद्यपी नेपालमा भारतबाट आयात हुने क्रम पनि रोकिएको छैन।

वस्तु निर्यातमा हिसाब नहुने बिजुली निर्यात पनि बढेको छ। गएको वर्ष दोब्बर बढीले बिजुली निर्यात बढेको हो।

भर्खरै प्रकाशित

भारत अमेरिकातिर ढल्कियो, अब नेपालले के गर्छ ?

यो साता दक्षिण एशिया र दक्षिणपूर्वी एशियामा विकसित घटनाक्रमले क्षेत्रीय राजनीतिमा असन्तुलनका संकेतहरु देखिएका छन् । यो असन्तुलनको बाछिटा काठमाडौंसम्म आउने प्रष्ट संकेत देखिएको छ…

दुई अमेरिकी मन्त्रीले दबाब दिँदा पनि भारतले किनेन स’शस्त्र ड्रोन

दुई अमेरिकी मन्त्रीले स’शस्त्र ड्रोन किन्न दबाब दिए पनि भारतले त्यसलाई अस्वीकार गरेको छ। नयाँ दिल्लीमा हालै भएको टु प्लस टु मन्त्रीस्तरीय बैठकमा भारत र…

पाटनका डाक्टरले प्रधानमन्त्रीलाई लेखे पत्र- उकुसमुकुस भइसक्यो!

सम्माननीय प्रधानमन्त्रीज्यू नमस्कार ! नेपालमा कोरोना महामारी सुरू भएलगत्तै कोरोना संक्रमित बिरामीको उपचार गर्दै आएको पाटन अस्पतालको म एक फ्रन्टलाइन चिकित्सक हुँ। समाचारहरूमा ‘पाटन अस्पतालमा…

हङकले अमेरिकाविरुद्ध मुद्धा हाल्ने, यस्तो छ कारण !

हङकङमा बनेका सामानमा अमेरिकाले ‘मेड इन चाइना’ लेख्न थालेपछि विवाद चर्किएको छ। बिबिसीका अनुसार चीनले नयाँ सुरक्षा कानुन लागू गरेसँगै हङकङ अब छुट्टै स्वायत्त राज्य…

प्रचण्ड एघार दिन पछाडि बालुवाटारमा

१५ कात्तिक, काठमाडौं । सत्तारुढ नेपाल कम्युनिष्ट पार्टी (नेकपा) का कार्यकारी अध्यक्ष पुष्पकमल दाहाल प्रचण्ड एघार दिन पछाडि बालुवाटार गएका छन् । अर्का अध्यक्ष एवम्…