यस्तो बन्यो पोखरा अन्तर्राष्ट्रिय विमानस्थल

कास्की । राष्ट्रिय गौरवको आयोजना अन्तर्गत पोखरा क्षेत्रीय अन्तर्राष्ट्रिय विमानस्थलको ६३ प्रतिशत निर्माण कार्य सकिएको छ ।

अहिलेसम्म विमानस्थलको रन वे, एप्रोन, ट्याक्सी वे, पाइपलाइन, ट्रान्सफर्मर, ह्याङ्गर, लाइटिङका काम सकिएको हो । गाडी गुड्ने रोड, एक्सेस रोड र टर्मिनल बिल्डिङको काम पनि अन्तिम चरणमा पुगेको छ ।

कार पार्किङको काम पनि सकिएको र बिल्डिङको हकमा १४ वटा बिल्डिङको स्ट्रक्चर सकेर फिनिसिङको काम सकिएको आयोजना प्रमुख विनेश मुनाकर्मीले बताउनुभयो । माटो कटान र फिलिङ गर्ने काम ९८ प्रतिशत सकिएको छ ।

अहिले दुई सय ३० चिनियाँ र एक सय २० जना नेपाली कामदारले दैनिक काम गरिरहेका छन् । विमानस्थलको काम तोकिएको समयभन्दा अगाडि नै सक्ने योजना भए पनि कोरोना महामारीका कारण असर परेको प्रमुख मुनाकर्मीको भनाइ छ ।

केही समय अगाडिसम्म सामान आउनै समस्या रहेको थियो । तर पछिल्लो समय सामान आइरहेको उहाँले बताउनुभयो । कोरोना महामारीको कारण चिनियाँ कामदार नेपाल आउन समस्या भएको उहाँको भनाइ छ । ‘अन्तर्राष्ट्रिय उडान मात्र खुलेर भएन, उताको भिसाको पक्रिया पनि मिलाउनुपर्ने हुन्छ’, उहाँले भन्नुभयो, ‘यसको लागि पनि हामीले प्रक्रिया अगाडि बढाएका छौँ ।’

चिनियाँ कामदार समयमै आउन पाउने हो भने तोकिएकै समयमा आयोजना सम्पन्न हुने आयोजना प्रमुख मुनाकर्मीको भनाइ छ । ‘कामदार आउन ढिलाइ भयो भने केही पछाडि धकेलिन्छ, ढिलो नहोस् भनेर हामीले अहिले देखि नै प्रक्रिया अगाडि बढाएका छौँ’, उहाँले भन्नुभयो ।

चिनियाँ सरकारसँग २२ अर्ब रुपैयाँ ऋण लिएर यो विमानस्थल बनाउन सुरु गरिएको हो । विमानस्थलमा बोइङ ७५७ र एअरबस ३२० वा त्यो सरहका जहाज आउजाउ गर्न सक्ने बताइएको छ । अन्तर्राष्ट्रिय उड्डयन संस्था (आइकाओ) को मापदण्डअनुसार फोरडी मोडलमा बनिरहेको विमानस्थलको सन् २०२१ भित्र निर्माण सकेर उडान सुरु गर्ने लक्ष्य लिइएको छ ।

विमान अवतरणमा समस्या देखिने भएपछि विमानस्थलको दक्षिण–पूर्वी भागमा रहेको रिठ्ठेपानी डाँडा पनि कटानको काम चलिरहेको अवस्थामा वर्षाले गर्दा त्यो काम रोकिएको मुनाकर्मीको भनाइ छ । त्यो डाँडामा सरकारी वनको रुखमा टाँचा लगाउने काम भइरहेकोले केही समयपछि त्यो काम पनि अगाडि बढ्ने मुनाकर्मीले जानकारी दिनुभयो ।

भर्खरै प्रकाशित

टाउको चिलाएको हो कि के हो, एक पटक लाठी खान…

काठमाडौं । नेकपा प्रचण्ड–माधव समूहका अध्यक्ष पुष्पकमल दाहाल प्रचण्डले आवेग र आक्रामक आन्दोलन गर्न युवा विद्यार्थीहरुलाई निर्देशन दिएका छन् । आन्दोलनको अग्रमोर्चामा आफू पनि हुने…

सौतेनी छोरासँग बिहे गरेकी ब्लगर बाल्मासेभा आमा बन्दै

आफ्ना श्रीमान्लाई छाडेर सौतेनी छोरासँग प्रेम–सम्बन्धमा रहेकीरुसी ब्लगर मारिना बाल्मासेभाआमा बन्ने भएकी छिन् । तौल घटाउने विषयमा धेरैलाई प्रोत्साहन गर्ने यी महिला अहिले आफ्नो निजी…

महानगरपालिकाले ठेला र रोज़गार खोसिदिने आमाको खातामा ५ लाख जम्मा

“खुसीको खबर आमा , हजुरलाइ महानगर पालिकाले १५ सय रूपियाको ठेला र रोज़गार खोसिदिए पनि आज हजुरको बैंक खातामा क़रीब ५ लाख जम्मा भएको जानकारी…

वनमन्त्री आलेविरुद्ध काठ तस्करीको त्यो मुद्दा

वनमन्त्री प्रेमबहादुर आलेविरुद्ध १७ वर्षअघि गृहजिल्ला डोटीमा काठ तस्करीको मुद्दा परेको थियो । तर, मुद्दाका वादी पक्षलाई धम्क्याएर अदालतमा हाजिर नै हुन नदिएर उनले फैसला आफ्नो…

प्रधानमन्त्रीलाई योगेशको जवाफ- तपाईंको स्तर थाहा पाएँ, खुसी लाग्यो

प्रधानमन्त्री केपी शर्मा ओलीले केटो भनेर व्यंग्य गरेपछि पूर्वपर्यटन मन्त्री तथा नेकपाको प्रचण्ड-नेपाल समूहका नेता योगेश भट्टराईले जवाफ फर्काएका छन्। शनिबार प्रदेश १ का नेता…