एक गाउँपालिकाबाट डेढ महिनामा ६० लाख मूल्य बराबरको सय मेट्रिकटन टमाटर निकासी

सहिदभूमि गाउँपालिकाबाट पछिल्लो डेढ महिनामाएक सय मेट्रिकटन टमाटर निर्यात भएको छ । टमाटर निर्यातबाट यहाँका किसानले पहिलो महिनामै ६० लाखभन्दा बढी आम्दानी गरेका छन् ।

अहिले किसानको बारीमै प्रतिकेजी ५० देखि ५५ रूपैयाँमा टमाटर बिक्री भइरहेको छ । गाउँपालिकामा करिब तीन सय हेक्टरमा टमाटर खेती गरिएको छ । कोरोना संक्रमणको जोखिम भए पनि किसानले राम्रो आम्दानी लिइरहेको गाउँपालिकाका कृषि प्राविधिक खिरप्रसाद राईले बताए ।

लकडाउनका कारण अन्य जिल्ला तथा भारतबाट टमाटर आयत भएको छैन । त्यसैले किसानले टमाटरको राम्रो भाउ पाएका छन् । गत वर्ष यहि सिजनमा प्रतिकिलो १५ देखि २५ रूपैयाँका दरले टमाटर बेचेका किसानले अहिले ५० देखि ५५ रूपैयाँ मूल्य पाएका छन् । यही भाउ पाइरहने हो भने गत वर्षभन्दा दोब्बर आम्दानी लिनसक्ने अवस्था रहेको कृषि प्राविधिक राईले बताए ।

गाउँपालिकाबाट दिनमा १७ देखि १८ हजार किलो टमाटर निर्यात भइरहेको स्थानीय व्यापारीको भनाइ छ । ‘किसानले मूल्य पनि राम्रो पाएका छन् । बजार पनि राम्रो छ,’ स्थानीय व्यापारी भुपाल राईले भने ।

स्थानीय किसान नगेन्द्र राईले टमाटर खेतीबाट एक महिनामै चार लाखभन्दा बढी आम्दानी लिएका छन् । व्यावसायिक रूपमा टमाटर खेती गर्दै आएका राईले आठ हजार किलो टमाटर बिक्री गरेको बताए । उनले ५० रोपनी जग्गामा टमाटर खेती लगाएका छन् । कात्तिकसम्म करिब २० मेट्रिकटन टमाटर बेच्ने किसान राईको भनाइ छ ।

सुन्तलाको पकेट क्षेत्रका रूपमा रहेको सहिदभूमि गाउँपालिकामा पछिल्लो वर्ष टमाटर खेती पनि किसानको मुख्य आम्दानीको स्रोत बन्दै गएको छ । गाउँपालिकाले यो वर्ष किसानलाई उन्नत जातको बिउविजन ७५ प्रतिशत अनुदानमा वितरण गरेको छ । कृषिको विकासका लागि दुई करोडभन्दा बढी बजेट विनियोजना गरिएको अध्यक्ष मनोज राईले बताए । यो गाउँपालिकाका किसानले गत वर्ष तरकारीबाट करिब २० करोड र सुन्तलाबाट ३५ करोड आम्दानी गरेका थिए ।

यहाँ उत्पादित कृषिजन्य सामग्री धनकुटाको हिले, मुलघाट, गुठीटारलगायत स्थान हुँदै अन्यत्र निर्यात गर्ने गरिएको छ ।

 

भर्खरै प्रकाशित

काठमाण्डु उपत्यकामा थपिए ८४३ जना कोरोना संक्रमित

काठमाण्डु । काठमाण्डु उपत्यकामा पछिल्लो २४ घण्टामा ८४३ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार काठमाण्डुमा ६९६,भक्तपुरमा २९ र…

२२ वर्षे ब्लगर : जसले इन्टाग्रामको एक पोष्टबाट १५ लाख…

फेसबुक, टि्वटर तथा इन्स्टाग्राम जस्ता सोसल मिडियामा दैनिक करोडौँ प्रयोगकर्ताहरुले विभिन्न सामाग्रीहरु पोष्ट गर्ने गर्छन् । आफ्ना विचार, गतिविधि, तस्वीर, भिडियो, टिप्पणी जस्ता सामाग्रीहरु सोसल…

दैनिक ३ करोडभन्दा बढीको बिजुली खेर जाँदै

काठमाडौं । यो साता केही दशैंका कारण विद्युतको माग धेरै कम भयो । सामान्यतयाः दशैंका बेलामा यसरी बिजुलीको मागमा भारी कमी आउँछ । दशैंका कारण…

दसैं मान्न घर आएका युवामा कोरोना पुष्टि, पाँच दिनका लागि…

बागलुङ : जिल्लाको काठेखोला गाउँपालिका ३ धम्जा पाँच दिनका लागि सिल गरिएको छ । दसैं मनाउन घर आएका एक युवामा दसैंकै दिन कोरोना संक्रमण पुष्टि…

मङ्गल ग्रहमा तीनवटा भूमिगत ताल, हिउँ पग्लिने तापक्रम छैन तर…

मङ्गल ग्रहको दक्षिणी ध्रुवनजिकै तीनवटा नयाँ भूमिगत ताल फेला परेका छन्। वैज्ञानिकहरूले सन् २०१८ मा सङ्केत पाइएका पाइएकामध्ये एकचौथाइ वास्तवमै अस्तित्वमा भएको पुष्टि गरेका छन्।…