इजरायल बहिष्कार कानूनविरुद्ध यूएईले दियो यस्तो आदेश, अब कस्तो होला दुई देशबीच व्यापार सम्बन्ध

संयुक्त अरब अमिरात (यूएई) का राष्ट्रपति शेख खलीफा बिन जायेदले सन् १९७२ मा बनेको इजरायल बहिष्कार कानून समाप्त गर्ने आदेश शनिवार जारी गरेका छन् ।

उक्त कानूनले इजरायलसँग कुनै पनि आर्थिक र वाणिज्यिक सम्बन्ध राख्न यूएईलाई प्रतिबन्ध लगाएको थियो ।

यो घोषणा अमेरिका र इजरायल सरकारको प्रतिनिधिमण्डल अबु धाबी पुग्नुअघि गरिएको हो । अमेरिका, यूएई र इजरायलबीच एक सम्झौता गरेर दुई देशको सम्बन्ध सहज बनाउने कोशिश गरिएको छ ।

अमेरिका र इजरायल सरकारको प्रतिनिधिमण्डल इजरायलको विमान उडान संख्या एआई–९७१ बाट अबु धाबी पुग्दैछन् । इजरायलबाट यूएई सीधै आउने यो पहिलो उडान हुनेछ ।

शेख जायेदको नयाँ आदेशअनुसार, ‘यूएईमा बस्ने कुनै पनि व्यक्ति र कम्पनीले इजरायलको कुनै व्यक्ति वा स्थानीय व्यापारी तथा निकायसँग वाणिज्यिक तथा वित्तीय सम्झौता गर्न सक्छ ।’

यूएईमा इजरायलका सबै सामान र उत्पादन ल्याउन र बेच्न अनुमति पनि दिइएको शेखले बताए ।

विश्लेषकहरू शेखको ताजा घोषणा औपाचरिक र प्रतीकात्मक महत्त्व बोकेको बताएका छन् । विगत दुई दशकदेखि इजरायल र यूएईबीच अनौपचारिक व्यापार बढिरहेको थियो ।

इजरायली अधिकारीहरूका अनुसार, विगत २० वर्षमा कम्तीमा ५०० इजरायली कम्पनीहरूले यूएईमा व्यापारिक सम्झौता गरेका छन् ।

१७ दिनअघि इजरायल र यूएईले अमेरिकाका राष्ट्रपति डोनल्ड ट्रम्पको मध्यस्थतामा एक सम्झौता गर्न लागेको बताएका थिए । त्यसमार्फत दुई देशबीच कूटनीतिक तथा व्यापारिक सम्बन्ध घनीभूत बनाउने कोशिश गरिने बताइएको थियो ।

यस सम्झौताले पश्चिम एसियाको राजनीतिमा उथलपुथल ल्याउने बताइएको छ ।

इजरायलका परराष्ट्रमन्त्री गबी अश्केनाजीले भने, ‘यूएईले शान्तिको दिशामा ठूलो कदम उठाएको छ र यसबाट क्षेत्रमा स्थिरता आउनेछ । दुवै देशका लागि पर्याप्त आर्थिक र व्यावसायिक अवसरहरू यसबाट उत्पन्न हुनेछन् ।

दुवै देशले आधिकारिक रूपमा अनेकौं सम्झौता कार्यान्वयन गर्न सक्नेछन् ।

दुवै देशका अधिकारीले रक्षा, चिकित्सा, पर्यटन र उद्योगको क्षेत्रमा मिलेर काम गर्ने भएका छन् ।

दुवै देशबीच अहिलेसम्म आधिकारिक हवाई सम्पर्क थिएन । सोमवार इजरायली विमान तेल अभिभबाट उड्दा साउदी अरबको आकाश हुँदै यूएई पुग्ने हो कि हैन भन्ने स्पष्ट छैन किनकि इजरायल र साउदीबीच आधिकारिक सम्बन्ध छैन ।

भर्खरै प्रकाशित

रोल्पाली मह दैनिक एक चम्चा, स्वास्थ्यमा हुनेछन् फाइदै फाइदा

काठमाडौं । शताब्दियौंदेखि महको प्रयोग महत्त्वपूर्ण औषधिका रूपमा भइरहेको छ । यसको सेवनले स्वास्थ्यसम्बन्धी समस्या निर्मूल पार्छ । सुन्दरता बढाउन समेत यसको प्रयोग गरिन्छ ।…

धान्नै नसक्ने गरी कोरोना संक्रमित बढ्ने संकेत प्राप्त भयो :…

काठमाडौं । स्वास्थ्य तथा जनसंख्या मन्त्रालयले हरेक ४ दिनमा कोरोना संक्रमण दोब्बर बनिरहेको बताएको छ। बुधबारको प्रेस ब्रिफिङमा स्वास्थ्य तथा जनसंख्या मन्त्रालयका प्रवक्ता डा जागेश्वर…

सर्वोच्च अदालतको आदेश : अख्तियारले स्टिङ अपरेसन गर्न नपाउने

काठमाडौँ । सर्वोच्च अदालतले अख्तियार दुरुपयोग अनुसन्धान आयोगले स्टिङ अपरेसन गर्न नपाउने फैसला सुनाएको छ । घुस लिने व्यक्ति प’क्राउ गर्न आयोगले स्टिङ अपरेसनबाट संकलन…

‘हेभी ल्यान्डिङ’ ले बिग्रिएको वाइडबडीको गियर राख्‍न २२ करोड खर्च…

नेपाल एयरलाइन्सको एयरब ए-३३० वाइडबडी जहाजको ल्यान्डिङ गियर प्रतिस्थापन गर्न २२ करोड खर्च हुने भएको छ। गएको पुसमा नेपाल एयरलाइन्सको ‘एन नाइन–एएलजेड’ नेपाली दर्ता नम्बर…

रहेनन् दाङका एक निर्भिक र निडर पत्रकार अधिकारी

दाङ । दाङ घोराही निवासी पत्रकार दामोदर अधिकारीको कोरोना भाइरस संक्रमनका कारण नि’धन भएको छ । घोराही उपमहानगरपालिका वडा नं. १७ बेलभार निवासी ४० बर्षीय…