प्रविधि क्षेत्रमा चीनको यस्तो कदमले अमेरिकालाई निकै ठूलो झट्का लाग्नसक्छ

काठमाडौं। पछिल्लो केही महिनायता चीनको विश्वका अन्य ठूला अर्थतन्त्रसँग ठूलो ‘युद्ध’ चलिरहेको छ । पछिल्लो पटक अमेरिकाले चीनका कैयौं एपहरुलाई बन्द गरिदिने चेतावनी दिएको छ । अमेरिकाले कैयौं चिनियाँ एपका मालिक कम्पनीहरुसँग सीधा कारोबार बन्द गरिसकेको छ र यी एपहरुलाई पूरै बन्द गर्ने तयारीमा जुटेको छ ।

भारतले ५ दर्जन चिनियाँ एपमाथि प्रतिबन्ध लगाइसकेको छ । अस्ट्रेलिया र युरोपेली देश पनि चीनमाथि यस्तै किसिमका प्रतिबन्ध लगाउने तयारीमा जुटेका छन् ।

अमेरिकासहितका देशहरुले आफूविरुद्ध प्राविधिक र आर्थिक यु द्ध सुरु गरेपछि चीनले अब भने जवाफ दिने तयारी थालेको छ । चीनले अमेरिकालाई आर्थिक र प्राविधिक क्षेत्रमा निकै ठूलो झट्का दिने तयारी थालेको छ जुन झट्का अमेरिकाको लागि प्रविधि जगतमा अहिलेसम्मकै ठूलो झ ट्का हुन सक्छ । चीनले आफ्नो देशमा अमेरिकी कम्पनी एप्पललाई नै प्रतिबन्ध लगाइदिने चेतावनी दिएको छ ।

एप्पलइनसाइडरको रिपोर्टअनुसार चीनको विदेश मन्त्रालयले शुक्रबार यस्तो चेतावनी दिएको हो । चीनको विदेश मन्त्रालयका प्रवक्ता झाओ लिजियानले शुक्रबार यदि अमेरिकाले ‘वीच्याट’माथि प्रतिबन्ध लगाए चीनसँग पनि एप्पल र यसका उत्पादनहरु आफूसँग राख्ने कुनै कारण नभएको बताए ।

अमेरिकामा सामाजिक संजाल वीच्याट बन्द गर्ने माग तीब्र रुपमा उठिरहेको छ । अमेरिकाले यसलाई निकै छिटो बन्द गर्न सक्ने सम्भावना छ ।

यदि चीनले एप्पललाई बन्द गरिदिए यसले अमेरिकालाई निकै ठूलो झट्का लाग्नेछ किनकि एप्पल र एन्ड्रोइड उपकरणहरुको विश्वमै सबैभन्दा ठूलो बजार चीन हो ।

एप्पलइनसाइडरकै रिपोर्टअनुसार चीनले यी उपकरणहरुको ठूलो बजारको रुपमा अमेरिकालाई ७ वर्षअघि नै उछिनेको थियो । यदि एप्पलले आफ्नो सबैभन्दा ठूलो बजार गुमाउनुपरेमा उसलाई निकै ठूलो धक्का लाग्नेछ । यो धक्का सम्भवतः प्रविधि जगतकै सबैभन्दा ठूलो धक्का हुन सक्छ ।

उता अमेरिकी राष्ट्रपति ट्रम्पले भने टिकटक र वीच्याट बन्द गर्ने भनिसकेका छन् । अमेरिकाले यी दुवै एपमाथि सेप्टेम्बरमा प्रतिबन्ध लगाउन सक्छ । ट्रम्पले यी एपले राष्ट्रिय सुरक्षामा खतरा उत्पन्न गरेको बताएका छन् ।

ट्रम्पको यो घोषणापछि अमेरिका र चीनबीच व्यापारयुद्ध उत्कर्षमा पुगेको छ । टम्पको घोषणासँगै झाओ लिजियानले ‘अमेरिकाले वीच्याट बन्द गरे चिनियाँहरुसँग पनि एप्पलका उत्पादन प्रयोग गर्नुपर्ने कुनै कारण नदेखिने’ बताएका हुन् ।

भर्खरै प्रकाशित

रोल्पाली मह दैनिक एक चम्चा, स्वास्थ्यमा हुनेछन् फाइदै फाइदा

लमजुङ । लमजुङमा सासू–ससुरालाई स्याहार–सुसार गर्ने बुहारीहरूलाई सम्मान गरिएको छ । वृद्ध सासू–ससुरालाई सम्मानपूर्वक स्याहार–सम्भार, पालनपोषण गर्ने बुहारीहरूलाई सम्मानित गरिएको हो । ज्येष्ठ नागरिक समाज…

रोल्पाली मह दैनिक एक चम्चा, स्वास्थ्यमा हुनेछन् फाइदै फाइदा

काठमाडौं । शताब्दियौंदेखि महको प्रयोग महत्त्वपूर्ण औषधिका रूपमा भइरहेको छ । यसको सेवनले स्वास्थ्यसम्बन्धी समस्या निर्मूल पार्छ । सुन्दरता बढाउन समेत यसको प्रयोग गरिन्छ ।…

धान्नै नसक्ने गरी कोरोना संक्रमित बढ्ने संकेत प्राप्त भयो :…

काठमाडौं । स्वास्थ्य तथा जनसंख्या मन्त्रालयले हरेक ४ दिनमा कोरोना संक्रमण दोब्बर बनिरहेको बताएको छ। बुधबारको प्रेस ब्रिफिङमा स्वास्थ्य तथा जनसंख्या मन्त्रालयका प्रवक्ता डा जागेश्वर…

सर्वोच्च अदालतको आदेश : अख्तियारले स्टिङ अपरेसन गर्न नपाउने

काठमाडौँ । सर्वोच्च अदालतले अख्तियार दुरुपयोग अनुसन्धान आयोगले स्टिङ अपरेसन गर्न नपाउने फैसला सुनाएको छ । घुस लिने व्यक्ति प’क्राउ गर्न आयोगले स्टिङ अपरेसनबाट संकलन…

‘हेभी ल्यान्डिङ’ ले बिग्रिएको वाइडबडीको गियर राख्‍न २२ करोड खर्च…

नेपाल एयरलाइन्सको एयरब ए-३३० वाइडबडी जहाजको ल्यान्डिङ गियर प्रतिस्थापन गर्न २२ करोड खर्च हुने भएको छ। गएको पुसमा नेपाल एयरलाइन्सको ‘एन नाइन–एएलजेड’ नेपाली दर्ता नम्बर…