दिल्लीबाट लन्डन पुगिने बस सेवा शुरू हुँदै, बसले ७० दिनमा १८ वटा देश पार गर्ने

तपाईं बस चढेर संसारको एक कुनाबाट अर्को कुना जान इच्छुक हुनुहुन्छ ?

यात्रा कम्पनी एड्भेन्चर्स ओभरल्यान्डले भारतको राजधानी दिल्लीबाट बेलायतको राजधानी लन्डनसम्म जाने बस सेवा शुरू गर्न खोजेको छ ।

यस विलासी बसमा २० जना यात्रु हुनेछन् । सन् १९५०/ ६० को दशकमा संसार घुम्न हिप्पीहरूको बसबाट यो आंशिक प्रभावित भएको हो ।

बसले ७० दिनमा १८ वटा देश पार गर्नेछ । यात्रुहरूले यात्राका क्रममा म्यान्मारका पगोडा, चीनको ग्रेट वाल र मस्को तथा प्राग जस्ता ऐतिहासिक शहरको पनि भ्रमण गर्न पाउनेछन् ।

एड्भेन्चर्स ओभरल्यान्ड तुषार अग्रवाल र सञ्जय मदनले शुरू गरेका हुन् । उनीहरू यात्रामा अत्यन्तै रुचि राख्छन् ।

सन् २०१० मा लन्डनबाट दिल्लीसम्म एक्लै गाडी चलाएर आएपछि बस सेवा शुरू गर्ने विचार आएको अग्रवाल बताउँछन् ।

एड्भेन्चर्स ओभरल्यान्ड आरम्भ गरेदेखि अग्रवाल र मदनले भारतबाट बेलायतसम्मका तीन यात्रा गराइसकेका छन् । त्यसक्रममा यात्रुहरूले आफ्नै गाडी ल्याउँछन् र जत्था बनाएर हिँड्छन् ।

उनीहरूले आइसल्यान्डका हिउँमा अनि रुसका जमेका तालमा ड्राइभिङ पनि गराएका छन् ।

‘धेरै मानिसलाई यसरी सडकमार्गबाट यात्रा गर्न मन लाग्छ तर उनीहरू गाडी चलाउा चाहिँ चाहँदैनन्,’ अग्रवालले भने । ‘त्यसैले हामीहरूले मानिसहरू आरामदायी रूपमा बसमा बसेर लामो यात्रा गरून् भन्ने सोचका साथ बस सेवा शुरू गरेका हौं ।’

लन्डनसम्म जाने बसको पहिलो यात्रा सन् २०२१ को मध्यतिरबाट शुरू हुनेछ । त्यतिखेरसम्म कोरोनाभाइरसका कारण लगाइएका नियन्त्रण खुकुलो हुने अपेक्षा छ ।

‘यात्राका लागि सबभन्दा राम्रो समय अप्रिलदेखि जुन महिनासम्म हो किनकि त्यतिखेर भारतबाट म्यान्मार हुँदै चीन र किर्गिजस्तानका अग्ला पहाड पार गर्न अनुकूल मौसम रहन्छ,’ अग्रवालले भने ।

यो सडकयात्रा सस्तो चाहिँ छैन । अग्रवालका अनुसार, यसका लागि २० हजार डलर अर्थात् लगभग २४ लाख रुपैयाँ खर्च गर्नुपर्ने हुन्छ । तर बीच बाटोसम्म मात्र जान्छु भन्न पनि पाइन्छ । सीएनएनबाट

 

भर्खरै प्रकाशित

भोलिबाट लाइसेन्सको कोटा हट्ने अनलाइन फारम खुल्ने

भोलिबाट सवारी चालक अनुमति पत्र (लाइसेन्स)को अनलाइन फारम खुल्ने भएको छ। योसँगै निश्चित कोटा सिस्टम पनि हट्ने यातायात व्यवस्था विभागका महानिर्देशक गोगन बहादुर हमालले जानकारी…

नेपाली ‘टिनेजर’ युवतीहरुको मनमा बस्ने यी युवा को हुन् ?

नेपालली सामाजिक संजालमा एउटा तस्विर छाइरहेको छ। शारीरिक सुपमा सुगठित, अग्लो कद, लामो कपाल त्यसैमा शरिरैभर ट्याट्यु। झट्ट हेर्दा नेपाली जनजाती युवा जस्तै देखिने अनुहार…

सत्ताबाट उत्रिएपछि डोनाल्ड ट्रम्पलाई उनकै समर्थकले गाली गर्न थाले

सत्ताबाट उत्रिएका अमेरिकाका निवर्तमान राष्ट्रपति डोनाल्ड ट्रम्पलाई उनकै समर्थकले गाली गर्न थालेका छन्। गत वर्षको राष्ट्रपति निर्वाचनमा दोस्रो कार्यकालका लागि उम्मेदवार बनेका ट्रम्पले पराजित भएपछि…

ओरालो लागेको मृगलाई बाच्छाले पनि खेद्छ भने झैँ भयो पोम्पेओसहित…

काठमाडौं । चीनले अमेरिकाका पूर्व विदेशमन्त्री माइक पोम्पेओसहित डोनाल्ड ट्रम्प प्रशासनका २८ अधिकारीमाथि प्रतिबन्धको घोषणा गरेको छ । आफ्नो आन्तरिक मामिलामा दखल दिएको भन्दै चीनले…

डोनाल्ड ट्रम्पले गरेका फोहोर सफा गर्दै जो बाइडेन, सत्तामा आएलगतै…

काठमाडौँ। डोनाल्ड ट्रम्पको नेतृत्वमा अमेरिकी सरकारले गरेका विभिन्न गल्तिहरु बाइडेन सरकारललाई कसरी डिल गर्ने भन्ने चुनौती थपिएको छ। ट्रम्पका कारण चीनसंग बिग्रिएको आर्थिक कारोबार,  इरान…