नियम पालना गर्दैनन् भन्दै जापानका सैलुनमा नेपालीलाई प्रवेश निषेध ! नेपालीमै टाँसियो सूचना

काठमाडौं । जापानको एउटा शहरको सैलुनले नेपाली ग्राहकहरुलाई प्रतिबन्ध लगाएको छ । नेपालीमै सूचना टाँसेर सैलुनले नेपाली ग्राहकलाई प्रवेश निषेध गरेको हो । अहिले जापानको नेपाली समुदायमा उक्त तस्वीर भाइरल भएको छ ।

टाँसिएको सूचनामा लेखिएको छ– ‘निषेध प्रविष्टि, नेपालीको निकास, नेपालीहरुले नियम पालना गर्देनन् स्टोरमा कहिल्यै प्रवेश नगर्नुहोस् यहाँ नआउनुहोस् ।’

उक्त तस्वीर बुधवार ड्युटीमा जाँदै गर्दा नेपाली युवती अरुणा तामाङले खिचेकी थिइन् । तस्वीर जापानको इकेबुकुरो नजिकै रहेको एक कपाल काट्ने सैलुनको ढोकामा टाँसिएको अरुणाले डिसी नेपालसँग बताइन् । ‘आज बिहान काममा जाँदै थिएँ ।

बाटोमा एउटा कपाल काट्ने सैलुनको ढोकामा टाँसेको फोटोले नरमाइलो लाग्यो,’ जापानबाट सम्पर्कमा आएकी अरुणाले डिसी नेपालसँग भनिन्, ‘नराम्रो लागेर फोटो मात्रै लिएकी हुँ । आवश्यक भए भिडियो खिचेर पठाइदिउँला ।’

उनले किन यस्तो लेखियो भन्ने बारे आफूलाई केही थाहा नभएको समेत बताइन् । सैलुन सञ्चालकको बारेमा पनि आफू अनभिज्ञ रहेको उनले बताइन् ।

‘मलाइ केही पनि थाहा छैन यसको मान्छे को हो, किन यस्तो लेखेर राख्यो भनेर,’ उनले भनिन् । नेपालीको बारेमा त्यस्तो लेखिएको देख्दा निकै नरमाइलो अनुभव भएको उनले सुनाइन् ।

अहिले अन्यत्र जस्तै जापानमा पनि कोरोना संक्रमणले उग्ररुप लिएको छ । त्यहाँको सरकारले पनि कोरोना नियन्त्रणका लागि विभिन्न कडा नियमहरु जारी गरेको छ । त्यसमा सैलुन क्षेत्र पनि एक हो ।

जहाँ सैलुन सञ्चालक तथा ग्राहकले तोकिएका निश्चित मापदण्ड अनिवार्य रुपमा पालना गर्नैपर्छ । नेपाली ग्राहकले तोकिएका नियमहरु पालना नगर्दा सैलुनले यस्तो लेख्नुपर्ने बाध्यता परेको हुनसक्ने अनुमान जापानमै बस्ने कतिपय नेपालीले गरेका छन् । जापानमै बस्ने कतिपय नेपालीहरु यो तस्वीर सार्वजानिक भएसँगै दुखित समेत बनेका छन् ।

भर्खरै प्रकाशित

रोल्पाली मह दैनिक एक चम्चा, स्वास्थ्यमा हुनेछन् फाइदै फाइदा

काठमाडौं । शताब्दियौंदेखि महको प्रयोग महत्त्वपूर्ण औषधिका रूपमा भइरहेको छ । यसको सेवनले स्वास्थ्यसम्बन्धी समस्या निर्मूल पार्छ । सुन्दरता बढाउन समेत यसको प्रयोग गरिन्छ ।…

धान्नै नसक्ने गरी कोरोना संक्रमित बढ्ने संकेत प्राप्त भयो :…

काठमाडौं । स्वास्थ्य तथा जनसंख्या मन्त्रालयले हरेक ४ दिनमा कोरोना संक्रमण दोब्बर बनिरहेको बताएको छ। बुधबारको प्रेस ब्रिफिङमा स्वास्थ्य तथा जनसंख्या मन्त्रालयका प्रवक्ता डा जागेश्वर…

सर्वोच्च अदालतको आदेश : अख्तियारले स्टिङ अपरेसन गर्न नपाउने

काठमाडौँ । सर्वोच्च अदालतले अख्तियार दुरुपयोग अनुसन्धान आयोगले स्टिङ अपरेसन गर्न नपाउने फैसला सुनाएको छ । घुस लिने व्यक्ति प’क्राउ गर्न आयोगले स्टिङ अपरेसनबाट संकलन…

‘हेभी ल्यान्डिङ’ ले बिग्रिएको वाइडबडीको गियर राख्‍न २२ करोड खर्च…

नेपाल एयरलाइन्सको एयरब ए-३३० वाइडबडी जहाजको ल्यान्डिङ गियर प्रतिस्थापन गर्न २२ करोड खर्च हुने भएको छ। गएको पुसमा नेपाल एयरलाइन्सको ‘एन नाइन–एएलजेड’ नेपाली दर्ता नम्बर…

रहेनन् दाङका एक निर्भिक र निडर पत्रकार अधिकारी

दाङ । दाङ घोराही निवासी पत्रकार दामोदर अधिकारीको कोरोना भाइरस संक्रमनका कारण नि’धन भएको छ । घोराही उपमहानगरपालिका वडा नं. १७ बेलभार निवासी ४० बर्षीय…