चीनमा एक महिना पहिलेदेखि नै कोरोना खोपको प्रयोग भइरहेको छ

काठमाडौं । चीनले क्लिनिकल परीक्षण नसकिए पनि एक महिनादेखि नै कोरोना भाइरस (कोभिड–१९) विरुद्धको खोपको सार्वजनिक प्रयोग भइरहेको बताएको छ । चीनले जुलाईको अन्तिमबाट अति जोखिममा रहेका मानिसहरुमा निर्माणको क्रममा रहेको खोपको प्रयोग शुरु गरेको हो ।

चीनको दाबी अनुसार रुसले आधिकारिक रुपमा दाबी गर्नुभन्दा तीन साता पहिला नै चीनले कोरोना खोपको प्रयोग शुरु गरेको हो । यद्यपि दुवै खोपले स्ट्याण्डर्ड मापदण्ड भने पूरा गर्न बाँकी नै छ ।

शनिबार चिनियाँ अधिकारीहरुले जुलाईको अन्तिमबाट नै केही स्वास्थ्यकर्मी र राष्ट्रिय कम्पनीका कर्मचारीहरुलाई खोप दिइएको उल्लेख गरेका छन् । चीनले आपतकालीन प्रयोगको प्रोटोकल अन्तर्गत खोप दिएको हो ।

अहिले विश्वभर नै कोरोना भाइरसविरुद्धको खोप सकेसम्म छिटो कसरी ल्याउने भन्ने प्रतिस्पर्धा चलिरहेको छ । यस्तो अवस्थामा खोप निर्माणको लागि तोकिएका धेरै चरण पूरा गर्नुभन्दा पहिला नै खोप तयार गर्ने गरी धेरै कम्पनीहरुले काम गरिरहेका छन् । तर, केही मुलुकहरुले भने अनिवार्य गर्नुपर्ने परीक्षणका प्रक्रिया पनि पूरा नगरी खोपको लागि अनुमति दिइरहेका छन् ।

गत साता पपुवा न्युगिनीसँगको कूटनीतिक विवादपछि चीनले खोपको घोषणा गरेको हो । पपुवा न्युगिनीले चीनबाट गएका खानीमा काम गर्ने कामदारको समूहलाई फिर्ता पठाएको थियो । उनीहरुलाई अहिले परीक्षणको क्रममा रहेको कोरोना खोप दिइएको बताइएको थियो ।

कोरोनाविरुद्धको खोप सन् २०२१ सम्म बजारमा आइपुग्न सक्ने अनुमान गरिएको छ । तर, रुस र चीनले भने समयभन्दा अगाडि नै यो खोपको प्रयोग शुरु गरेका छन् ।

यद्यपि चीनले खोप दिन थालेको एक महिनापछि मात्र किन घोषणा गर्‍यो भन्ने विषय भने रहस्यमय छ । एक महिनाभित्रमा कुनै साइड इफेक्ट देखिएको खण्डमा यसको प्रयोगमा रोक लगाउने तयारीका साथमा यो खोपको प्रयोग शुरु भएको हुन सक्ने समाचारहरुमा जनाइएको छ ।

स्रोत : वासिङटन पोस्ट

भर्खरै प्रकाशित

ओलीको निर्णयविरुद्ध फेरि निर्वाचन आयोग गयो माधव नेपाल समूह

५ वैशाख, काठमाडौं । नेकपा एमालेको माधवकुमार नेपाल समूह पार्टी अध्यक्ष केपी शर्मा ओलीको निर्णयविरुद्ध फेरि निर्वाचन आयोग गएको छ । अध्यक्ष ओलीले सर्वोच्च अदालतको…

प्रदेश २ को नाम ‘मधेश प्रदेश’ र राजधानी ‘जनकपुर’ :…

जनकपुरधाम । प्रदेश नम्बर २ को नाम र राजधानी ३ बर्ष वितिसक्दा पनि सरकारले तोक्न सकेको छैन । आईतबार प्रदेश २ को नाम र स्थायी…

विवाह गर्न जन्म दर्ता वा नागरिकता अनिवार्य

पश्चिम । जिल्लाका पुरोहित, पुजारी र पास्टरहरूले विवाहको लगन हेर्नुपूर्व एउटा सर्त पालना गर्नुपर्ने भएको छ । उनीहरूकहाँ विवाहका लागि लगन हेराउन गएकाहरूले जन्मदर्ता वा नागरिकता…

बादलको खाली स्थानमा ३५ दिनभित्रै उपचुनाव गर्नुपर्ने

काठमाडौं । गृहमन्त्री रामबहादुर थापा बादल आइतबारदेखि राष्ट्रिय सभा सदस्य पदबाट मुक्त भएका छन् । विद्यमान कानूनी व्यवस्थाअनुसार अब बादलको रिक्त स्थानमा ३५ दिनभित्रै उपनिर्वाचन…

प्रधानमन्त्री ओलीले बोलाएको बैठक रोक्न बोहराको आग्रह

५ वैशाख, काठमाडौं । नेकपा एमालेका अध्यक्ष केपी शर्मा ओलीले सोमबारका लागि बोलाएको महाधिवेशन आयोजक कमिटीको बैठक रोक्न अमृतकुमार बोहोराले आग्रह गरेका छन् । एमालेको…