बिहारका मुख्यमन्त्री नितिश कुमारको आरोप : ‘नेपालले बिहारमा बाढी नियन्त्रण गर्न सहयोग गरेन’

भारतको बिहारका मुख्यमन्त्री नितिश कुमारले नेपालले बाढी नियन्त्रणमा सहयोग नगरेको आरोप लगाएका छन्। भारतीय प्रधानमन्त्री नरेन्द्र मोदीसँग भएको भिडियो कन्फरेन्सको क्रममा उनले बिहारको उत्तरी क्षेत्रमा बाढी नियन्त्रण गर्न नेपाली पक्षले सहयोग नगरेको उल्लेख गरेको एनडीटिभीले जनाएको छ।

नेपाली क्षेत्रबाट बग्ने नदीले बिहारमा बाढी जाने क्रम बढेको नितिशको भनाइ थियो।

‘अत्याधिक वर्षाका कारण नेपाली क्षेत्रमा रहेको ब्यारेजमा पानीको सतह बढ्दै जाँदा उत्तरी बिहारमा बाढी गइरहेको छ।

नेपाल र भारतबीचको सम्झौता अनुसार बिहारको पानी संसाधन विभागले बाढी नियन्त्रणको प्रयास गरिरहेको छ।’ नितिशले भने, ‘तर केही वर्षयता नेपालले हामीलाई बाढी नियन्त्रण गर्न सहयोग गरिरहेको छैन।’

नितिशले मोदीलाई यस विषयमा सहयोग गर्न आग्रह गरेका छन्।

नितिशको उक्त अभिव्यक्तिपछि युनेस्कोको अन्तर्राष्ट्रिय जल सहयोगका अध्यक्ष र उपसाला विश्वविद्यालय प्रोफेसर अशोक स्वैनले भारतले बाढी नियन्त्रणमा असफल भएपछि नेपाललाई दोष लगाउने पुरानो खेल फेरि सुरु गरेको टिप्पणी गरेका छन्।

‘नेपालमा रहेको ब्यारेज भारतको नियन्त्रणमा छ र त्यसको व्यवस्थापन पनि भारतले नै गरिरहेको छ।’ स्वैनले ट्वीट गर्दै लेखेका छन्।

भर्खरै प्रकाशित

रेम्डिसिभिर तोकेको मूल्यभन्दा सस्तोमा दिएपछि तस्करहरूको दवावमा औषधि बिक्रीमा रोक

घोराही । दाङ जिल्लामा मिलेनियम फर्मास्युटिकल र कालिका मेडिकल हलले कोरोना संक्रमितको उपचारमा प्रभावकारी मानिएको रेम्डिसिभिर औषधि सस्तोमा दिएको भन्दै विक्री वितरणमा औषधि व्यवस्था विभागको…

जसपाका चार सांसदलाई कारवाही गर्ने निर्णय कार्यान्वयन नगर्न आदेश

काठमाडौं । सर्वोच्च अदालतले लुम्बिनी प्रदेशसभाका तत्कालीन चार सदस्यलाई कारवाही गर्ने निर्णय तत्काल कार्यान्वयन नगर्न आदेश जारी गरेको छ । न्यायाधीश नहकुल सुवेदीको एकल इजलासले…

एउटै दुलहीलाई लिन २ दुलाहा पुगेपछि हंगामा, एक प्रेमी अर्का…

भारतको उत्तर प्रदेशमा रहेको कन्नौजमा चलिरहेको एक विवाह समारोहमा दुलही लिन एकैपटक दुईजना दुलाहा पुगेपछि हंगामा मच्चिएको छ । ती दुईमध्ये एक दुलहीका प्रेमी थिए…

दाङको कोरोना विशेष अस्पताल : जहाँ तन्नेरीहरुले मात्रै धानेका छन्…

द्रोण वली उमेरले ३१ वर्ष पुग्नुभयो । अहिले कोरोना विशेष अस्पतालको व्यवस्थापनमा खटिरहनुभएको छ । कहिले अक्सिजन व्यवस्थापन, कहिले संक्रमित भर्ना, कहिले त्यहा आउने आफन्तिहरुका…

अक्सिजन प्लान्ट खरिदमा व्यापक अनियमितता : अक्सिजन प्लान्ट भनेर ४९…

सल्यान । जिल्ला अस्पताल सल्यानमा जडान गरिएको अक्सिजन प्लान्ट खरिदमा व्यापक अनियमितता भएको खुलासा भएको छ । शनिबार अस्पतालमा अक्सिजन प्लान्ट भनेर कन्सन्ट्रेटर जडान भएपछि…