दार्चुला–तिंकर सडक बनाउन खटिए सेना

दार्चुला । दार्चुला–तिंकर सडक निर्माणका लागि नेपाली सेनाको टोली दार्चुला पुगेको छ। चालु आर्थिक वर्षबाट दार्चुला–तिंकर सडकको निर्माण गर्ने जिम्मेवारी पाएसँगै नयाँ आर्थिक वर्षको पहिलो महिनामै सेनाको टोली निर्माण सामग्रीसहित जिल्ला आइपुगेको हो।

नेपाली सेनाका महासेनानी रमेश गुरुङको नेतृत्वमा ५३ जनाको टोली जिल्ला आइपुगेको दुर्गा दल गुल्म दार्चुलाका गुल्मपति सेनानी विक्रमदेव थापाले बताए। उनले भने ‘नेपाली सेनाका आठवटा गाडीमा निर्माण सामग्रीसहित सेनाको टोली सदरमुकाम खलंगा आइपुगेको छ।

सडक निर्माण गर्नुपर्ने क्षेत्रको स्थलगत अवलोकन गरी बन्दोबस्त गरिने छ।’ नेपाली सेनाको टोली केही दिन जिल्ला सदरमुकाम खलंगामै बस्ने र आवश्यक निर्माण सामग्री ढुवानीपश्चात् निर्माण स्थलमा खटिने सेनानी थापाको भनाइ छ।

सडक निर्माणको काम भाद्र महिनाबाट सुरु हुने थापाले संकेत गरे। बैशाख १४ गतेको नेपाल सरकार मन्त्रिपरिषद्को बैठकले व्यास गाउँपालिका–२ घाँटी बगरदेखि तिंकरसम्म ८७ किलोमिटर सडक निर्माणको जिम्मा दिने निर्णय गरेको थियो।

२०६५/६६ बाट निर्माण सुरु भएको दार्चुला–तिंकर सडकको हालसम्म ४० किलोमिटर ट्र्याक खोलिएको छ। आव २०७७/०७८ बाट नेपाली सेनाले दार्चुला–तिंकर सडक निर्माणको जिम्मेवारी पाएको थियो।

सेनाको टोलीले चार सय ५० मिटर गोरेटो बाटोसमेत निर्माण गरिरहेको छ। गोरेटो बाटो निर्माणको कार्य करिब आधा भइसकेको जनाइएको छ। माथिल्लो क्षेत्रमा सडक निर्माण थाल्ने तयारी भइरहेको थापाले बताए।

भर्खरै प्रकाशित

रेम्डिसिभिर तोकेको मूल्यभन्दा सस्तोमा दिएपछि तस्करहरूको दवावमा औषधि बिक्रीमा रोक

घोराही । दाङ जिल्लामा मिलेनियम फर्मास्युटिकल र कालिका मेडिकल हलले कोरोना संक्रमितको उपचारमा प्रभावकारी मानिएको रेम्डिसिभिर औषधि सस्तोमा दिएको भन्दै विक्री वितरणमा औषधि व्यवस्था विभागको…

जसपाका चार सांसदलाई कारवाही गर्ने निर्णय कार्यान्वयन नगर्न आदेश

काठमाडौं । सर्वोच्च अदालतले लुम्बिनी प्रदेशसभाका तत्कालीन चार सदस्यलाई कारवाही गर्ने निर्णय तत्काल कार्यान्वयन नगर्न आदेश जारी गरेको छ । न्यायाधीश नहकुल सुवेदीको एकल इजलासले…

एउटै दुलहीलाई लिन २ दुलाहा पुगेपछि हंगामा, एक प्रेमी अर्का…

भारतको उत्तर प्रदेशमा रहेको कन्नौजमा चलिरहेको एक विवाह समारोहमा दुलही लिन एकैपटक दुईजना दुलाहा पुगेपछि हंगामा मच्चिएको छ । ती दुईमध्ये एक दुलहीका प्रेमी थिए…

दाङको कोरोना विशेष अस्पताल : जहाँ तन्नेरीहरुले मात्रै धानेका छन्…

द्रोण वली उमेरले ३१ वर्ष पुग्नुभयो । अहिले कोरोना विशेष अस्पतालको व्यवस्थापनमा खटिरहनुभएको छ । कहिले अक्सिजन व्यवस्थापन, कहिले संक्रमित भर्ना, कहिले त्यहा आउने आफन्तिहरुका…

अक्सिजन प्लान्ट खरिदमा व्यापक अनियमितता : अक्सिजन प्लान्ट भनेर ४९…

सल्यान । जिल्ला अस्पताल सल्यानमा जडान गरिएको अक्सिजन प्लान्ट खरिदमा व्यापक अनियमितता भएको खुलासा भएको छ । शनिबार अस्पतालमा अक्सिजन प्लान्ट भनेर कन्सन्ट्रेटर जडान भएपछि…