दाङ पुगेर डुंगा सवार गर्दै पूर्वसभामुख महरा : ज्यामिरे तालमा डुंगा सरर…

पूर्वसभामुख कृष्णबहादुर महराले दाङको घोराही उपमहानगरपालिका १३ मा रहेको ज्यामिरे ताल र आपपासका पर्यटकीय पूर्वाधारको निरीक्षण गर्नुभएको छ । बाह्र कुने दहदेखि ज्यामिरे तालसम्म बनेको ट्रेकिङ मार्गमा पैदल हिडेर उहाँले आसपासका संरचनाको निरीक्षण गर्नुभएको हो ।

सो क्रममा उहाँले ज्यामिरे तालमा डुंगाबाट जलयात्रा पनि गर्नुभएको थियो ।

घोराही उपमहानगरपालिकाको लगानीमा करीब एक हजार मिटर लम्बाइ र ३५ मिटर गहिरो कृत्रिम जलाशय बनेपछि ज्यामिरे अहिले पर्यटकीय क्षेत्रको रुपमा स्थापित भएको छ ।

जिल्लाकै स्थापित बाह्रकुने दहदेखि ज्यामिरेसम्म जोड्ने पैदल मार्ग बनेपछि यसमा अझ आकर्षण बनेको छ । दाङ क्षेत्र नम्बर २ का प्रतिनिधिसभा सदस्य महराले गुरुयोजनाअनुसार यसलाई अघि बढाउन आफू प्रतिबद्ध भएर लाग्ने बताउनुभयो ।

सो क्रममा घोराही १३ का अध्यक्ष रविलाल घर्ती र सदस्य केशव बिसी, घोराही १२ का अध्यक्ष राजेन्द्र बुढा, वन समिति अध्यक्ष दयाजी बुढालगायत स्थानीयले यो क्षेत्रलाई महत्वपूर्ण पर्यटकीयस्थलको रुपमा विकास गर्न सरकारको अझै सहयोग आवश्यक रहेकाले पहल गरिदिन अनुरोध गरेका थिए ।

महराले घोराही १२ र १३ मा बनेका विभिन्न जलाशयको पनि निरीक्षण गर्नुभएको थियो ।

त्यसअघि उहाँले घोराही १७ स्थित निर्माणाधीन सहिद कृष्णसेन बहुप्राबिधिक शिक्षालय भवनको निरीक्षण गर्नुभएको थियो ।

भर्खरै प्रकाशित

ओरालो लागेको मृगलाई बाच्छाले पनि खेद्छ भने झैँ भयो पोम्पेओसहित…

काठमाडौं । चीनले अमेरिकाका पूर्व विदेशमन्त्री माइक पोम्पेओसहित डोनाल्ड ट्रम्प प्रशासनका २८ अधिकारीमाथि प्रतिबन्धको घोषणा गरेको छ । आफ्नो आन्तरिक मामिलामा दखल दिएको भन्दै चीनले…

डोनाल्ड ट्रम्पले गरेका फोहोर सफा गर्दै जो बाइडेन, सत्तामा आएलगतै…

काठमाडौँ। डोनाल्ड ट्रम्पको नेतृत्वमा अमेरिकी सरकारले गरेका विभिन्न गल्तिहरु बाइडेन सरकारललाई कसरी डिल गर्ने भन्ने चुनौती थपिएको छ। ट्रम्पका कारण चीनसंग बिग्रिएको आर्थिक कारोबार,  इरान…

ड्राइगन चाइनिज नाम भएको भन्दै भारतमा ड्राइगन फ्रुटको नाम परिवर्तन…

भारतका प्रधानमन्त्री नरेन्द्र मोदीको गृहराज्य गुजरातले ड्य्रागन फ्रुटको नाम परिवर्तन गर्न खोजेको छ । ड्य्रागनले चीनलाई सम्झाउने भएकाले नाम परिवर्तन गर्न खोजिएको हो । त्यस…

भारतले सहयोगमा दिएको भ्याक्सिन नेपाल आइपुग्यो

काठमाडौं, ८ माघ । भारतले सहयोगस्वरुप दिएको कोरोना भाइरसविरुद्धको भ्याक्सिन नेपाल आएको छ । आज एयर इन्डियाको विमानबाट १० लाख डोज भ्याक्सिन नेपाल आइपुगेको हो…

वर्षभरीको पाप पखाल्न माइनस १४ डिग्रीको पानीमा डुबुल्की मारे रुसी…

मंगलबार ६८ वर्षीय रूसी राष्ट्रपति भ्लादिमिर पुटिन राजधानी मास्कोको नजिक शून्य १४ डिग्री सेल्सियसमा एउटा क्रस आकारको पुलमा डुबेका थिए। पुटिन आइस जमेको पानीमा डुबेको…