प्रचण्डलाई ओलीको जवाफ : मेरोतर्फबाट सम्झौता हुन्न, जे-जे छाड्ने हो तपाईंहरु छाड्नुहोस्

काठमाडौं । नेपाल कम्युनिष्ट पार्टी (नेकपा)को आन्तरिक विवाद झनै बढेको छ । सोमबार विहान प्रधानमन्त्री निवास बालुवाटारमा भएको अध्यक्षद्वय केपी शर्मा ओली र पुष्पकमल दाहाल ‘प्रचण्ड’बीचको भेटबाट नेकपाभित्रको विवाद समाधानतर्फ जाने अपेक्षा गरिएको थियो ।

प्रधानमन्त्री तथा अर्का अध्यक्ष ओलीलाई भेट्न अध्यक्ष प्रचण्ड विहान ९ बजे बालुवाटार पुगेका थिए । उनको साथमा वरिष्ठ नेता झलनाथ खनाल र ओलीका साथ संसदीय दलका उपनेता सुवासचन्द्र नेम्वाङ थिए । खनाल र नेम्वाङ आइतबार ओली र प्रचण्डबीच भएको भेटमा पनि उपस्थित थिए ।

सोमबार विहान करिब दुई घण्टा भेटको अन्तिमतिर दुई अध्यक्षबीच भनाभनको अवस्था भयो, जसले नेकपाभित्रको विवाद समाधानतर्फ भन्दा पनि थप बल्झिएको छ । नेकपा उच्च स्रोतका अनुसार दुई अध्यक्षबीचको संवाद चर्काचर्कीमा पुगेपछि अध्यक्ष प्रचण्ड र नेता खनाल पउने ११ बजे बालुवाटारबाट बाहिरिएका छन् ।

दुई अध्यक्षको भेटमा प्रचण्डले पार्टीभित्रको समस्या समाधानका लागि अध्यक्ष र प्रधानमन्त्रीमध्ये एक पद छाड्न ओलीलाई आग्रह गरेका थिए । तर, ओलीले आफूले दुवै पद छाड्ने कुरा असम्भव रहेको बताउँदै प्रधानमन्त्री र अध्यक्ष छाड्नुपर्ने माग छाडेर संझौतामा आउन प्रचण्डलाई चेतावनी दिएको नेकपा स्रोतले बतायो ।

‘मेरोतर्फबाट संझौता हुन्न । जे जे छाड्ने हो तपाईंहरु छाड्नुहोस् । मलाई छाड्न विधानले दिन्न,’ ओलीले भेटमा प्रचण्डलाई भनेका थिए ।

ओलीको उक्त कुरापछि प्रचण्डले विधानअनुसार अध्यक्ष वा प्रधानमन्त्रीमध्ये एक पद छाड्न नमिल्ने भए विधानअनुसार केन्द्रीय समिति बैठक बोलाउनुपर्ने धारणा राखेका थिए । ‘तपाईंले विधानले पद छाड्न मिल्दैन भन्नुभयो, विधानअनुसार केन्द्रीय कमिटी बैठक बोलाऔं, यसमा सहमत हुनुहोस्,’ प्रचण्डले भेटमा भनेका थिए ।

तर, ओलीले केन्द्रीय कमिटी बैठक सम्भव नभएको बताउँदै विधानको आ–आफ्नो तरिकाले व्याख्या गर्न सकिने धारणा राखेको बैठक स्रोतले बतायो । ‘केन्द्रीय कमिटी बैठक सम्भव छैन । विधानको आ–आफ्नो व्याख्या हुन्छन् । बैठक माग गरेर हस्ताक्षर कसले बुझाये, त्यो पनि हेर्नुपर्छ’, ओलीले भनेका थिए ।

आइतबार विहान नेकपाका अध्यक्ष ओली र प्रचण्डबीच तीन घण्टा संवाद भएको थियो । सोमबार विहानको संवाद सकारात्मक बन्ने अपेक्षा गरिए पनि विवाद थप चर्किएको छ । अध्यक्ष ओलीले प्रचण्डलाई आफूले आफ्नो तयारी गरिसकेको समेत बताएका छन् ।

भर्खरै प्रकाशित

रोल्पाली मह दैनिक एक चम्चा, स्वास्थ्यमा हुनेछन् फाइदै फाइदा

काठमाडौं । शताब्दियौंदेखि महको प्रयोग महत्त्वपूर्ण औषधिका रूपमा भइरहेको छ । यसको सेवनले स्वास्थ्यसम्बन्धी समस्या निर्मूल पार्छ । सुन्दरता बढाउन समेत यसको प्रयोग गरिन्छ ।…

धान्नै नसक्ने गरी कोरोना संक्रमित बढ्ने संकेत प्राप्त भयो :…

काठमाडौं । स्वास्थ्य तथा जनसंख्या मन्त्रालयले हरेक ४ दिनमा कोरोना संक्रमण दोब्बर बनिरहेको बताएको छ। बुधबारको प्रेस ब्रिफिङमा स्वास्थ्य तथा जनसंख्या मन्त्रालयका प्रवक्ता डा जागेश्वर…

सर्वोच्च अदालतको आदेश : अख्तियारले स्टिङ अपरेसन गर्न नपाउने

काठमाडौँ । सर्वोच्च अदालतले अख्तियार दुरुपयोग अनुसन्धान आयोगले स्टिङ अपरेसन गर्न नपाउने फैसला सुनाएको छ । घुस लिने व्यक्ति प’क्राउ गर्न आयोगले स्टिङ अपरेसनबाट संकलन…

‘हेभी ल्यान्डिङ’ ले बिग्रिएको वाइडबडीको गियर राख्‍न २२ करोड खर्च…

नेपाल एयरलाइन्सको एयरब ए-३३० वाइडबडी जहाजको ल्यान्डिङ गियर प्रतिस्थापन गर्न २२ करोड खर्च हुने भएको छ। गएको पुसमा नेपाल एयरलाइन्सको ‘एन नाइन–एएलजेड’ नेपाली दर्ता नम्बर…

रहेनन् दाङका एक निर्भिक र निडर पत्रकार अधिकारी

दाङ । दाङ घोराही निवासी पत्रकार दामोदर अधिकारीको कोरोना भाइरस संक्रमनका कारण नि’धन भएको छ । घोराही उपमहानगरपालिका वडा नं. १७ बेलभार निवासी ४० बर्षीय…