कोरोना भाइरस भ्याक्सिनको क्लिनिकल परीक्षण सक्ने पहिलो मुलुक बन्यो रुस

एजेन्सी, १७ साउन । रुस कोरोना भाइरसविरुद्धको भ्याक्सिन उत्पादन तयार गर्नेतर्फ लागेको छ । उसले कोरोना भाइरसविरुद्धको भ्याक्सिनको क्लिनिकल परीक्षण सकेको छ । रुसी स्वास्थ्य मन्त्री मिखायल मुरास्कोले आज औपचारिक रुपमा यसबारे जानकारी दिएका हुन् ।

गामेलिया साइन्टिफिक रिसर्च इन्स्टिच्युट अफ इपिडिमिलोजी एन्ड माइक्रोबायोलोजीद्वारा विकास गरिएको भ्याक्सिनको क्लिनिकल परीक्षण सकिएसँगै यसको वैधानिक दर्ता प्रक्रिया बढाइएको मन्त्री मुरास्कोले बताए ।

रुसी समाचार संस्था तासले मुरास्कोको भनाई उदृत गर्दै भनेको छ, ‘गामेलिया सेन्टरद्वारा विकास गरिएको कोरोना भाइरसविरुद्धको भ्याक्सिनको क्लिनिकल परीक्षण सकिएको छ, भ्याक्सिन दर्ताका लागि कागजपत्रको काम बढाइएको छ ।’

रुसले अन्य दुई भ्याक्सिनको क्लिनिकल परीक्षण भइरहेको समेत जनाइएको छ । अबको आठ हप्ताभित्र क्लिनिकल परीक्षा गरिसक्ने जनाइएको छ ।

यसअघि रुस भ्याक्सिन उत्पादन गर्ने पहिलो देश बन्ने खुलिसकेको थियो । रुसले अगष्टको दोस्रो हप्ताभित्र उत्पादन गरेर प्रयोगमा ल्याउने जनाएको छ ।

रुस कोरोना भ्याक्सिन ल्याउने पहिलो देश बन्ने भएपनि यसलाई विश्व स्वास्थ्य संगठनले मान्यता दिनुपर्नेछ । रुसभित्र भने खोपले मान्यता पाउने निश्चितप्रायः छ । उसले रुसी नागरिकमा अगष्टमै यसको प्रयोग गर्ने तयारी गरेको छ ।

सँसारभर क्लिनिकल परीक्षणमा सबैभन्दा अगाडि चारवटा कम्पनि रहेकोमा गेमिली पनि हो । गामेलियाबाहेक युरोपको अक्सफोर्ड आस्ट्राजेनेका, अमेरिकाको मोर्डना र पिफिजर कोरोना खोप विकासको दौडमा अगाडि छन् ।

भर्खरै प्रकाशित

ओलीको निर्णयविरुद्ध फेरि निर्वाचन आयोग गयो माधव नेपाल समूह

५ वैशाख, काठमाडौं । नेकपा एमालेको माधवकुमार नेपाल समूह पार्टी अध्यक्ष केपी शर्मा ओलीको निर्णयविरुद्ध फेरि निर्वाचन आयोग गएको छ । अध्यक्ष ओलीले सर्वोच्च अदालतको…

प्रदेश २ को नाम ‘मधेश प्रदेश’ र राजधानी ‘जनकपुर’ :…

जनकपुरधाम । प्रदेश नम्बर २ को नाम र राजधानी ३ बर्ष वितिसक्दा पनि सरकारले तोक्न सकेको छैन । आईतबार प्रदेश २ को नाम र स्थायी…

विवाह गर्न जन्म दर्ता वा नागरिकता अनिवार्य

पश्चिम । जिल्लाका पुरोहित, पुजारी र पास्टरहरूले विवाहको लगन हेर्नुपूर्व एउटा सर्त पालना गर्नुपर्ने भएको छ । उनीहरूकहाँ विवाहका लागि लगन हेराउन गएकाहरूले जन्मदर्ता वा नागरिकता…

बादलको खाली स्थानमा ३५ दिनभित्रै उपचुनाव गर्नुपर्ने

काठमाडौं । गृहमन्त्री रामबहादुर थापा बादल आइतबारदेखि राष्ट्रिय सभा सदस्य पदबाट मुक्त भएका छन् । विद्यमान कानूनी व्यवस्थाअनुसार अब बादलको रिक्त स्थानमा ३५ दिनभित्रै उपनिर्वाचन…

प्रधानमन्त्री ओलीले बोलाएको बैठक रोक्न बोहराको आग्रह

५ वैशाख, काठमाडौं । नेकपा एमालेका अध्यक्ष केपी शर्मा ओलीले सोमबारका लागि बोलाएको महाधिवेशन आयोजक कमिटीको बैठक रोक्न अमृतकुमार बोहोराले आग्रह गरेका छन् । एमालेको…