सादा पोशाकमा कार्यरत जवान घरमा पनि सुन भेटिएपछि प्रहरीतिरै घुम्यो शंकाको सुई

काठमाडौं । १४ किलो चाँदी र आधा किलो सुन प्रकरण रहस्यमय बन्दै गएको छ। सुन प्रकरणको अनुसन्धानका क्रममा घटनास्थल नक्कली बनाएको खुलेपछि घटना शंकास्पद बनेको हो। सो प्रकरणपछि प्रहरीमाथि नै प्रश्न उब्जिन थालेको छ।

काठमाडौंको कमलादीमा बा ६ च ५५१९ नम्बरको स्कारपियो गाडी रोक्न खोज्दा नरोकी गति बढाएपछि प्रहरीले पिछा गरेको दाबी गरे पनि प्रहरीलाई नै तस्करी समूहले सुन्धाराको आकाशे पुलमा प्रहरीलाई सुनको झोला दिएको खुलेको छ।

आकाशे पुलमा प्रहरी जवान बहादुरसिं कठायतले तस्करीले दिएको झोला लिएर महानगरीय प्रहरी वृत दरबारमार्गका डीएसपी रन्जन दाहाललाई दिए। उनले उक्त झोला आफु चढ्ने गाडीमा हाले। तर प्रहरीले भने तस्करीले झोला फालेर हिँडेको दाबी गरेको छ।

दाहाललाई सुन आउँदैछ भन्ने पहिलो सुराकी दिएका थिए दरबारमार्ग वृतमा सादा पोशाकमा कार्यरत जवान प्रशन्‍न श्रेष्ठले। तर प्रहरीलाई झोला दिएर हिड्ने तस्करीलाई प्रहरीले किन समाएन? प्रहरीमाथि नै शंका उब्जिएको छ। यसबारेमा बुझ्‍न खोज्दा महानगरी प्रहरी परिसर काठमाडौंका प्रहरी प्रवक्ता राजकुमार केसीले सुन प्रकरणमा छानबिन भइरहेको अन्‍नपूर्ण अनलाइनसँग बताए।

प्रहरी जवानको डेरामा सुन

दरबारमार्ग वृत्तमा सादा पोशाकमा कार्यरत जवान प्रशन्न श्रेष्ठको सुराकीको आधारमा प्रहरीले सुन अप्रेशन गरेको थियो। तर सुनमान ‘गोलमाल’ भएको शंकापछि प्रहरीले सुराकी दिनेहरुमाथि नै छानविन थालेको छ। यो प्रकरणमा प्रहरीको सक्रियता नै शंकास्पद देखिएपछि दरबारमार्ग प्रहरीमाथि नै अनुसन्धान भइरहेको बेला त्यहाँ कार्यरत प्रहरी जवान प्रशन्न श्रेष्ठको डेरामा सुनको एउटा ‘विस्कुट’भेटिएको छ। १५ किलो ‘सुन’ प्रकरणको छानबिनका एक उच्च अधिकारीका अनुसार शुक्रबार प्रहरी जवान श्रेष्ठको घरमा पहेलो धातु भेटिएको हो।

त्यो सुन हो वा होइन भन्ने एकिन भने हुन बाँकी नै छ। श्रेष्ठका डेरामा भेटिएको धातु १५ किलोमध्येकै हो वा अन्य हो भन्ने विषयमा अनुसन्धान भइरहेको ति अधिकारीको भनाइ छ। सुन प्रकरण शंकास्पद देखिएपछि बिहीबार महानगरीय प्रहरी वृत्त, दरबारमार्गका डीएसपी दाहाललाई सरुवा गरिएको थियो। उनलाई राष्ट्रिय प्रहरी प्रतिष्ठान पठाइएको हो।

प्रहरी अपरेशनमा समन्वय नगरेको र दाहालको कार्यशैलीमाथि नै छानबिन भइरहेकाले प्रमाण लोप गर्न सक्ने आशंकामा सरुवा गरिएको प्रहरीको भनाइ छ।

दाहाललाई प्रहरी प्रतिष्ठानमा ताने लगत्तै त्यहाँका डीएसपी रामेश्वर पौडेललाई दरबारमार्गको प्रमुखको जिम्मेवारी दिइएको छ। शुक्रबार त्यहाँ कार्यरत प्रहरी जवानको डेरामासमेत पहेलो धातु देखिएपछि प्रहरीकै मिलेमतो रहेको आशंका बढेको छ।

मंगलबार मात्र प्रहरीले कमलादीबाट एउटा झोलामा १५ किलो पहेँलो धातु बरामद गरेको थियो। एउटा झोलामा बरामद धातु मध्ये आधा किलो सुन र बाँकी चाँदी भएको दाबी प्रहरीले गरेको छ। काठमाडौं प्रहरी परिसरको टोलीले सुन प्रकरणमा मुछिएको भनिएको गाडी बिहीबार ललितपुरको नखिपोटबाट नियन्त्रणमा लिएको थियो।

सुन प्रकरणमा हालसम्म चार जना प क्राउ परेका छन्। देवान पटेल, निलेश सखिया र विजय पटेल नवलपरासीको दुम्कीबाट प क्राउ परेका हुन्। त्यस्तै उमेश श्रेष्ठलाई महानगरीय प्रहरी परिसर काठमाडौंले प क्रेको हो। त्यस्तै दरबारमार्ग वृतमा सादा पोशाकमा कार्यरत जवान प्रशन्न श्रेष्ठको डेरामा सुनको विस्कुट भेटिएपछि हिरा सतमा राखेर अनुसन्धान सुरु गरिएको छ।

भर्खरै प्रकाशित

आन्दोलनमा आक्रमक हुन युवालाई प्रचण्डको निर्देशन डोनाल्ड ट्रम्पको जस्तो :…

काठमाडौं । नेपाल कम्युनिष्ट पार्टी(नेकपा) पुष्पकमल दाहाल प्रचण्ड–माधव पक्षका अध्यक्ष पुष्पकमल दाहाल ‘प्रचण्ड’ले आवेग र आक्रोशसहित आन्दोलनमा सक्रिय हुन युवाहरुलाई निर्देशन दिएपछि लुम्बिनी प्रदेशका मुख्य…

कोरोनाको खोप लगाउँदा नर्वेमा २९ जनाको ज्यान गयो

काठमाडौं । नर्वेमा कोरोना भाइरस (कोभिड–१९) विरुद्धको खोप लिएका २९ जनाको मृ’त्यु भएको छ । समाचार संस्था ब्लूमवर्गका अनुसार फाइजरले बायोएनटेकसँग मिलेर बनाएको कोरोना खोप…

केपी ओलीले फ्याट्टै केन्द्रीय सदस्य बनाइदिहाल्छन् कि भनेर मानिसहरु बालुवाटारतिर…

दाङ । नेकपा प्रचण्ड–माधव समूहका अध्यक्ष माधवकुमार नेपालले केपी ओली समूहको पार्टी मेला मात्रै नभएर झमेला भइसकेको बताएका छन् । कार्यकर्ता भेला सम्बोधन गर्न दाङ…

ओली गन्हाएर बालुवाटार गइसक्नु छैन : भीम रावल

काठमाडौं । नेकपा प्रचण्ड–माधव पक्षका नेता भीम रावलले प्रधानमन्त्री केपी ओली गन्हाएर बालुवाटार गइनसक्नुभएको बताएका छन् । प्रचण्ड–माधव नेपाल पक्षको अनेरास्ववियू उपत्यका स्तरीय भेलालाई सम्बोधन…

प्रचण्डको आक्रोश : प्रतिगमनविरुद्ध बरु मर्न तयार छु तर झुक्दिनँ

काठमाडौं । नेपाल कम्युनिस्ट पार्टी (नेकपा) अध्यक्ष पुष्पकमल दाहाल ‘प्रचण्ड’ले प्रतिनिधिसभा पुर्नस्थापनाका लागि कुनै हालतमा नझुक्ने बताएका छन् । प्रतिगमनविरुद्ध संघर्षका लागि आफू मर्न तयार…