चीनले भरतपुर महानगरपालिकालाई २७ लाख रुपैयाँ बराबरको स्वास्थ्य सामग्री प्रदान गर्यो

चितवन । चीनको तिब्बत प्रान्तमा रहेको सिगात्से शहरले भरतपुर महानगरपालिकालाई २७ लाख रुपैयाँ बराबरको स्वास्थ्य सामग्री प्रदान गरेको छ ।

बिहीबार भरतपुर महानगरपालिकामा उक्त स्वास्थ्य सामग्री ग्रहण गर्दै भरतपुर महानगरपालिका प्रमुख रेनु दाहालले प्राप्त स्वास्थ्य सामग्रीले कोभिड–१९ सँग लड्न थप हौसला प्रदान गरेको बताइन् ।

तिब्बत प्रान्तमा रहेको सिगात्से सिटीले बुधबार रसुवास्थित टिमुरे नाकामा एन ९५ माक्स एक हजार थान, सर्जिकल मास्क ५० हजार थान, आरडिटी किट आठ सय थान, पिपिई एक सय थान, मेडीकल फेस सिल्ड एक हजार थान र सर्जिकल ग्लोभ्स चार हजार थान लगायतका स्वास्थ सामग्री भरतपुर महानगरपालिकालाई कोभिड–१९ बिरुद्ध लड्न सहयोग गरेको हो ।

मित्र राष्ट्र चिनको सिगात्से सिटीले कोभिड–१९ को महामारीसँग लड्न यति धेरै स्वास्थ्य सामग्री भरतपुर महानगरपालिकालाई प्रदान गरेर अतुलनिय सहयोग गरेको बताउँदै महानगर प्रमुख दाहालले प्राप्त स्वास्थ्य सामग्रीको अधिकतम उपयोग गरी कोभिड–१९ विरुद्ध लड्ने बताइन् ।

प्रमुख दाहालले मित्र राष्ट्र चिनका विभिन्न शहरहरुले भरतपुर महानगरपालिकालाई विभिन्न खाले सहयोग गरिरहेको बताउँदै यस महामारिको अवस्थामा २७ लाख रुपैयाँ बराबरको स्वास्थ्य सामग्री प्रदान गरी कोभिड–१९ विरुद्ध लड्न हौसला प्रदान गरिएकोमा सिगात्से सिटीलाई धन्यवाद दिँदै आगामी दिनमा पनि दुईपक्षीय सहयोग आदान प्रदान भईरहने विश्वास व्यक्त गरिन् ।

बुधबार रसुवाको टिमुरे भन्सार नाकाबाट सिगात्से सिटीका प्रतिनिधीहरु तथा नेपाल प्रवासी चीनीया संघका सदस्यहरु ज्याङ्ग जिङ्ग च्याङ्ग, वाङ ज्यूजाङ, हुई घिङ, डाङ्ग लगायतका प्रतिनिधीहरुले भरतपुर महानगरपालिकाका विज्ञ सल्लाहकार गोपालकृष्ण न्यौपाने नेतृत्वको टोलीलाई सामग्री प्रदान गरेको थियो । भरतपुर महानगरपालिका र चिनको गुर्मुसिटी, सिटीसँग भगिनी सम्बन्ध कायम रहेको छ भने घाङ् सिटी र सिगारसंग भगिनी सम्बन्ध कायमको प्रकृयामा रहेको छ ।

भरतपुर महानगरपालिका र चीनका शहरहरुसँग प्रविधी हस्तान्तरणका साथै दुई पक्षिय सहयोगका साथ अवलोकन भ्रमण हुँदै आएको छ । कोभिड–१९ कै क्रममा चिनको गुर्मु सिटीले पनि ठूलो मात्रमा भरतपुर महानगरपालिकालाई स्वास्थ्य सामाग्री प्रदान गरेको थियो ।

यस्तै, बिहीबार युएनडीपीको प्रतिनिधी मण्डलले कोभिड–१९ सँग लड्न र क्वारेन्टिन व्यवस्थापनका लागि चाहिने स्वास्थ्य सामग्रीहरु प्रदान गरेको छ । युएनडीपीका प्रतिनिधीहरुले भरतपुर महानगरपालिका प्रमुख रेनु दाहालाई स्वास्थ्य सामग्री प्रदान गर्दै विगतदेखि नै भरतपुर महानगरपालिकामा विविध सहयोग निरन्तर रहेको भन्दै उपलब्ध सामग्रीहरुले कोभिड–१९ विरुद्ध लड्न र क्वारेन्टीन व्यवस्थापनमा सानो भएपनि सहयोग हुने विश्वास लिएका थिए ।

सामग्री ग्रहण गर्दै भरतपुर महानगरपालिका प्रमुख रेनु दाहालले प्राप्त सामग्रीहरु अत्यावश्यकताका आधारमा कोभिड–१९ को महामारीसँग लड्न प्रयोग गर्ने बताइन् ।

भर्खरै प्रकाशित

नागरिक एपको समस्या हटाउन अर्को एप बनाइँदै

नागरिक एपको समस्या हटाउन सरकारले अर्को अनलाइन प्रणाली बनाउन सुरु गरेको छ। धेरै सेवाग्राहीको नागरिकता नम्बर मेल नखाएकोले नागरिकतामा भएका सानातिना गल्ती सच्याउन अनलाइन प्रणाली…

चीन जिम्मेवार देखिएन, यस्तै पाराले त चीनसँग व्यापार गर्न सकिँदैन…

काठमाडौं । विभिन्न बाहानामा एक वर्षदेखि नेपालसँगको व्यापार रोकेको भन्दै उद्योग,वाणिज्य तथा आपूर्तिमन्त्री लेखराज भट्टले असन्तुष्टि जनाएका छन् । उनले चीनको व्यवहारकै कारण चीनसँगकाे व्यापार…

उदयपुरकी बैअबु राई फेसबुक हेडक्वाटरकाे सिनियर सफ्टवेयर इन्जिनियर, मासिक तलव…

काठमाडौँ।  मानिसहरुको दैनिक जीवनको एउटा पद्धति नै बनिसकेको सामाजिक सञ्जाल ‘फेसबुक’को हेडक्वाटर (मुख्यालय)मा एकजना नेपाली चेली ‘सिनियर सफ्टवेयर इन्जिनियर’को रुपमा प्रवेश गरेकी छन् । उदयपुरस्थित…

करिब ५ दर्जन ऋणीको धितो लिलामी गर्दै एनआईसी एसिया बैंक

काठमाडौं । एनआईसी एसिया बैंकले करिब ५ दर्जन ऋणीहरुको धितो लिलामी गर्न प्रक्रिया शुरु गरेको छ । एनआइशी एसिया बैंकले मंगलबारमात्रै यति धेरै व्यक्तिहरुको धितो…

केपी ओलीले लडाइँ हारिसके अब भित्तामा पुर्‍याइदिन्छु : प्रचण्ड

नेपाल कम्युनिष्ट पार्टीको प्रचण्ड-नेपाल समूहका अध्यक्ष पुष्पकमल दाहाल ‘प्रचण्ड’ले प्रधानमन्त्री केपी शर्मा ओलीले लडाइँ हारेको बताएका छन्। मंगलबार राजधानीको प्रज्ञा प्रतिष्ठानमा भएको प्रेस संगठनको भेलामा…