चीनले नेपालसहित पाकिस्तान र अफगानिस्तानसँग कुरा गर्दा भारतमा होहल्ला सुरू

सोमवार नेपाल, चीन, पाकिस्तान र अफगानिस्तानका परराष्ट्रमन्त्री तथा प्रतिनिधिहरूले भर्चुअल बैठकमा भाग लिएपछि भारतीय सञ्चारमाध्यमहरूले हो’हल्ला गरेका छन् ।

बैठकमा कोरोना संक्रमणविरुद्ध ल’ड्ने विषयका अतिरिक्त आर्थिक वृद्धि तथा चीनको पेटी सडक पहलका विषयमा पनि चर्चा भएको थियो ।

बैठकमा नेपालका परराष्ट्रमन्त्री प्रदीप कुमार ज्ञवाली, चीनका परराष्ट्रमन्त्री वाङ यी तथा अफगानिस्तानका कार्यवाहक परराष्ट्रमन्त्री मोहम्मद हनीफ अटमार उपस्थित थिए ।

पाकिस्तानका परराष्ट्रमन्त्री महमूद कुरैशी उपस्थित भएनन् तर उनले भिडियो सन्देश पठाए अनि उनको प्रतिनिधिका रूपमा अर्थमन्त्री मखदूम खुसरोले बैठकमा भाग लिए ।

बैठकमा यीले कोरोनासँग ल’ड्नका लागि विश्व स्वास्थ्य संगठनको भूमिकालाई समर्थन गर्न अपील गरेका थिए । अमेरिकाले संगठन चीनको नि’यन्त्रणमा रहेको भनी कैयौंपटक आरोप लगाइसकेको छ ।

साथै उनले नेपाल, पाकिस्तान र अफगानिस्तानलाई चीनको पेटी सडक पहलमा समर्थन गर्न समेत आग्रह गरे ।

उनले भने, ‘हामी चीन पाकिस्तान आर्थिक कोरिडोर र ट्रान्स हिमालयन कनेक्टिभिटी नेटवर्कको निर्माणलाई प्रोत्साहन गर्छौं । अनि अफगानिस्तानसम्म यस कोरिडोरलाई बढाउन पनि सहयोग गर्छौं ।’

संसारमा पहुँच बढाउनका लागि चीनले एसिया, युरोप र अफ्रिकाका ६५ देशलाई जोड्ने योजना बनाएको छ । यसलाई न्यु सिल्क रोड पनि भनिन्छ ।

भारतले यसको विरोध गरिरहेको छ किनकि यस परियोजना अन्तर्गत चीन पाकिस्तान आर्थिक कोरिडोर पनि बनिरहेको छ । चीनको तिब्बत सिनजियाङ हुँदै पाकिस्तानको ग्वादर बन्दरगाहसम्म यो सडक जान्छ ।

पाकिस्तान अभीनस्थ कश्मीरमा पर्ने गिल्गिट बाल्टिस्तान हुँदै जाने भएकाले भारतले यसको विरोध गरेको हो । त्यस क्षेत्रलाई भारतले आफ्नो भूभाग मान्छ ।

भारत र चीनबीच सीमाविवाद चलिरहेको बेलामा चीनका परराष्ट्रमन्त्रीले यो पहल गरेका हुन् ।

भारतको सम्बन्ध पाकिस्तानसँग पहिलेदेखि नै खरा   ब रहिआएको छ भने अहिले नेपालसँग पनि चिसोपन छ ।

नेपाल, पाकिस्तान र अफगानिस्तानका मन्त्रीहरूले चीनका परराष्ट्रमन्त्रीको प्रस्तावको समर्थन गरे । यी देशहरूले कोरोना कालमा चीनले पुर्‍याएको सहायताका लागि आभार प्रकट गरे ।

उनीहरूले विश्व स्वास्थ्य संगठनको पनि समर्थन गरे ।

यीले पाकिस्तानको उल्लेख गर्दै नेपाल र अफगानिस्तानलाई चीन–पाकिस्तान सहयोगको उदाहरण अनुसरण गर्न भने ।

राम्रो छिमेकी हुनु सौभाग्यको कुरा हो, उनले भने ।

भर्खरै प्रकाशित

रहेनन् दाङका एक निर्भिक र निडर पत्रकार अधिकारी

दाङ । दाङ घोराही निवासी पत्रकार दामोदर अधिकारीको कोरोना भाइरस संक्रमनका कारण नि’धन भएको छ । घोराही उपमहानगरपालिका वडा नं. १७ बेलभार निवासी ४० बर्षीय…

खाडी मुलुक हिँडेका १२६ जना विमानस्थलबाटै फर्काइए

काठमाडौं । कोरोना परीक्षणसम्बन्धी सुरिया ल्याबको रिपोर्ट बोकेका १२६ जनालाई विमानस्थलबाटै फर्काइएको छ। खाडी मुलुक उड्ने तयारीमा रहेका १२६ जना नेपाली र भारतीय कामदारलाई त्रिभुवन…

एसएलसी फेल भएर दुबई गए, बुर्ज खालिफामा काम गरेर ‘इञ्जिनियर’…

घुम्नका लागि दुबई जाने धेरैजसो बुर्ज खालिफा चढेर मात्र फर्कन्छन्। नभए, यो टावरलाई पृष्ठभूमि पारेर फोटो खिचाउन त प्राय: कसैले छोड्दैनन्। विख्यात अमेरिकी आर्किटेक्ट एड्रिन…

रुख चढेर क्रिकेट हेर्ने नेपाली दर्शकको बेन कुपरले गरे तारिफ

काठमाडौंमा अहिले त्रिकोणात्मक टी-२० सिरिज क्रिकेट चलिरहेको छ । गत शनिबारदेखि सुरु भएको सिरिजमा सुरुको तीन दिन दर्शकसहितको खेल भएको थियो । तर सरकारको पछिल्लो…

जथाभावी मास्क फ्याँक्नेलाई कारबाही हुने, अब पाँच दिनसम्म मास्कलाई सुरक्षित…

काठमाण्डौ । कोरोना भाइरसको सङ्क्रमण फैलिएपछि काठमाण्डौ उपत्यकामा कडाइ गर्न थालिएको छ । स्थानीय प्रशासनमार्फत स्वास्थ्य सुरक्षा मापदण्ड पालनामा विशेष निगरानी थालिएको छ । विशेषगरी…