चरणबद्ध रूपमा खुकुलो बन्दै कतार, यस्ता छन् मापदण्ड पूरा गरेर खोल्न पाइने क्षेत्रहरु

तिलु शर्मा पौडेल

दोहा कतार । कोरोना भाइरसका कारण कतारका विभिन्न क्षेत्रमा लागेका प्रतिबन्धहरू चरणबद्ध रूपमा हटाउने कतार सरकारको योजना अन्तर्गत तेस्रो चरणमार्फत थप केही क्षेत्रका प्रतिबन्ध आजबाट खुकुलो बनेका छन् ।

विभिन्न चरणमा प्रतिबन्ध खुकुलो बनाउने क्रममा आजबाट प्राथमिकतामा परेका नागरिक तथा आप्रवासी कामदारहरू कतार प्रवेश गर्न पाउने भएका छन् ।

कतारमा बन्द रहेका सम्पूर्ण सपिङ सेन्टरहरू पचास प्रतिशत खोल्न पाइने भएको छ । होलसेल मार्केटहरू तिस प्रतिशत र २ मिटरको दुरीमा टेबल राखेर होटलहरु खुल्ने भएका छन् ।

लामो समयदेखि बन्द रहेका ड्राइभिङ स्कुलहरू, चायल्ड केयर सेन्टर र नर्सरी क्लासहरू, आंशिक रूपमा सैलुनहरू, जिमहरू, स्विमिङ पुल, र ब्युटी पार्लर खोल्न पाइने भएको छ भने १० जना सम्म पार्कमा बस्न या भेला गर्न पाइने भएको छ ।

सीमित कामदारलाई मात्र काममा लगाउन पाइने क्षेत्रहरूमा ८० प्रतिशतसम्म कामदारलाई काम गर्न अनुमति दिइएको जानकारी सरुवा रोग तथा नियन्त्रण विभागका प्रमुख डा.अब्दुल्लातिफ अल खलले पत्रकार सम्मेलनमा जानकारी दिएका छन् । कोरोनाको महामारीसँगै बन्द रहेका करिब २०० मस्जिदहरू शुक्रबारको प्रार्थनाको लागि खुल्ला गरिने भएको छ ।

यसअघि पहिलो चरण अन्तर्गत १५ जुनबाट प्रार्थनाको निम्ति कतारका निश्चित मस्जिदहरू, सीमित पार्कहरू, केही जिमहरू र निजी डुङ्गाहरू सञ्चालनमा आएका थिए ।

दोस्रो चरण अन्तर्गत जुलाई १ देखि चरणबद्ध रूपमा १० जनासम्म जमघट तथा भेला हुन पाइने, केही रेस्टुरेन्ट र सबै पार्कहरू, सी लाइन बीचहरू, कोर्नेस र निजी पानी जहाज परिवारको लागि खुल्ला गरिएको थियो ।

यद्यपि खुकुलो पारिएका सबै क्षेत्रमा सामाजिक दुरीसहित स्वास्थ्य मन्त्रालयले जारी गरेको स्वास्थ्य सम्बन्धी नियमहरूको अनिवार्य पालना गर्नु पर्नेछ । जनसङ्ख्याको आधारमा कतार कोरोनाको धेरै परीक्षण गर्न देश मध्येमा पर्दछ ।

भर्खरै प्रकाशित

ओलीको निर्णयविरुद्ध फेरि निर्वाचन आयोग गयो माधव नेपाल समूह

५ वैशाख, काठमाडौं । नेकपा एमालेको माधवकुमार नेपाल समूह पार्टी अध्यक्ष केपी शर्मा ओलीको निर्णयविरुद्ध फेरि निर्वाचन आयोग गएको छ । अध्यक्ष ओलीले सर्वोच्च अदालतको…

प्रदेश २ को नाम ‘मधेश प्रदेश’ र राजधानी ‘जनकपुर’ :…

जनकपुरधाम । प्रदेश नम्बर २ को नाम र राजधानी ३ बर्ष वितिसक्दा पनि सरकारले तोक्न सकेको छैन । आईतबार प्रदेश २ को नाम र स्थायी…

विवाह गर्न जन्म दर्ता वा नागरिकता अनिवार्य

पश्चिम । जिल्लाका पुरोहित, पुजारी र पास्टरहरूले विवाहको लगन हेर्नुपूर्व एउटा सर्त पालना गर्नुपर्ने भएको छ । उनीहरूकहाँ विवाहका लागि लगन हेराउन गएकाहरूले जन्मदर्ता वा नागरिकता…

बादलको खाली स्थानमा ३५ दिनभित्रै उपचुनाव गर्नुपर्ने

काठमाडौं । गृहमन्त्री रामबहादुर थापा बादल आइतबारदेखि राष्ट्रिय सभा सदस्य पदबाट मुक्त भएका छन् । विद्यमान कानूनी व्यवस्थाअनुसार अब बादलको रिक्त स्थानमा ३५ दिनभित्रै उपनिर्वाचन…

प्रधानमन्त्री ओलीले बोलाएको बैठक रोक्न बोहराको आग्रह

५ वैशाख, काठमाडौं । नेकपा एमालेका अध्यक्ष केपी शर्मा ओलीले सोमबारका लागि बोलाएको महाधिवेशन आयोजक कमिटीको बैठक रोक्न अमृतकुमार बोहोराले आग्रह गरेका छन् । एमालेको…