आफ्नै राष्ट्रपति सी जिनपिङको आलोचना गर्दा यस्तो गम्भीर परिणाम भोग्नुपर्‍यो

काठमाडौं। चिनियाँ राष्ट्रपति सी जिनपिङको आलोचना गरेका कारण चीनको सत्तारुढ पार्टीका एक सदस्यले गम्भीर परिणाम भोग्नु परेको छ ।

कोरोना महामारीसँग जुध्ने मुद्दामा चिनियाँ राष्ट्रपति सीको सार्वजनिक रुपमा आलोचना गरेका चीनको सरकारी रियलस्टेट कम्पनीका पूर्व अध्यक्ष रेन झिकियाङलाई सत्तारुढ कम्युनिस्ट पार्टीबाट निष्काशन गरिएको छ । यतिमात्र होइन उनीविरुद्ध भ्रष्टाचारको आरोपमा मुद्दा पनि चलाइने भएको छ ।

साउथ चाइना मर्निङ पोस्टका अनुसार चीनको सत्तारुढ कम्युनिस्ट पार्टीले शुक्रबार यसको घोषणा गरेको हो । रेन झिकियाङले गएको मार्चमा एक अनलाइनमा लेख प्रकाशित गरेका थिए ।

त्यसपछि उनी देखिएका थिएनन् । रेन झिकियाङले लेखेको यो लेखमा उनले सी जिनपिङमाथि वुहानमा डिसेम्बरमा सुरु भएको प्रकोप नियन्त्रण गर्न असफल भएको आरोप लगाएका थिए । यसलगत्तै उनी चीन सरकारको निशानामा थिए ।

रिपोर्टका अनुसार बेइजिङमा शिचेंग जिल्लाको अनुशासन निरीक्षण आयोगले आफ्नो वेबसाइटमा ६९ वर्षका रेनमाथि भ्रष्टाचार, रकम अपचलन, घुस लिएको र सरकारको स्वामित्व भएको एक कम्पनीमा आफ्नो पदको दुरुपयोग गरेको आरोपमा मुद्दा चलाइने बताएको छ ।

हायुआन समूहका पूर्व अध्यक्ष र पार्टीका उपसचिवलाई पार्टीबाट निष्काशन गरिएको र उनको मुद्दा अभियोजन पक्षलाई सुम्पिएको एजेन्सीले जनाएको छ । उनको अपराधबारे कुनै विवरण भने दिइएको छैन ।

भर्खरै प्रकाशित

नेकपा घोराही अध्यक्षमा बस्नेत, लमहीमा घिमिरे, बबइमा पुन र दंगीशरणमा…

नेपाल कम्युनिष्ट पार्टी (नेकपा, प्रचण्ड–नेपाल पक्ष) दाङले रिक्त रहेका स्थानीय तहका पदाधिकारी मनोनित गरेको छ । पार्टी विभाजनसँगै ओली पक्षमा लागेर रिक्त रहेका पदाधिकारीमा मनोनित…

न्युज २४ ले भन्यो-‘सिधा कुरा जनतासँग’ कार्यक्रम नछोड्ने, रविसंग कानूनी…

११ माघ, काठमाडौं । ‘न्युज २४’ले ‘सिधा कुरा जनतासँग’ कार्यक्रम नियमित रुपमै प्रसारण जारी राख्ने बताएको छ । रवि लामिछाने टेलिभिजनबाट बाहिरिएसँगै टेलिभिजनले वैकिल्पक प्रस्तोतामार्फत…

भाबाङलाई पर्यटकीय केन्द्र बनाउन युवाहरुको अभियान शुरु

भाबाङ । रोल्पा जिल्लाको माडी गाउँपालिका वडा नं ५ भाबाङ स्थित सिद्धपुजे मन्दिरलाई पर्यटनको केन्द्र बनाउन युवाहरु सक्रिय भएका छन् । सिद्धपुजे परोपकारी समाज मार्फत…

न्यूज २४ र रवि लामिछानेबीच ‘सिधा कुरा’ कपिराइट विवादबाट द्वन्द्व…

काठमाडौं । लोकप्रिय टेलिभिजन कार्यक्रम ‘सिधा कुरा जनतासँग’ लाई लिएर न्यूज २४ टेलिभिजन र सञ्चारकर्मी रवि लामिछानेबीच संघर्ष सुरु भएको छ । रविले बिहीबार न्यूज…

जनगणना २०७८ का लागि ३९ हजार गणक र ८ हजार…

काठमाडौं। राष्ट्रिय जनगणना २०७८ का लागि केन्द्रीय तथ्यांक विभागले गणक तथा सुपरिपेक्षक पदमा दरखास्त आह्वान गरेको छ। गणनामा खटाउन विभागले करारमा गणक र सुपरिवेक्षक राख्ने…