कतारबाट वीरबल खड्का भन्छन्, अब कोरोनाको डरलाई जित्दै काममा फर्किएको छु

दोहा। कोरोनाले संसारलाई प्रभावित पारिरहेको छ । हामी परदेशी त झन यसबाट बच्ने कुरै भएन । विदेशी भूमि, फरक वातावरण र हावापानी । धेरै कठिनाई र समस्याहरुसँग जुधिरहेका छौं ।

विदेशी भूमिमा कोरोनाको महामारीका बेलामा कतिले अनेक समस्या भोग्न पर्‍यो त कतिको ज्यानै गयो । गर्दै आएको काम बन्द हुँदा अलपत्र पर्नु पर्‍यो । काम बन्द भयो भनेर दुःख मानेर पनि के गर्नु संसार नै बन्द भएको अवस्थामा । तर बाध्यता हामीजस्ता कमाएर घर चलाउन परदेशीनेलाई काम नहुँदा कति गाह्रो हुन्छ भन्ने कुरा भोग्नेलाई मात्र थाहा हुन्छ ।

तर अहिले त विस्तारै खाडीका देशमा कामहरु चल्न थालेका छन् । म आफैं पनि कतारमा अहिले काम गरिरहेको छु । यस्तो महामारीको बीचमा पनि हामीहरु धेरैजसो अहिले नियमित रुपमा काम गरिरहेका छौं । भाइरसको महामारीको समय भएकाले होला के पो हुने हो ? सङ्क्रमण पो हुने हो कि भन्ने डर छ ।

तर डर र त्रासकै बीचमा पनि काम नगरी सुखै छैन । म आफैं पनि अहिले काम गरिरहेको छु । काम गर्न आएको मानिस काम नगरी बस्ने कुरै भएन । बाध्यता छ ।

यो महामारीका बेला परदेशमा एक्लै काम गर्न मन त कस्लाई लाग्छ र ? लकडाउन सबैले आफ्नो परिवारसँग समय बिताए । सँगै खाए, सँगै रमाए । त्यो देख्दा त हाम्रो पनि मन मान्दैन । तर यो परिस्थितिमा काम र दाम दुबै छ भने मनको भाकामा बहकिएर स्वदेश फर्कनु पनि उचित छैन ।

महामारीले थिलोथिलो भएको छ हाम्रो देश पनि । देश आफ्नो भए पनि अहिले दुःखमा परेका हामीलाई रोक्न सक्ने रोजगारीका अवसरहरु छैनन् । आफैं केही गरौं भन्दा पनि व्यवसाय गर्न अहिले परिस्थिति नै छैन । भन्न त भन्छौं हामी घर जान पाए यो गर्थें, त्यो गर्थें ।

तर गएपछि बाटोहरु भेटिंदैनन् र फेरि झोला बोकेर परदेश लाग्नुपर्ने अवस्था छ । दुई महिनाअघि कोरोनाले महामारीको रुप लिंदै गर्दा म पनि कसरी घर जानू होला भन्ने सोच्थें । काठमाण्डौसम्म पुग्न पाए पनि हुन्थ्यो जस्तो लाग्थ्यो । बन्द भएको हवाई यातायात कहिले खुल्ला भन्ने पर्खाईमा बसेको म स्वयम आज यो मनस्थितिबाट पछि हटेको छु ।

बरु कोरोनाबाट बच्ने सुरक्षा विधि अपनाएर सङक्रमणबाट बच्दै विदेशमा भइरहेको काम गर्दैछु । फेरि काममा फर्कंदा मलाई अहिले कोरोना भाइरस सामान्य लाग्दै आएको छ । विदेशमै केही समय बस्ने मनस्थिति बढेर आएको छ । तसर्थ काम छ र डरले मात्र घर फर्कन मन लागेको हो भने कोरोनाबाट बच्ने उपाय अपनाउँदै काममा फर्कन म सुझाव दिन चाहन्छु ।

काममा जाँदा कोरोनाबाट बच्न भौतिक दूरी कायम गर्ने, फेस मास्क, फेस सिल्ड, सर्जिकल पञ्जा साथै स्यानिटाईजरको नियमित प्रयोग, साबुन पानीले बारम्बार हात धुने गर्दा पनि जोखिमबाट बच्न सकिन्छ । म पनि अहिले कतारमा यिनै सुरक्षा कवजहरुको प्रयोग गरेर नियमित गर्ने आफ्नो ड्युटी गरि रहेको छु । यसरी नै आफूलाई उच्च आत्मबल लिएर काम गर्नुपर्छ भन्न चाहन्छु ।

हामी जस्तो रेमिट्यान्सले घर चलाउँदै आएकालाई घर चलाउन गाह्रो नै पर्छ । कोरोनाको डर त नेपालमा पनि छ र यहाँ पनि छ । नेपाल जाँदैमा कोरोना लाग्दैन भन्ने होइन र अर्को कुरा कोराना लाग्दैमा म रिन्छ भन्ने पनि होइन । अब कोरोनाको डरलाई जित्दै काम गर्नुपर्छ र उच्च मनोबलका साथ आफ्नो दैनिकीमा फर्कनुपर्छ । वीरबल खड्का, धनकुटा पाख्रिबास/हाल कतार ।

भर्खरै प्रकाशित

चिनियाँ कम्पनीले निर्माण गरेको कोरोनाको खोप ब्राजिलमा परीक्षण गर्दा सुरक्षित…

काठमाडौं । चिनियाँ कम्पनी सिनोभ्याकले निर्माण गरेको कोरोना भाइरस (कोभिड–१९) विरुद्धको खोप ब्राजिलमा परीक्षणको क्रममा सुरक्षित देखिएको छ । सोमबार सार्वजनिक गरिएको अन्तिम चरणको क्लिनिकल…

यस्तो रहेछ फेसबुकले ‘म्यासेञ्जर एप’ रंगीविरंगी बनाउनुको कारण

काठमाडौं । यदि तपाईंले भर्खरै फेसबुक म्यासेञ्जर एप अपडेट गर्नु भएको छ भने पक्कै पनि केही न केही परिवर्तन भएको अवश्य महसुस गर्नु भएकै होला…

बाँस्कोटाको ७० करोड रुपैयाँ घुस प्रकरणको मुद्दा तामेलीमा राख्ने अख्तियारको…

अख्तियार दुरुपयोग अनुसन्धान आयोगले सेक्युरिटी प्रिन्टिङ प्रेस खरिदका विषयमा ७० करोड रुपैयाँ घुस प्रकरणको आरोप लागेका तत्कालीन सञ्चारमन्त्री गोकुल बाँस्कोटालाई मुद्दा चलाउन पर्याप्त प्रमाण नभेटिएको…

उपचार गर्न नसक्ने संक्रमितको सरकारले गर्ने भनेकै छ त, भ्रम…

काठमाडौं । प्रधानमन्त्री केपी शर्मा ओलीले कोरोना संक्रमितले उपचार खर्च आफैं व्यहोर्नुपर्ने निर्णयबारे भ्रम फैलाइएको बताएका छन् । सरकारले हालै मात्र आर्थिकरुपमा विपन्न, अशक्त, असहाय,…

पत्रकारलाई खाममा पैसा बाँड्ने कांग्रेस महामन्त्रीको अनौठो धन्दा !

काठमाडौं । नेपाली कांग्रेसका महामन्त्री शशांक कोइरालाले पत्रकारहरुलाई ‘दसैं खर्च’ भन्दै खाममा हालेर १५ हजार रुपैयाँ बाँड्दै हिँडेको पाइएको छ । कोइरालाका स्वकीय सचिव भरत…