टेक्सास दूताबास बन्द गरेको बदलामा छेन्दूको अमेरिकी महावाणिज्य दूतावास बन्दै गर्दै चीन

टेक्सासस्थित होस्टनमा रहेको चिनियाँ महावाणिज्य दूताबास बन्द गर्ने अमेरिकी निर्णयलगत्तै चीनले पनि कडा कदम उठाउन थालेको छ।

महावाणिज्य दूतावास बन्द गर्ने अमेरिकी निर्णयको बदलामा चीनले सिचुवान प्रान्तको छेन्दुमा रहेको अमेरिकी महावाणिज्य दूतावास बन्द गर्ने तयारी गरेको हो।

जस्तालाई त्यस्तै नीतिको अबलम्ब गर्दै चीनले अमेरिकी दूतावास बन्द गर्न लागेको एससीएमपीले उल्लेख गरेको छ। आफ्नो महावाणिज्य दूतावास बन्द गर्ने अमेरिकी निर्णयपछि चीनले बुधबार उक्त कार्यको कडा प्रतिवाद गर्ने बताएको थियो।

वासिङ्टनले चीनको ग्वाङझाओ, सांघाइ, सेनयाङ, छेन्दु र वुहानमा महावाणिज्य दूतावास स्थापना गरेको छ। त्यस्तै चीन प्रशासित हङकङ र मकाउमा पनि अमेरिकी वाणिज्य दूतावास छन्। हाल चीनले बन्द गर्ने योजना बनाएको अमेरिकी महावाणिज्य दूतावास सन् १९८५ मा निर्माण भएको थियो।

विश्वकै पहिलो अर्थतन्त्र बन्ने होडमा रहेको चीन र पहिलो अर्थतन्त्र रहेको अमेरिकाबीच हाल सुरक्षा, व्यापार, प्रविधिजस्ता विषयमा विवाद जारी छ।

पछिल्लो समय कोरोना भाइरसकै विषयमा पनि दुई देशबीच तनाव बढिरहेको छ। अमेरिकी राष्ट्रपति डोनाल्ड ट्रम्पले कोरोना भाइरसलाई कहिले वुहान भाइरस त कहिले चिनियाँ भाइरस भन्दै चीनप्रति आ’क्रोश व्यक्त गरिरहेका छन्।

चीनले कोरोना भाइरसको सूचना लुकाएका कारण विश्वभर कोरोना फैलिएको अमेरिकी आरोप छ भने हङकङमा चीनले सुरक्षा कानुन लागू गरेपछि अमेरिकाले एक–देश, दुई प्रणालीको उल्लंघन भएको बताउँदै हङकङलाई प्रदान गर्दै आएको विशेष हैसियत बन्द गरेको छ।

अमेरिकाले चीनले आफ्नो क्षेत्र भएको दाबी गर्ने ताइवानलाई स्वतन्त्र देश भएको बताउँछ भने पछिल्लो समय अमेरिकाले हुवावेसहितका चिनियाँ प्रविधि कम्पनीहरुमाथि प्रतिबन्ध लगाएको छ।

यस्तै चीनले दाबी गर्दै आएको दक्षिण चीन सागरमा अमेरिकाले अन्य दाबीकर्ता देशहरुको साथ दिएको छ। यी विवादले पनि दुई देशबीचको सम्बन्धको दूरी बढिरहेको छ। र एकले अर्कालाई सकेजति प्रतिबन्ध लगाउँदै जाने स्थितिमा पु¥याएको छ।

भर्खरै प्रकाशित

भोलिबाट लाइसेन्सको कोटा हट्ने अनलाइन फारम खुल्ने

भोलिबाट सवारी चालक अनुमति पत्र (लाइसेन्स)को अनलाइन फारम खुल्ने भएको छ। योसँगै निश्चित कोटा सिस्टम पनि हट्ने यातायात व्यवस्था विभागका महानिर्देशक गोगन बहादुर हमालले जानकारी…

नेपाली ‘टिनेजर’ युवतीहरुको मनमा बस्ने यी युवा को हुन् ?

नेपालली सामाजिक संजालमा एउटा तस्विर छाइरहेको छ। शारीरिक सुपमा सुगठित, अग्लो कद, लामो कपाल त्यसैमा शरिरैभर ट्याट्यु। झट्ट हेर्दा नेपाली जनजाती युवा जस्तै देखिने अनुहार…

सत्ताबाट उत्रिएपछि डोनाल्ड ट्रम्पलाई उनकै समर्थकले गाली गर्न थाले

सत्ताबाट उत्रिएका अमेरिकाका निवर्तमान राष्ट्रपति डोनाल्ड ट्रम्पलाई उनकै समर्थकले गाली गर्न थालेका छन्। गत वर्षको राष्ट्रपति निर्वाचनमा दोस्रो कार्यकालका लागि उम्मेदवार बनेका ट्रम्पले पराजित भएपछि…

ओरालो लागेको मृगलाई बाच्छाले पनि खेद्छ भने झैँ भयो पोम्पेओसहित…

काठमाडौं । चीनले अमेरिकाका पूर्व विदेशमन्त्री माइक पोम्पेओसहित डोनाल्ड ट्रम्प प्रशासनका २८ अधिकारीमाथि प्रतिबन्धको घोषणा गरेको छ । आफ्नो आन्तरिक मामिलामा दखल दिएको भन्दै चीनले…

डोनाल्ड ट्रम्पले गरेका फोहोर सफा गर्दै जो बाइडेन, सत्तामा आएलगतै…

काठमाडौँ। डोनाल्ड ट्रम्पको नेतृत्वमा अमेरिकी सरकारले गरेका विभिन्न गल्तिहरु बाइडेन सरकारललाई कसरी डिल गर्ने भन्ने चुनौती थपिएको छ। ट्रम्पका कारण चीनसंग बिग्रिएको आर्थिक कारोबार,  इरान…