चीनलाई लक्षित गर्दै भारतले उठायो यस्तो कडा कदम, नेपालसहित बंगलादेश र पाकिस्तानलाइ पनि एकै लिष्टमा

काठमाडौं । भारत सरकारले जनरल फाइनान्सियल नियम, २०१७ संशोधन गर्दै भारतसँग सीमा जोडिएका मुलुकबाट हुने सरकारी खरिदको ठेक्कामा रोक लगाउने निर्णय गरेको छ ।

अहिले ल्याइएको नयाँ नियमअनुसार अब भारतमा सरकारी ठेक्का पाउन सीमा जोडिएका मुलुकका कम्पनी पहिला भारतमा उद्योगको रुपमा दर्ता हुनु जरुरी हुनेछ ।

त्यसका साथै यी कम्पनीले विदेश मन्त्रालय र गृह मन्त्रालयबाट राजनीतिक र सुरक्षाको अनुमति लिनु जरुरी हुन्छ । भारतको केन्द्र सरकारले सबै प्रदेश सरकारलाई सरकारी खरिदमा यो नियम पालना गर्न निर्देशन दिएको छ ।

यद्यपि यो नियममा केही छुट पनि दिइएको छ । कोरोना भाइरस (कोभिड–१९) को महामारीसँग सम्बन्धित सामग्रीको खरिदको लागि भने ३१ डिसेम्बरसम्म छुट दिइएको छ ।

त्यसका साथै भारतले ऋण दिने वा विकासमा सहयोग गर्ने मुलुकका लागि भने नयाँ नियम आवश्यक हुँदैन । जसमा बंगलादेश, नेपाल र म्यानमारजस्ता मुलुक छन् ।

अहिलेको नियम विशेषगरी चीनलाई लक्षित गरी ल्याइएको हो । यो नियमबाट पाकिस्तान र चीन सबैभन्दा बढी प्रभावित हुने अधिकारीहरुले बताएका छन् ।

भारतले आफ्नो आत्मनिर्भर बनाउने योजना अन्तर्गत चिनियाँ कम्पनीहरुलाई भारतमा व्यापारको लागि कडाइ गर्ने नियम ल्याएको हो । यसअघि भारतले टिकटकसहितका ५९ मोबाइल एपमा प्रतिबन्ध लगाउने निर्णय गरेको थियो । जसमा अधिकांश चिनियाँ कम्पनी थिए ।

स्रोत : बीबीसी

भर्खरै प्रकाशित

आन्दोलनमा आक्रमक हुन युवालाई प्रचण्डको निर्देशन डोनाल्ड ट्रम्पको जस्तो :…

काठमाडौं । नेपाल कम्युनिष्ट पार्टी(नेकपा) पुष्पकमल दाहाल प्रचण्ड–माधव पक्षका अध्यक्ष पुष्पकमल दाहाल ‘प्रचण्ड’ले आवेग र आक्रोशसहित आन्दोलनमा सक्रिय हुन युवाहरुलाई निर्देशन दिएपछि लुम्बिनी प्रदेशका मुख्य…

कोरोनाको खोप लगाउँदा नर्वेमा २९ जनाको ज्यान गयो

काठमाडौं । नर्वेमा कोरोना भाइरस (कोभिड–१९) विरुद्धको खोप लिएका २९ जनाको मृ’त्यु भएको छ । समाचार संस्था ब्लूमवर्गका अनुसार फाइजरले बायोएनटेकसँग मिलेर बनाएको कोरोना खोप…

केपी ओलीले फ्याट्टै केन्द्रीय सदस्य बनाइदिहाल्छन् कि भनेर मानिसहरु बालुवाटारतिर…

दाङ । नेकपा प्रचण्ड–माधव समूहका अध्यक्ष माधवकुमार नेपालले केपी ओली समूहको पार्टी मेला मात्रै नभएर झमेला भइसकेको बताएका छन् । कार्यकर्ता भेला सम्बोधन गर्न दाङ…

ओली गन्हाएर बालुवाटार गइसक्नु छैन : भीम रावल

काठमाडौं । नेकपा प्रचण्ड–माधव पक्षका नेता भीम रावलले प्रधानमन्त्री केपी ओली गन्हाएर बालुवाटार गइनसक्नुभएको बताएका छन् । प्रचण्ड–माधव नेपाल पक्षको अनेरास्ववियू उपत्यका स्तरीय भेलालाई सम्बोधन…

प्रचण्डको आक्रोश : प्रतिगमनविरुद्ध बरु मर्न तयार छु तर झुक्दिनँ

काठमाडौं । नेपाल कम्युनिस्ट पार्टी (नेकपा) अध्यक्ष पुष्पकमल दाहाल ‘प्रचण्ड’ले प्रतिनिधिसभा पुर्नस्थापनाका लागि कुनै हालतमा नझुक्ने बताएका छन् । प्रतिगमनविरुद्ध संघर्षका लागि आफू मर्न तयार…