कतारमा : कोरोना कारण रोजगारी गुमाएकाहरुलाई पुनः रोजगारीको अवसर

काठमाडौं। कतारमा कोरोनाभाइरसको महामारीका कारण बेरोजगार भएका वा महामारीका कारण रोजगारी सम्झौता रद्द गरिएका आप्रवासी कामदारहरुका लागि पुनः रोजगारीको अवसर खुल्ला भएको छ ।

कतारको प्रशासकीय विकास, श्रम तथा सामाजिक मामिला मन्त्रालयले कतार उद्योग बाणिज्य महासंघसँगको सहकार्यमा पुनः रोजगारीको लागि विकल्प खुला गरेको हो ।

मन्त्रालयले पुनः रोजगारीका लागि कतार उद्योग बाणिज्य महासंघको वेबसाइटमा एउटा अनलाइन प्लेटफर्म सुरु गरेको छ जहाँ रोजगारी गुमाएका आप्रवासी कामदारहरुले आफ्नो विवरण भर्न सक्नेछन् ।

यहाँ भरिएका विवरणका आधारमा कतारका कम्पनीहरुले आफूलाई चाहिएको दक्षता भएका कामदारहरुलाई पुन सम्झौता गरेर काममा राख्न सक्नेछन् ।

यी विवरणका आधारमा कतारका जुनसुकै कम्पनीले जुनसुकै कामदारलाई पनि आफ्नो आवश्यकताका आधारमा अनुबन्ध गर्न सक्नेछन् । यसो हुँदा रोजगारी गुमाएका कामदारले पहिले काम गरिरहेको कम्पनीमा काम नभएको अवस्थामा उनीहरुलाई अर्को कम्पनीले लिन सक्नेछ ।

कामदारहरुले आफ्नो विवरण भर्दा आफ्नो कतार आइडी, पासपोर्ट, सीभी र आफैंले हस्ताक्षर गरेको काम गर्ने चाहना अभिव्यक्त गरिएको पत्र संलग्न गर्नुपर्नेछ ।

महामारीअघि कतारमा करिब साढे ३ लाख कामदार कार्यरत रहेको अनुमानित तथ्यांक भएकोमा कति बेरोजगार भए भन्ने यकिन तथ्यांक आइसकेको छैन ।

केही नेपाली भने नेपाल फर्किसकेका छन् र केहीले फर्किने इच्छा देखाएका छन् । यद्यपि पुनः रोजगारीको यो अवसरपछि भने फर्किन चाहेकाहरू नफर्किने सम्भावना पनि छ ।

कतारमा पुनः रोजगारीको लागि नाम दर्ता गराउन चाहनेले तलको लिंकमा क्लिक गरी त्यसपछि खुल्ने फाराम भरेर आवश्यत कागजात समेत अपलोड गर्नुपर्नेछ ।

भर्खरै प्रकाशित

रहेनन् दाङका एक निर्भिक र निडर पत्रकार अधिकारी

दाङ । दाङ घोराही निवासी पत्रकार दामोदर अधिकारीको कोरोना भाइरस संक्रमनका कारण नि’धन भएको छ । घोराही उपमहानगरपालिका वडा नं. १७ बेलभार निवासी ४० बर्षीय…

खाडी मुलुक हिँडेका १२६ जना विमानस्थलबाटै फर्काइए

काठमाडौं । कोरोना परीक्षणसम्बन्धी सुरिया ल्याबको रिपोर्ट बोकेका १२६ जनालाई विमानस्थलबाटै फर्काइएको छ। खाडी मुलुक उड्ने तयारीमा रहेका १२६ जना नेपाली र भारतीय कामदारलाई त्रिभुवन…

एसएलसी फेल भएर दुबई गए, बुर्ज खालिफामा काम गरेर ‘इञ्जिनियर’…

घुम्नका लागि दुबई जाने धेरैजसो बुर्ज खालिफा चढेर मात्र फर्कन्छन्। नभए, यो टावरलाई पृष्ठभूमि पारेर फोटो खिचाउन त प्राय: कसैले छोड्दैनन्। विख्यात अमेरिकी आर्किटेक्ट एड्रिन…

रुख चढेर क्रिकेट हेर्ने नेपाली दर्शकको बेन कुपरले गरे तारिफ

काठमाडौंमा अहिले त्रिकोणात्मक टी-२० सिरिज क्रिकेट चलिरहेको छ । गत शनिबारदेखि सुरु भएको सिरिजमा सुरुको तीन दिन दर्शकसहितको खेल भएको थियो । तर सरकारको पछिल्लो…

जथाभावी मास्क फ्याँक्नेलाई कारबाही हुने, अब पाँच दिनसम्म मास्कलाई सुरक्षित…

काठमाण्डौ । कोरोना भाइरसको सङ्क्रमण फैलिएपछि काठमाण्डौ उपत्यकामा कडाइ गर्न थालिएको छ । स्थानीय प्रशासनमार्फत स्वास्थ्य सुरक्षा मापदण्ड पालनामा विशेष निगरानी थालिएको छ । विशेषगरी…