तबाही मच्चाउन्दै म्याग्दीमा बाढी : चार वटा पुलसहित मन्दिर बगायो, एक बेपत्ता

बेनी । म्याग्दीको अन्नपूर्ण गाउँपालिका-३ दानाको काभ्रेमा बाढीले बगाएर एक जना बेपत्ता भएका छन्। काभ्रेको भजेनी खोलामा आएको बाढीले बगाएर स्थानीय ६५ वर्षीय बलबहादुर गर्बुजालाई बे’पत्ता बनाएको वडा सदस्य हस्तबहादुर पुनले बताए। सोमबार साँझ बाढीमा बेपत्ता गर्बुजाको खोजी भइरहे पनि मंगलबार बिहानसम्म नभेटिएको उनले बताए।

निरन्तरको भिषण वर्षापछि कालीगण्डकी, म्याग्दी र रघुगंगा नदीमा आएको बाढीले म्याग्दीको विभिन्न ठाउँमा सडक, तीन वटा मोटरेबल र दुई वटा झोलुङ्गे पुल तथा दुई ठाउँमा मन्दिर बगाएको छ।

बेनी-जोमसोम सडक अन्तरगत अन्नपूर्ण -३ दानाको रुप्सेखोलामा आएको बाढीले निर्माणाधिन र पुरानो मोटरेबल पुल पुरेको छ। घाँस खोलामा निर्माणाधिन अर्को मोटरेबल पुल पनि पुरेको बेनी-जोमसोम-कोरला सडक आयोजनाका सुपरभाइजर इन्द्रसिंह शेरचनले बताए।

‘बाढीले घोप्टेभिर, घाँसाखोला, भुरुङ्ग-तातोपानी र रुप्से झरना आसपासका क्षेत्रमा सडक बगाएको छ,’ उनले भने ‘रुप्सेखोलाको मोटरेबल पुलको दुईतर्फ पिल्लर ठडाइएको थियो। घाँसाखोलाको पुल ढलान गर्न सटिङ्ग गरिएको थियो।’

रुप्से झरनाको परिसरमा रहेको मन्दिर र गडल्याड वाटरफल रेष्टुरेष्ट पनि बाढीले बगाएको छ। मोटरेबल पुल निर्माणमा प्रयोग भएको ज्वाला कन्ट्रक्सनको एक वटा एक्साभेटर (डोजर) र पार्कीङ गरेर राखिएको बस बगाएको छ।

सोमबार दिउँसो ३ बजेदेखि करिब दुई घण्टा रुप्से खोलामा ठूलो बाढी आएको थियो। विश्वकै गहिरो अन्धगल्छी आसपासमा रुप्से खोला कालीगण्डकीमा मिसिन्छ। कालीगण्डकीको बाढीले अन्नपूर्ण गाउँपालिकाको दाना र गाडपार जोड्ने झोलुङ्गे पुल बगाएको छ।

दानाका जितबहादुर पुनका अनुसार सुकेबगर र घराप जोड्ने अर्को झोलुङ्गे पुल र रुप्से ब्लक उद्योग पनि बगाएको छ। दानामा निर्माणाधिन २२० केभी क्षमताको विद्युत सबस्टेशन र क्रसर उद्योग कटानको जोखिममा परेको छ।

अन्नपूर्ण गाउँपालिका-२ भुरुङ्ग तातोपानीमा कालीगण्डकीले बस्तितर्फ कटान गर्न थालेपछि करिब सीमा प्रहरी चौकी, रेडक्रसको भवनलगायत तीस भन्दा बढी घर जोखिममा परेका छन्। नदी किनारमा लगाइएको पर्खाल नाघेर बाढीले बस्तितर्फ कटान गरेको वडा अध्यक्ष ओमप्रकाश फगामीले जानकारी दिए।

जोखिममा रहेका घरका बासिन्दालाई सुरक्षित ठाउँमा सारिएको छ। कालीगण्डकी र रघुगंगा नदीको दोभान स्थित जलजला गाउपालिका-२ मा रहेको धार्मिक स्थल राममन्दिरको धर्मशाला बाढीले कटान गरेर बगाएको छ।

बाढीले कटान गरेर मन्दिरको गौशाला, धर्मशाला र १०० ग्राम तौल भएको शालीग्राम शिलाको स्तम्भ बगाइसकेको छ। कटान निरन्तर छ। मन्दिर, पुजारी निवास र गलेश्वर देखि राममन्दिर जोड्ने झोलुङ्गे पुल जोखिममा परेको छ।

राष्ट्रिय परोपकार महासंघद्धारा संरक्षित राममन्दिर क्षेत्रमा करोडौ सहयोग जुटाएर निर्माण गरिएका भौतिक संरचना बाढीले क्षति पुर्‍याएको छ। सडक, मोटरेबल र झोलुङ्गे पुल बगाएकाले एक गाउँदेखि अर्को गाउँमा आवत जावत बन्द भएको दानाका गंगा पुनले बताए।

यसअघि गत असार २५ गते रघुगंगा नदीमा आएको बाढीले गलेश्वरको बेलिब्रिज भत्काएपछि अवरुद्ध मुस्ताङलाई राष्ट्रिय राजमार्गसँग जोड्ने सडक धेरै ठाउँमा पहिरो र बाढीले बगाएकाले पूर्ण रुपमा सिधा यातायात सञ्चालनका लागि थप समय लाग्ने देखिएको छ।

धौलागिरी हिमालको आसपासका क्षेत्रमा भारि वर्षा भएपछि म्याग्दी, कालीगण्डकी र रघुगंगा नदी र सहायक खोलाहरुमा बाढीको सतह बढेको सिडिओ ज्ञाननाथ ढकालले बताए। म्याग्दीका प्रमुख तिनवटै नदीको पानीको स्रोत हिमालहरु हुन्।

डिएपी किरनजंग कुँवरले बाढीको जोखिममा रहेका बस्तिका बासिन्दालाई सामान सहित सुरक्षित ठाउँमा सारिएको बताए। कालीगण्डकी नदीको किनारमा रहेको भुरुङ्ग-तातोपानीको तल्लो बजार, तिप्ल्याङ र बेनीको कालीपुलका बासिन्दालाई रातमा सुरक्षित ठाउँमा गएर सुत्न तथा दिउँसो समेत उच्च सतर्कता अपनाउन अनुरोध गरिएको छ।

भर्खरै प्रकाशित

रहेनन् दाङका एक निर्भिक र निडर पत्रकार अधिकारी

दाङ । दाङ घोराही निवासी पत्रकार दामोदर अधिकारीको कोरोना भाइरस संक्रमनका कारण नि’धन भएको छ । घोराही उपमहानगरपालिका वडा नं. १७ बेलभार निवासी ४० बर्षीय…

खाडी मुलुक हिँडेका १२६ जना विमानस्थलबाटै फर्काइए

काठमाडौं । कोरोना परीक्षणसम्बन्धी सुरिया ल्याबको रिपोर्ट बोकेका १२६ जनालाई विमानस्थलबाटै फर्काइएको छ। खाडी मुलुक उड्ने तयारीमा रहेका १२६ जना नेपाली र भारतीय कामदारलाई त्रिभुवन…

एसएलसी फेल भएर दुबई गए, बुर्ज खालिफामा काम गरेर ‘इञ्जिनियर’…

घुम्नका लागि दुबई जाने धेरैजसो बुर्ज खालिफा चढेर मात्र फर्कन्छन्। नभए, यो टावरलाई पृष्ठभूमि पारेर फोटो खिचाउन त प्राय: कसैले छोड्दैनन्। विख्यात अमेरिकी आर्किटेक्ट एड्रिन…

रुख चढेर क्रिकेट हेर्ने नेपाली दर्शकको बेन कुपरले गरे तारिफ

काठमाडौंमा अहिले त्रिकोणात्मक टी-२० सिरिज क्रिकेट चलिरहेको छ । गत शनिबारदेखि सुरु भएको सिरिजमा सुरुको तीन दिन दर्शकसहितको खेल भएको थियो । तर सरकारको पछिल्लो…

जथाभावी मास्क फ्याँक्नेलाई कारबाही हुने, अब पाँच दिनसम्म मास्कलाई सुरक्षित…

काठमाण्डौ । कोरोना भाइरसको सङ्क्रमण फैलिएपछि काठमाण्डौ उपत्यकामा कडाइ गर्न थालिएको छ । स्थानीय प्रशासनमार्फत स्वास्थ्य सुरक्षा मापदण्ड पालनामा विशेष निगरानी थालिएको छ । विशेषगरी…