यूएईले सुरुगर्यो मंगल ग्रहका लागि ऐतिहासिक अन्तरिक्ष अभियान, जापानबाट छोडियो उपग्रह

संयुक्त अरब इमिरेट्स (यूएई) को मंगल ग्रहका लागि ऐतिहासिक अन्तरिक्ष अभियानको सुरुवात भइसकेको छ । यो अभियानका लागि उपग्रहलाई जापानबाट छोडिएको छ ।

होप नामक यो उपग्रहलाई तनेगाशिया अन्तरिक्ष केन्द्रबाट एच टु–ए नामक रकेटमार्फत् पठाइएको हो र अब यो ५० करोड किलोमिटरको दुरी तय गरेर मंगलग्रहको मौसम र जलवायुको अध्ययन गर्नेछ ।

खराब मौसका कारण यो अभियानलाई दुई पटक रोक्नुपरेको थियो ।

होप उपग्रहलाई फेब्रुअरी २०२१ सम्म मंगलमा पुग्ने सम्भावना छ । यो मिति यसकारण पनि महत्वपूर्ण छ किनभने त्यतिबेला संयुक्त अरब इमिरेट्सको गठनको ५० औं वर्षागाँठ पनि छ ।

यूएईको यो अन्तरिक्ष अभियान मंगल ग्रहका लागि यो महिना सुरु हुने अभियानमध्ये एक हो ।

अमेरिका र चीनले पनि मंगल ग्रहका लागि आफ्नो नयाँ अभियानको सुरुवात गर्दैछ ।

मंगलग्रहमा किन जाँदैछ यूएई ?

अन्तरिक्ष यानको उत्पादन र डिजाइनिङको अनुभव संयुक्त अरब इमिरेट्ससँग निकै कम अनुभव छ ।

तर यति हुँदाहुँदै पनि यूएई त्यो कोसिस गर्ने कोसिस गर्दैछ जुन अहिलेसम्म अमेरिका, रुस, युरोपले मात्रै गर्न सफल भएको छ ।

तर यसले संयुक्त अरब इमिरेट्सको महत्वाकांक्षा बयान गर्छ र उनीहरु यो चुनौतीका लागि तयार भएको बताउँछन् ।

अमेरिकी विशेषज्ञको निगरानीमा यूएईका इन्जिनियरले ६ वर्षको मिहिनेतपछि एक परिष्कृत उपग्रह तयार गरेका छन् ।

र जब यो मंगलमा पुग्नेछ तब यसले विज्ञानलाई नयाँ सूचना र मंगलको वातावरणबारे ताजा जानकारी सार्वजनिक हुने आशा गरिएको छ ।

विशेषगरी वैज्ञानिकलाई लाग्छ कि यो ‘होप’ मिशनले मंगलमा हावा । पानी देखिनँ किन बन्द भयो भनेर सायद पत्ता लगाउन मद्दत गर्नेछ ।

‘होप’ मिशनलाई अरब जगतमा प्रेरणाको एउटा ठूलो स्रोतको रुपमा हेरिएको छ ।

यसले संयुक्त अरब इमिरेट्सका युवावर्ग र अरब दुनियाँका बच्चाहरुलाई विज्ञानप्रति रुझान बढाउने आशा गरिएको छ ।

यूएईको सरकार देशको अर्थव्यवस्थाको निर्भरता तेल र ग्यासबाट हटाएर भविष्यमा ज्ञानमा आधारित अर्थव्यवस्था तर्फ लैजान चाहन्छ ।

तर सधैं झैं जब कुरा मंगल ग्रहको आउँछ तब यसको जोखि पनि अत्यधिक हुन्छ । रातो ग्रहमा पठाइएको अहिलेसम्मको सबै अभियानमध्ये आधा असफल रहेका छन् ।

होप मिशनको प्रोजेक्ट निर्देशक ओमरान शराफलाई यो खतराबारे थाहा छ तर उनले आफ्नो देश सही दिशामा अघि बढ्ने कोसिस गरिरहेको कुरामा जोड दिएका छन् ।

उनले बीबीसी न्यूजसँग भने, ‘यो एक अनुसन्धान र डेभलपमेन्ट मिसन हो, यसमा असफलता पनि पाइन्छ । यद्यपि, एक राष्ट्रको रुपमा सफलता हात पार्न असफल हुनु कुनै विकल्प हुँदैन । यूएई यो मिशनमार्फत् जो क्षमता हासिल गर्ने वाला छ र यो देशमा जुन ज्ञान आउनेछ, यही कुरा सबैभन्दा धेरै महत्वपूर्ण राख्छ ।’ स्रोतः बीबीसी

भर्खरै प्रकाशित

रोल्पाली मह दैनिक एक चम्चा, स्वास्थ्यमा हुनेछन् फाइदै फाइदा

काठमाडौं । शताब्दियौंदेखि महको प्रयोग महत्त्वपूर्ण औषधिका रूपमा भइरहेको छ । यसको सेवनले स्वास्थ्यसम्बन्धी समस्या निर्मूल पार्छ । सुन्दरता बढाउन समेत यसको प्रयोग गरिन्छ ।…

धान्नै नसक्ने गरी कोरोना संक्रमित बढ्ने संकेत प्राप्त भयो :…

काठमाडौं । स्वास्थ्य तथा जनसंख्या मन्त्रालयले हरेक ४ दिनमा कोरोना संक्रमण दोब्बर बनिरहेको बताएको छ। बुधबारको प्रेस ब्रिफिङमा स्वास्थ्य तथा जनसंख्या मन्त्रालयका प्रवक्ता डा जागेश्वर…

सर्वोच्च अदालतको आदेश : अख्तियारले स्टिङ अपरेसन गर्न नपाउने

काठमाडौँ । सर्वोच्च अदालतले अख्तियार दुरुपयोग अनुसन्धान आयोगले स्टिङ अपरेसन गर्न नपाउने फैसला सुनाएको छ । घुस लिने व्यक्ति प’क्राउ गर्न आयोगले स्टिङ अपरेसनबाट संकलन…

‘हेभी ल्यान्डिङ’ ले बिग्रिएको वाइडबडीको गियर राख्‍न २२ करोड खर्च…

नेपाल एयरलाइन्सको एयरब ए-३३० वाइडबडी जहाजको ल्यान्डिङ गियर प्रतिस्थापन गर्न २२ करोड खर्च हुने भएको छ। गएको पुसमा नेपाल एयरलाइन्सको ‘एन नाइन–एएलजेड’ नेपाली दर्ता नम्बर…

रहेनन् दाङका एक निर्भिक र निडर पत्रकार अधिकारी

दाङ । दाङ घोराही निवासी पत्रकार दामोदर अधिकारीको कोरोना भाइरस संक्रमनका कारण नि’धन भएको छ । घोराही उपमहानगरपालिका वडा नं. १७ बेलभार निवासी ४० बर्षीय…