ठोरी : सुरक्षालाई मध्यनजर राख्दै सर्वसाधारणलाई आइतबारदेखि सीता गुफा क्षेत्रमा जान रोक

काठमाडौं । पर्साको ठोरीस्थित सीता गुफा नजिकै रहेको नेपाल–भारत सीमामा अवस्थित ४३६ नम्बरको सीमा स्तम्भ पाँच घण्टापछि पुनः सोही स्थानमै गाडिएको छ ।

दुवै देशका स्थानीय स्तरका सीमा सुरक्षा अधिकारी र ठोरी गाउँपालिकाका अध्यक्षको रोहबरमा शनिबार राति ९ बजे पहिलेकै स्थानमा पिलर गाडिएको सशस्त्र प्रहरी बल बोर्डर आउट पोष्ट ठोरीका प्रहरी निरीक्षक दीपक दाहालले बताए ।

‘नरकटियागंजस्थित भारतीय सीमा सुरक्षा बल एसएसबीका सेकेन्ड इन कमान्डेड अनिल सिंह नेतृत्वको टोली सीमा स्तम्भ उखेलिएको ठाउँमा आएको थियो । उहाँले पहिलेकै स्थान र डिरेक्सनमा पिलर गाडेर समस्या समाधान गरौं भन्ने प्रस्ताव राख्नुभयो,’ प्रहरी निरीक्षक दाहालले भने, ‘मैले पनि जिल्लामा समन्वय गरें । जिल्लाबाट स्थानीय जनप्रतिनिधिलाई समेत राखेर विवाद समाधान हुन्छ भने पहिलैकै स्थानमा पिलर गाड्न निर्देशन पाएँ । सोही अनुसार शनिबार राति ९ बजे नै यथास्थानमा पिलर गाड्ने काम भएको छ ।’

प्रहरी निरीक्षक दाहालका अनुसार इलाका प्रहरी कार्यालय ठोरीका प्रहरी निरीक्षक अशोक साह, ठोरी गाउँपालिकाका अध्यक्ष पदमलाल श्रेष्ठ तथा भारतका तर्फबाट एसएसबीका सेकेन्ड इन कमाण्डेड सिंह र भिखना ठोरीस्थित एसएसबीका इन्सपेक्टर प्रमित जैसवालको रोहबरमा उखेलिएको पिलर यथास्थानमै गाडिएको हो ।

गाउँपालिकाका अध्यक्ष श्रेष्ठका अनुसार दुवै देशका स्थानीयस्तरका सीमा सुरक्षा अधिकारीहरुको रोहबरमा पहिलेकै स्थान र सोही दिशामा पिलर गाडिएको छ ।

सीमा स्तम्भ उखेलिएको थाहा पाएपछि ठूलो संख्यामा भेला भएका ठोरीका बासिन्दाले सीमा स्तम्भ पहिलेकै ठाउँमा गाड्न दबाव दिएका थिए ।

सीता गुफा नजिकै रहेको नेपाल–भारत सीमामा अवस्थित सीमा स्तम्भ उखेलिएको बारेमा सशस्त्र प्रहरीले शनिबार दिउँसो चार बजेतिर थाहा पाएको थियो ।

प्रहरी निरीक्षक दाहालले भने, ‘शनिबार चार बजेतिर सीमा स्तम्भ नरहेको जानकारी पाएँ । सीमा स्तम्भ नजिकै रहेको सीता गुफामा बिहानैदेखि पूजापाठ भएको थियो । मध्यान्हसम्म सीमा स्तम्भ सुरक्षित नै थियो । मलाई लाग्छ दिउँसो २ देखि ४ बजेको बीचमा सीमा स्तम्भ उखेलिएको हुनुपर्छ ।’

प्रधानमन्त्री केपी शर्मा ओलीले भगवान रामको जन्मभूमि अयोध्या ठोरीमा पर्ने उदघोष गरेसँगै सीता गुफा क्षेत्र एकाएक चर्चामा आएको थियो ।

सीता गुफा क्षेत्रमा सर्वसाधारणलाई प्रवेश निषेध

सुरक्षालाई मध्यनजर राख्दै सर्वसाधारणलाई आइतबारदेखि सीता गुफा क्षेत्रमा जान रोक लगाइएको छ ।

सीता गुफा अवलोकन गर्न आउनेको ठूलै भिड बढेका कारण केही दिनका लागि सो क्षेत्रमा जान रोक लगाइएको प्रहरी निरीक्षक दाहालले बताए ।

दाहालले भने, ‘सीता गुफा क्षेत्रमा केही दिनका लागि सर्वसाधारणलाई जान रोक लगाएका छौं । पत्रकारलगायत माथिल्लो तहबाट अवलोकन र अध्ययन गर्न आउने टोलीलाई भने सशस्त्रकै सुरक्षा घेरामा सो ठाउँमा जाने व्यवस्था मिलाउँछौं ।’

भगवान रामको जन्मभूमि अयोध्या ठोरीमै रहेको प्रधानमन्त्रीको अभिव्यक्तिपछि दैनिक सो क्षेत्रको भ्रमण गर्ने र पूजापाठ गर्नेहरु को चहलपहल बढेकै समयमा सीतागुफा नजिकै रहेको नेपाल–भारत सीमा स्तम्भ उखेलेर फाल्नुलाई यहाँका स्थानीयले षडयन्त्रको रुपमा लिएका छन् ।

भर्खरै प्रकाशित

लुम्बिनी प्रदेश : प्रदेशको राजधानी भएपछि तमसुक बनाउँदै महंगोमा जग्गा…

काठमाडौं । लुम्बिनी प्रदेशको राजधानी घोषणा हुनासाथ काठमाडौं बस्दै आएका नेकपाका एक नेताका नातेदार दाङको देउखुरी पुगे । उनले मजगाउँ भन्ने स्थानमा १३ कठ्ठा जग्गा…

गम्भीर बिरामीको पनि भर्ना नलिने सरकारी अस्पताल, उपचार नगरेबापत सरकारविरुद्ध…

काठमाडौं । नोवेल कोरोना भाइरस (कोभिड–१९) का जतिसुकै गम्भीर बिरामी भए पनि पैसा छैन भने कुनै पनि अस्पतालले भर्ना नलिने भएको छ । काठमाडौंस्थित सिभिल…

हङकङले ताइवानका विमानलाई विवादित प्राटस टापुमा पुग्न लगायो रोक

हङकङले ताइवानलाई विवादित प्राटस टापुमा पुग्न रोक लगाएको छ। विवादित क्षेत्र वरपरको हवाई क्षेत्र अर्को सूचना नआएसम्म बन्द रहने बताउँदै हङकङले ताइवानलाई विवादित प्राटस टापुमा…

उपचार नपाउँदा मौलिक हक हनन, सरकारी अस्पतालले कोरोना संक्रमितबाट पैसा…

काठमाडौं ।  संविधानको भाग ३ मा मौलिक हक र कर्तव्यअन्तर्गत धारा ३५ को स्वास्थ्यसम्बन्धी हकमा लेखिएको छ, ‘प्रत्येक नागरिकलाई राज्यबाट आधारभूत स्वास्थ्य सेवा निःशुल्क प्राप्त…

भारतको गोप्य सेनामा काम गर्ने तिब्बती सैनिक

घरको एउटा कुनामा निमा तेन्जिङको तस्विर राखिएको छ, त्यहाँ राखिएको तेलबाट बल्ने दियोको प्रकाश त्यसमाथि परिरहेको छ । छेउको कोठामा प्राथना जारी छ जसमा घरका…