नेपाली युवकको कपाल मुण्डन गर्ने ४ भारतीय पक्राउ

भारतको वाराणसीमा नेपाली युवकको कपाल मुण्डन गरेर टाउकामा ‘जय श्रीराम’ लेखेको आरोपमा भारतीय प्रहरीले चार जनालाई प\क्राउ गरेको छ।

यस घटनामा वाराणसीको भेलुपुर प्रहरी कार्यालयमा पाँच जनाविरुद्ध उजुरी (एफआइआर) दर्ता भएका छ ।

वाराणसीका वरिष्ठ प्रहरी अधिक्षक अमित पाठकले यस मामिलामा प्रहरीले तुरुन्त कारबाही थालेको बीबीसीसँग बताएका छन् ।

पाठकले भने, ‘सामाजिक सञ्जालबाट घटना जानकारी पायौं । त्यसपछि हामीले तुरुन्त सम्बन्धित धाराबमोजिम एफआइआर दर्ता गरायौं । चार जनालाई गि’रफ्तार गरेका छौं, जो भिडियो (नेपालीको कपाल मुण्डन) बनाउने व्यक्ति हुन् । प्राप्त जानकारीअनुसार अरुण पाठक नाम गरेका व्यक्तिले त्यस्तो भिडियो बनाए र सामाजिक सञ्जालमा हाले । उसलाई पनि चाँडै पक्राउ गरिनेछ ।’

घटना के हो ?

वाराणसीमा बस्ने नेपाली नागरिकलाई केही व्यक्तिले बुधबार गंगा नदीको किनारमा जबर्जस्ती कपाल मुण्डन गरिदिए । त्यति मात्र होइन, ती नेपाली युवकको टाउकामा नेपाली प्रधानमन्त्री ‘मु’र्दावाद’ जस्ता नारा पनि लगाए । साथै उनीहरूले त्यसको भिडियो बनाए ।

त्यसपछि हिन्दू सेना नामको एक संगठनले त्यो भिडियो सामाजिक सञ्जालमा राख्यो । र, नेपालका प्रधानमन्त्रीले अयोध्या नेपालमा छ भनेर दिएको अभिव्यक्तिविरुद्ध चेतावनी पनि दियो ।

साथै बनारसमा बस्ने नेपालीलाई पनि नेपालका प्रधानमन्त्रीले बारम्बार यस्ता अभव्यक्ति दिएका खण्डमा परिणाम राम्रो नहुने चेतावनी पनि उनीहरूले दिएका छन् ।

यही घटनामा सन्तोष पाण्डेय, अमित दुबे, आशिष मिश्रा र राजु यादवलाई पक्राउ गरिएको एसएसपी अमित पाठकले जानकारी दिएका छन् । उनीहरूविरुद्ध भेलुपुर प्रहरी चौकीमा आइपिसीको धारा ५०५ (२) र २९५ तथा आइटी एक्टअनुसार मुद्दा हालिएको छ । तर मुख्य अभियुक्त अरुण पाठक भने अहिलेसम्म फरार छन् । बिबिसी हिन्दीबाट

भर्खरै प्रकाशित

चन्द्रागिरि केबलकारमा कोरोना सुई लगाएका यात्रुलाई २५ प्रतिशत छुट

काठमाडौं । चन्द्रागिरि हिल्स प्रालिले कोभिड–१९ विरुद्धको खोप लगाएर केबलकार चढ्ने यात्रुलाई २५ प्रतिशत सहुलियत दिने भएको छ। चन्द्रागिरि हिल्सले कोभिड–१९ विरुद्धको लडाइँमा ऐक्यबद्धता जनाउँदै…

रोल्पाली मह दैनिक एक चम्चा, स्वास्थ्यमा हुनेछन् फाइदै फाइदा

लमजुङ । लमजुङमा सासू–ससुरालाई स्याहार–सुसार गर्ने बुहारीहरूलाई सम्मान गरिएको छ । वृद्ध सासू–ससुरालाई सम्मानपूर्वक स्याहार–सम्भार, पालनपोषण गर्ने बुहारीहरूलाई सम्मानित गरिएको हो । ज्येष्ठ नागरिक समाज…

रोल्पाली मह दैनिक एक चम्चा, स्वास्थ्यमा हुनेछन् फाइदै फाइदा

काठमाडौं । शताब्दियौंदेखि महको प्रयोग महत्त्वपूर्ण औषधिका रूपमा भइरहेको छ । यसको सेवनले स्वास्थ्यसम्बन्धी समस्या निर्मूल पार्छ । सुन्दरता बढाउन समेत यसको प्रयोग गरिन्छ ।…

धान्नै नसक्ने गरी कोरोना संक्रमित बढ्ने संकेत प्राप्त भयो :…

काठमाडौं । स्वास्थ्य तथा जनसंख्या मन्त्रालयले हरेक ४ दिनमा कोरोना संक्रमण दोब्बर बनिरहेको बताएको छ। बुधबारको प्रेस ब्रिफिङमा स्वास्थ्य तथा जनसंख्या मन्त्रालयका प्रवक्ता डा जागेश्वर…

सर्वोच्च अदालतको आदेश : अख्तियारले स्टिङ अपरेसन गर्न नपाउने

काठमाडौँ । सर्वोच्च अदालतले अख्तियार दुरुपयोग अनुसन्धान आयोगले स्टिङ अपरेसन गर्न नपाउने फैसला सुनाएको छ । घुस लिने व्यक्ति प’क्राउ गर्न आयोगले स्टिङ अपरेसनबाट संकलन…