नेपालमा कोरोनाबाट संक्रमित हुनेभन्दा निको हुनेको संख्या चार गुणा बढी

पछिल्लो एक हप्तायता नयाँ कोरोना संक्रमित थपिनेको संख्या भन्दा निको हुनेको संख्या चार गुणा बढी देखिएको छ।

स्वास्थ्य तथा जनसंख्या मन्त्रालयको तथ्यांक अनुसार पछिल्लो एक हप्तामा ८ सय २२ जना नयाँ संक्रमित थपिँदा ३ हजार ३ सय ४७ जना निको भएका छन्। यसरी निको हुने संख्यामा उल्लेख्य सुधार आएको छ।

बिहीबार १ सय ६७ जना नयाँ संक्रमित थपिँदा २ सय १३ जना निको भए। यस्तै बुधबार १ सय १६ जना संक्रमित थपिए। जसमा ६ सय ९८ निको भएर घर फर्किए।

मंगलबार पनि १ सय १६ जना संक्रमित थपिएका थिए भने ३४ जना डिस्चार्ज भएका थिए। उक्त दिन मात्र निको हुने भन्दा थपिने संक्रमित बढी देखिएको हो।

सोमबार भने १ सय ४४ संक्रमित थपिँदा एक हजार ७ सय ५ जना निको भए। यो अहिलेसम्म एकैदिन बढी निको भएकाको संख्या हो।

आइतबार पनि १ सय ४७ निको भएर घर फर्किंदा जम्मा ८२ जना संक्रमित थपिए।

यस्तै, शनिबार ७९ जना संक्रमित थपिए भने ४ सय ३१ जना निको भए। शुक्रबार भने झन्डै थपिने र निको हुने संख्या बराबर भयो। १ सय १८ जना संक्रमित थपिँदा १ सय २० जना निको भएर घर फर्किए।

यसरी हेर्दा पछिल्लो एक हप्तामा मंगलबार बाहेक सबै दिन थपिने भन्दा निको हुनेको संख्या बढी छ।

मन्त्रालयकै तथ्यांक अनुसार पछिल्लो एक हप्तामा ३२ हजार ६ सय ८३ जनाको पिसिआर परीक्षण गरिएको छ। जसमा बिहीबार ४९४१, बुधबार ५०९०, मंगलबार ४४२२, सोमबार ५८५६, आइतबार ३९१६, शनिबार ३६४८ र शुक्रबार ४८१० जनाको परीक्षण गरिएको हो।

आजको परीक्षण संख्या भने दिउँसो ४ बजेको नियमित प्रेस ब्रिफिङमा जानकारी गराइनेछ।

मन्त्रालयले पछिल्लो समय क्वारेन्टिनमा बस्ने मानिसहरूको संख्या कम भएकाले परीक्षणको संख्या घटेको बताउँदै आएको छ।

मन्त्रालयका प्रवक्ता डा. जागेश्वर गौतमले दैनिक परीक्षण क्षमता १० हजार बढी रहेकाले आवश्यक परे परीक्षण बढाउन सकिने बताए।

अहिले देशभर रहेका २५ वटा प्रयोगशालाहरूबाट औसत साढे ४ हजार जनाको परीक्षण हुँदै आएको छ।

भर्खरै प्रकाशित

ओलीको निर्णयविरुद्ध फेरि निर्वाचन आयोग गयो माधव नेपाल समूह

५ वैशाख, काठमाडौं । नेकपा एमालेको माधवकुमार नेपाल समूह पार्टी अध्यक्ष केपी शर्मा ओलीको निर्णयविरुद्ध फेरि निर्वाचन आयोग गएको छ । अध्यक्ष ओलीले सर्वोच्च अदालतको…

प्रदेश २ को नाम ‘मधेश प्रदेश’ र राजधानी ‘जनकपुर’ :…

जनकपुरधाम । प्रदेश नम्बर २ को नाम र राजधानी ३ बर्ष वितिसक्दा पनि सरकारले तोक्न सकेको छैन । आईतबार प्रदेश २ को नाम र स्थायी…

विवाह गर्न जन्म दर्ता वा नागरिकता अनिवार्य

पश्चिम । जिल्लाका पुरोहित, पुजारी र पास्टरहरूले विवाहको लगन हेर्नुपूर्व एउटा सर्त पालना गर्नुपर्ने भएको छ । उनीहरूकहाँ विवाहका लागि लगन हेराउन गएकाहरूले जन्मदर्ता वा नागरिकता…

बादलको खाली स्थानमा ३५ दिनभित्रै उपचुनाव गर्नुपर्ने

काठमाडौं । गृहमन्त्री रामबहादुर थापा बादल आइतबारदेखि राष्ट्रिय सभा सदस्य पदबाट मुक्त भएका छन् । विद्यमान कानूनी व्यवस्थाअनुसार अब बादलको रिक्त स्थानमा ३५ दिनभित्रै उपनिर्वाचन…

प्रधानमन्त्री ओलीले बोलाएको बैठक रोक्न बोहराको आग्रह

५ वैशाख, काठमाडौं । नेकपा एमालेका अध्यक्ष केपी शर्मा ओलीले सोमबारका लागि बोलाएको महाधिवेशन आयोजक कमिटीको बैठक रोक्न अमृतकुमार बोहोराले आग्रह गरेका छन् । एमालेको…