कसरी जम्मा भयो प्रधानमन्त्री ओलीको स्वीस बैंकमा ५५ लाख डलर ?

प्रधानमन्त्री केपी शर्मा ओलीको स्वीस बैंकमा खाता रहेको र त्यसमा ५५ लाख डलर जम्मा भएको सनसनीपूर्ण खुलासा ग्लोबल वाच एनालिसिसले गरेको छ । आज प्रकाशित उसको रिपोर्टमा जेनेभाको मिराबौड बैंकमा उक्त खाता रहेको रोल्यान्ड ज्याकार्डद्वारा तयार पारिएको रिपोर्टमा उल्लेख छ ।

बौलेभार्ड जर्जस फेभन भवनमा उक्त बैंक रहेको छ । ओलीको पत्नी राधिका शाक्यसँग संयुक्त खाता रहेको समाचार रिपोर्टमा भनिएको छ । उक्त रकम लामो समयका लागि निक्षेपमा रहेको र वार्षिक ५ लाख डलर आरामले फिर्ता हुने गरेको समेत उल्लेख छ । जम्मा भएको रकम नेपाली ६६ करोड ३४ लाख हुनआउँछ । वर्षेनी आउने रकम नेपली रुपैयाँ ६ करोड हो ।

प्रधानमन्त्री ओलीको केही वर्ष यता सम्पत्ति निकै बढेको भनिएको छ । सम्पत्ति कसरी जम्मा भयो भनेर समेत लेखिएको छ । जसमा उनले चिनियाँ कम्पनिसँग गर्न लगाएको सम्झौताहरुवापत् प्राप्त भएको कमिशन भनिएको छ । हङकङमा रहेका चिनियाँ कम्पनि चाइना कम्युनिकेशन सर्भिस र जेटीईसँगको सम्झौता उल्लेख छ । ती कम्पनिहरुसँग क्रमशः रेडियो पहुँच सञ्जालको विकास र नेपाल टेलिकमको फोर जी नेटवर्क जडानका लागि सम्झौता भएको थियो ।

उक्त योजना १९ अर्ब नेपाली रुपैयाँ बराबरको थियो । बुढिगण्डकी जलविद्युत आयोजना विना प्रतिष्पर्धा दिइएको विषयबारे उल्लेख छ । यसअघि शेरबहादुर देउवाले गरेको निर्णय उल्टाउनुमा चिनियाँ कम्पनिको चाहना अनुसार पनि भएको रिपोर्टमा भनिएको छ ।

टेलिकम्युनिकेशनको ठेक्कासम्बन्धी गतिविधिमा प्रधानमन्त्रीका राजनीतिक सल्लाहकार विष्णु रिमालको छोराको नाम पनि जोडिएको छ ।
चिनियाँ कम्पनिहरुले भिडियो कन्फरेन्सको सुविधासहित डिजिटल एक्सन रुम प्रधानमन्त्री कार्यालयमा बनाउन ठेक्का पाएको उल्लेख छ ।

ओली पहिलोपटक प्रधानमन्त्री बन्दा र दोस्रो पटक प्रधानमन्त्ती बन्दा चीनसँग सम्बन्ध गाँसेर भ्रष्टाचारहरु गरेको दाबी गरिएको छ । उनले तत्कालिन चिनियाँ राजदुन हु चुन्ताईको सहयोगमा कम्बोडियाको टेलिकम्युनिकेशनमा लगानीको प्रक्रिया चालेको भनिएको छ । उक्त डिल दिवंगत व्यवसायी आङ छिरिङ शेर्पाले टुंगोमा पुर्याएको रिपोर्टमा उल्लेख छ ।

स्वीस बैंकहरु कालो धन लुकाउने स्वर्ग बनेको तथ्य बेला बेलामा सार्वजनिक हुनेगर्छ । त्यहाँ बैंकिङ गोपनीयता खुलाउनेलाई जघन्य अपराध मानिन्छ । त्यसैले कसैले पनि खुलाउँदैन । यति गोप्य रहने स्वीस बैंकमा प्रधानमन्त्री ओलीको रकम जम्मा भएको विषय बाहिरिनुलाई गम्भीर रुपमा लिइएको छ । रिपोर्टर्सनेपाल 

भर्खरै प्रकाशित

लुम्बिनी प्रदेश : प्रदेशको राजधानी भएपछि तमसुक बनाउँदै महंगोमा जग्गा…

काठमाडौं । लुम्बिनी प्रदेशको राजधानी घोषणा हुनासाथ काठमाडौं बस्दै आएका नेकपाका एक नेताका नातेदार दाङको देउखुरी पुगे । उनले मजगाउँ भन्ने स्थानमा १३ कठ्ठा जग्गा…

गम्भीर बिरामीको पनि भर्ना नलिने सरकारी अस्पताल, उपचार नगरेबापत सरकारविरुद्ध…

काठमाडौं । नोवेल कोरोना भाइरस (कोभिड–१९) का जतिसुकै गम्भीर बिरामी भए पनि पैसा छैन भने कुनै पनि अस्पतालले भर्ना नलिने भएको छ । काठमाडौंस्थित सिभिल…

हङकङले ताइवानका विमानलाई विवादित प्राटस टापुमा पुग्न लगायो रोक

हङकङले ताइवानलाई विवादित प्राटस टापुमा पुग्न रोक लगाएको छ। विवादित क्षेत्र वरपरको हवाई क्षेत्र अर्को सूचना नआएसम्म बन्द रहने बताउँदै हङकङले ताइवानलाई विवादित प्राटस टापुमा…

उपचार नपाउँदा मौलिक हक हनन, सरकारी अस्पतालले कोरोना संक्रमितबाट पैसा…

काठमाडौं ।  संविधानको भाग ३ मा मौलिक हक र कर्तव्यअन्तर्गत धारा ३५ को स्वास्थ्यसम्बन्धी हकमा लेखिएको छ, ‘प्रत्येक नागरिकलाई राज्यबाट आधारभूत स्वास्थ्य सेवा निःशुल्क प्राप्त…

भारतको गोप्य सेनामा काम गर्ने तिब्बती सैनिक

घरको एउटा कुनामा निमा तेन्जिङको तस्विर राखिएको छ, त्यहाँ राखिएको तेलबाट बल्ने दियोको प्रकाश त्यसमाथि परिरहेको छ । छेउको कोठामा प्राथना जारी छ जसमा घरका…