सिमामा भरतको दादागिरी : एसएसबी र भारतबाट आएका युवाले हटाए नेपाल तर्फ राखिएको साइनबोर्ड

वीरगन्ज । भारतीय सीमा सुरक्षा बल (एसएसबी)को दबाबमा नेपाल- भारत सीमाको दशगजा क्षेत्रमा राखिएको साइनबोर्ड हटाइएको छ। वीरगन्जको रक्सौल नाकास्थित दशगजामा रहेको मितेरी पुलबाट बोर्ड झिकिएको हो।

गत साता सो क्षेत्रमा पर्सा प्रहरीले ‘नेपाल सरकार, जिल्ला प्रहरी कार्यालय पर्सा-वीरगन्ज सीमा क्षेत्र प्रारम्भ’ लेखिएको बोर्ड राखेको थियो।

दशगजाको नेपाली भूमिमै राखे पनि एसएसबी र भारतीय युवाले बोर्ड हटाउन दबाब दिएका थिए। साइनबोर्ड राख्ने र हटाउने विषयमा मंगलबार नेपाल प्रहरी, सशस्त्र र एसएसबी बीच केही बेर भनाभन समेत भएको थियो।

बोर्डमा पर्सा प्रहरी प्रमुखको मोबाइल नम्बर पनि लेखिएको थियो। पर्सा प्रहरी प्रमुख (एसपी) गंगा पन्तले दशगजामा रहेको मितेरी पुलमा पहिले देखि नै भन्सारको बोर्ड रहेकाले जिल्ला प्रहरी कार्यालयको बोर्ड हटाइएको बताइन्।

वीरगन्ज-रक्सौल नाकामा दुई देशको पारवाहनका लागि भारतले निर्माण गरेको ६ सय मिटर लम्बाइको मितेरी पुलको आधा भाग नेपालमा र आधा भाग भारतमा पर्छ। नेपाल प्रहरीले बोर्ड राखेको स्थान भारतीय भूमिको दशगजा क्षेत्र भएको भन्दै हटाउन दबाब दिएको बताइएको छ।

एसएसबीसँगै मितेरी पुलमा आएका भारतीय नागरिकले उक्त पुल भारत सरकारको लगानीमा बनेको र त्यहाँ नेपाल प्रहरीले आफ्नो बोर्ड राख्न नहुने बताए। एसएसबीले उक्त बोर्ड हटाउनै पर्ने अडान लिएपछि प्रहरी चौकी इनर्वाका इन्चार्ज प्रहरी नायव निरीक्षक बैद्यनाथ दासले हटाए।

एपी पन्तले भनिन्, ‘वीरगन्ज भन्सारको बोर्ड पहिले देखिनै त्यहा थियो, अर्को बोर्ड राख्न आवश्यक नभएकाले हटाइएको हो।’ सीमामा रहेका नेपाली सुरक्षाकर्मीबाट ‘मिस अण्डरस्टान्डिङ’ भएपछि पुलमा बोर्ड राख्ने काम भएको उनको भनाइ छ।

त्यो खबर थाहा पाउने वित्तिकै आफूले हटाउन निर्देशन दिएको पन्तले बताइन्। पर्साका प्रमुख जिल्ला अधिकारी विष्णुकुमार कार्कीले सो विषयमा आफूलाई कुनै जानकारी नभएको बताए।

भर्खरै प्रकाशित

रहेनन् दाङका एक निर्भिक र निडर पत्रकार अधिकारी

दाङ । दाङ घोराही निवासी पत्रकार दामोदर अधिकारीको कोरोना भाइरस संक्रमनका कारण नि’धन भएको छ । घोराही उपमहानगरपालिका वडा नं. १७ बेलभार निवासी ४० बर्षीय…

खाडी मुलुक हिँडेका १२६ जना विमानस्थलबाटै फर्काइए

काठमाडौं । कोरोना परीक्षणसम्बन्धी सुरिया ल्याबको रिपोर्ट बोकेका १२६ जनालाई विमानस्थलबाटै फर्काइएको छ। खाडी मुलुक उड्ने तयारीमा रहेका १२६ जना नेपाली र भारतीय कामदारलाई त्रिभुवन…

एसएलसी फेल भएर दुबई गए, बुर्ज खालिफामा काम गरेर ‘इञ्जिनियर’…

घुम्नका लागि दुबई जाने धेरैजसो बुर्ज खालिफा चढेर मात्र फर्कन्छन्। नभए, यो टावरलाई पृष्ठभूमि पारेर फोटो खिचाउन त प्राय: कसैले छोड्दैनन्। विख्यात अमेरिकी आर्किटेक्ट एड्रिन…

रुख चढेर क्रिकेट हेर्ने नेपाली दर्शकको बेन कुपरले गरे तारिफ

काठमाडौंमा अहिले त्रिकोणात्मक टी-२० सिरिज क्रिकेट चलिरहेको छ । गत शनिबारदेखि सुरु भएको सिरिजमा सुरुको तीन दिन दर्शकसहितको खेल भएको थियो । तर सरकारको पछिल्लो…

जथाभावी मास्क फ्याँक्नेलाई कारबाही हुने, अब पाँच दिनसम्म मास्कलाई सुरक्षित…

काठमाण्डौ । कोरोना भाइरसको सङ्क्रमण फैलिएपछि काठमाण्डौ उपत्यकामा कडाइ गर्न थालिएको छ । स्थानीय प्रशासनमार्फत स्वास्थ्य सुरक्षा मापदण्ड पालनामा विशेष निगरानी थालिएको छ । विशेषगरी…