कोरोनाविरुद्ध चीनको चमत्कार, २० करोड भ्याक्सिन उत्पादन, ४ देशमा ‘फाइनल’ ट्रायल

काठमाडौं। चीनले कोरोनाभाइरसविरुद्ध ‘निर्णायक’ कदम चाल्ने भएको छ । उसले ठूलो परिमाणमा ट्रायल र भ्याक्सिन उत्पादनको तयारी गरेको छ ।

रोयटर्सको रिपोर्टअनुसार कोरोनाभाइरसविरुद्धको भ्याक्सिन विकासमा सबैभन्दा अगाडि रहेको कम्पनी क्यान्सिनो बायोलोजिक्सले आफ्नो भ्याक्सिनको तेस्रो र अन्तिम चरणको ट्रायलको लागि रुस, ब्राजिल, साउदी अरेबिया र चिलीसँग छलफल गरिरहेको छ ।

सरकारी तथ्यांकअनुसार अहिले चीनमा कोरोना संक्रमणको दर निकै कम भइसकेको छ जसका कारण चीनमा भ्याक्सिनको तेस्रो चरणको ट्रायल सम्भव देखिँदैन ।

तेस्रो चरणको लागि ठूलो संख्यामा स्वयंसेवीहरुलाई भ्याक्सिन दिनुपर्छ र ती स्वयंसेवीहरु यस्तो क्षेत्रका हुनुपर्छ जहाँ संक्रमण दर अधिक होस् र परीक्षणका लागि भ्याक्सिन लिएका स्वयंसेवकहरु संक्रमित हुने संभावन उच्च होस् ताकि संक्रमित भएपछि उनीहरुको शरीरमा भ्याक्सिनले गर्ने प्रतिक्रियाको अध्ययन गर्न सकियोस् ।

आफ्नो देशमा फाइनल ट्रायल सम्भव नदेखिएपछि चीनले विदेशमा ट्रायल गर्ने तयारी गरेको छ । अहिले अमेरिकापछि सबैभन्दा प्रभावित देश ब्राजिल बनेको छ जसले गर्दा ब्राजिल भ्याक्सिन ट्रायलको लागि उपयुक्त क्षेत्र हुन सक्छ ।

क्यान्सिनोका सहसंस्थापक किउ डोंग्झुले विदेशमा ट्रायलको योजनाबारे जानकारी दिएका छन् । डोंग्झुले अब छिटै फेज ३ ट्रायल सुरु हुने बताएका छन् । यो ट्रायलको क्रममा ४० हजार स्वयंसेवीलाई कोरोना भ्याक्सिनको डोज दिने तयारी छ ।

क्यान्सिनो बायोलोजिक्सले एडी५–एनसीओभी नामबाट कोरोना भ्याक्सिन विकास गरेको छ । यो त्यही भ्याक्सिन हो जसको चीनमा सबैभन्दा पहिले मानिसमा ट्रायल सुरु गरिएको थियो । कम्पनीका अनुसार भ्याक्सिनको फेज २ ट्रायलमा ५०८ स्वयंसेवीलाई भ्याक्सिन दिइएको थियो र यसको नतिजा निकै राम्रो आएको छ ।

क्यान्सिनोका अनुसार कम्पनीले चीनमा नयाँ फ्याक्ट्री बनाउँदैछ । २०२१ को सुरुवातदेखि यहाँ भ्याक्सिन उत्पादन सुरु हुनेछ । यो फ्याक्ट्रीमा १ वर्षमा १० देखि २० करोडसम्म भ्याक्सिनको डोज तयार हुनेछ ।

भर्खरै प्रकाशित

अफगानिस्तानी पुरुषहरुको दाह्री नकाट्न नाऊहरूलाई तालिबानको निर्देशन

काबुल । अफगानिस्तानको हेलमन्ड प्रान्तमा तालिबानले नाऊहरूलाई दाह्री खौरन र छोटो बनाउन प्रतिबन्ध लगाएको छ । इस्लामिक शरिया कानुनको उल्लंघन हुने भन्दै तालिबानले नाऊहरुलाई दाह्री…

परराष्ट्रमन्त्री अमेरिका पुगेपछि भने, ‘एमसीसी संशोधन हुन सक्दैन, जसरी पनि…

काठमाडौं । परराष्ट्रमन्त्री डा. नारायण खड्काले अमेरिकी सहयोग परियोजना (एमसीसी) संशोधन हुन नसक्ने बताएका छन् । संयुक्त राष्ट्रसंघको ७६ औं महासभामा भाग लिन न्युर्योक पुगेका…

विमानका यात्रुको अनुभव : एयर होस्टेसको आँखामा आँसु थियो, हामीले…

११ असोज, काठमाडौं । सोमबार काठमाडौंबाट उडेको वुद्ध एयरको विमान विराटनगर विमानस्थलमा अवतरण हुन नसकेपछि फेरि काठमाडौं फर्कियो । त्रिभुवन विमानस्थलमा पनि सहजै अवतरण हुन…

एकै दिन २ जहाजमा खराबी देखिएको बुद्ध एयरमाथि छानबिन हुँदै

आज सोमबार बुद्ध एयरका २ जहाजमा एकैपटक जसो समस्या देखिएको छ । समस्या देखिएका दुवै जहाज एटीआर–७२ हुन् । सोमबार बिहान काठमाडौँबाट विराटनगर उडेको ‘९…

साउदीमा रहेका पुरुषसँग भिडियो कलबाट विवाह गरि घर गएकी युवतीको…

सामाजिक संजालको प्रयोग र यसका सकारात्मक अनि नकारात्मक पक्षका घटनाहरु छरपस्ट भईरहदा रोल्पामा अनौठो घटना घटेको छ। फेसबुकको भिडियो कल कुराकानी अनि त्यस पछिको माया…