मैले बोलेका कुराहरू तोडमोड गरेर भारतीय मिडियाले बदमासी गरे : उपेन्द्र यादव

काठमाडौं । जनता समाजवादी पार्टीका अध्यक्ष एवं पूर्वउपप्रधानमन्त्री उपेन्द्र यादव भारतीय मिडियालाई दिएको एउटा अन्तर्वार्ताका कारण सामाजिक सञ्जालमा आलोचित बनेका छन् । तर आफूले बोलेका कुराहरू तोडमोड गरेर भारतीय मिडियाले बदमासी गरेको यादवको गुनासो छ ।

भारतीय च्यानल टीभी ९ सँगको अन्तर्वार्तामा पूर्वउपप्रधानमन्त्री उपेन्द्र यादवले ‘प्रधानमन्त्री ओली हनी ट्र्यापिङमा फसेको कुरा अस्वीकार गर्न नसक्ने’ बताएको भन्दै एउटा फुटेज प्रचार गरिएको छ । यो फुटेजलाई नेपालीहरूले पनि सामाजिक सञ्जालमा सेयर गर्दै यादवको आलोचना सुरु गरेका छन् ।

प्रधानमन्त्री ओली र नेपालका लागि चिनियाँ राजदूत होऊ यान्छीका विषयमा भारतीय मिडियाले आपत्तिजनक रिपोर्ट बनाएको सन्दर्भमा नेपालका पूर्वउपप्रधानमन्त्री यादवसँग टीभी ९ का अभि उपाध्यायले प्रश्न सोधेका थिए ।

अन्तर्वार्तामा यादवलाई सोधिएको छ, ‘कैयौं स्रोतबाट यो कुरा आइरहेका छन् । नेपालको कम्युनिस्ट पार्टीभित्र पनि कुरा उठिरहेको छ कि किन चीनका राजदूतको हस्तक्षेपलाई ओलीले बढावा दिइरहेका छन् भनेर । त्यसैले म यो सवाल तपाईंसँग गर्दैछु कि के यो हनी ट्रापको मामला हुन सक्छ ?’

भिडियोमा यादवले जवाफ दिन्छन्, ‘यो कुरालाई इन्कार गर्न सकिँदैन । यसलाई गहिरोसँग हेर्नुपर्ने आवश्यकता छ । मानिसहरूले सवाल उठाइरहेका छन् । यसमा पनि केही तर्क छ ।’

प्रस्तोताले फेरि सोध्छन्, ‘के यो विषयमा अनुसन्धान हुनुपर्छ भन्ने तपाईंको आशय हो ?’

यादवले भन्छन्, ‘निश्चितरुपमा यसलाई जरोसम्म पुगेर हेर्नुपर्ने हुन्छ ।’

यादव भन्छन्- ‘तिनीहरूको बदमासी हेर्नोस् त !

आफूले बोलेको कुरालाई तोडमोड गरेर भारतीय मिडियाले गलत प्रचार गरेको र बेइमानी गरेको यादवले अनलाइनखबरलाई बताए । कथित ‘हनी ट्यापिङ’ का बारेमा सोधिएको प्रश्नमा आफूले यस्तो विषयमा अनुसन्धान गरेर, बुझेर मात्रै धारणा बनाउन आफूले भारतीय मिडियालाई सुझाव दिएको तर हनी ट्यापिङबारे छानबिन गरिनुपर्छ नभनेको यादवले स्पष्ट पारे ।

‘मैले अगाडि बोलेको पनि काटिएको छ, वाक्य पूरा नै नभई बीचको राखेर प्रसारण गरिएको रहेछ’ यादवले अनलाइनखबरसँग भने, अध्ययन गर्नुपर्छ र अध्ययन गरेर मात्रै यस्तो कुराहरू बोल्नुपर्छ भन्ने चाहिँ काटेको छ, अध्ययन गर्नुपर्छ भन्नेसम्म चाहिँ राखेको छ ।’

यादवले अगाडि थपे, ‘तिनीहरूले कस्तो बदमासी गरेको हेर्नोस् त । वाक्य पनि अपूर्ण छ नि त्यहाँ । अगाडि र पछाडिको काटेर बीचको मात्रै राख्दाखेरि त अर्थको अनर्थ हुन्छ नि । यस्तो पनि अनैतिक काम गर्ने ?’

भर्खरै प्रकाशित

अफगानिस्तानी पुरुषहरुको दाह्री नकाट्न नाऊहरूलाई तालिबानको निर्देशन

काबुल । अफगानिस्तानको हेलमन्ड प्रान्तमा तालिबानले नाऊहरूलाई दाह्री खौरन र छोटो बनाउन प्रतिबन्ध लगाएको छ । इस्लामिक शरिया कानुनको उल्लंघन हुने भन्दै तालिबानले नाऊहरुलाई दाह्री…

परराष्ट्रमन्त्री अमेरिका पुगेपछि भने, ‘एमसीसी संशोधन हुन सक्दैन, जसरी पनि…

काठमाडौं । परराष्ट्रमन्त्री डा. नारायण खड्काले अमेरिकी सहयोग परियोजना (एमसीसी) संशोधन हुन नसक्ने बताएका छन् । संयुक्त राष्ट्रसंघको ७६ औं महासभामा भाग लिन न्युर्योक पुगेका…

विमानका यात्रुको अनुभव : एयर होस्टेसको आँखामा आँसु थियो, हामीले…

११ असोज, काठमाडौं । सोमबार काठमाडौंबाट उडेको वुद्ध एयरको विमान विराटनगर विमानस्थलमा अवतरण हुन नसकेपछि फेरि काठमाडौं फर्कियो । त्रिभुवन विमानस्थलमा पनि सहजै अवतरण हुन…

एकै दिन २ जहाजमा खराबी देखिएको बुद्ध एयरमाथि छानबिन हुँदै

आज सोमबार बुद्ध एयरका २ जहाजमा एकैपटक जसो समस्या देखिएको छ । समस्या देखिएका दुवै जहाज एटीआर–७२ हुन् । सोमबार बिहान काठमाडौँबाट विराटनगर उडेको ‘९…

साउदीमा रहेका पुरुषसँग भिडियो कलबाट विवाह गरि घर गएकी युवतीको…

सामाजिक संजालको प्रयोग र यसका सकारात्मक अनि नकारात्मक पक्षका घटनाहरु छरपस्ट भईरहदा रोल्पामा अनौठो घटना घटेको छ। फेसबुकको भिडियो कल कुराकानी अनि त्यस पछिको माया…