नेकपामा विवादमा चीनको चासो, नेकपा नेता नेपाल र चिनियाँ राजदूतबीच भेटवार्ता

काठमाडौं। सत्तारुढ दल नेकपामा विवाद बढिरहेका बेला त्यसबारे छिमेकी मुलुक चीनले पनि चासो देखाएको छ। काठमाडौंस्थित चिनियाँ राजदूत होउ याङ्छीले नेकपा वरिष्ठ नेता माधवकुमार नेपाललाई आइतबार साँझ अबेर भेटेर चिनियाँ चासो व्यक्त गरेकी छन्। नेकपा विदेश विभाग उपप्रमुख विष्णु रिजालले राजदूत याङ्छी र नेता नेपालबीच भेट भएको पुष्टि गरे।

नेता नेपाल र राजदूत याङ्छीबीच करिब एक घण्टा छलफल भएको स्रोतले जनाएको छ। राजदूत याङ्छी सात बजेपछि नेता नेपाल निवास कोटेश्वर पुगेको र ८ बजेपछि फर्केको स्रोतले जनायो।

नेकपामा देखिएको विवाद पूर्व माओवादी र पूर्व एमालेकोभन्दा पनि पूर्व एमालेहरुकै बिचमा बढि केन्द्रित रहेको र सो समूहको नेतृत्व नेता नेपालले गरेको चिनियाँ बुझाइ देखिएको राजदूत याङ्छीको भेटले प्रस्ट पारेको स्रोतले बतायो। भेटमा राजदूत याङ्छीले नेपालको ठूलो राजनीतिक दलमा विभाजन नहोस भन्ने चीनको शुभेच्छा रहेको सुनाएकी थिइन्।

सत्तारुढ दल नेकपामा प्रचण्ड–माधव समूहले प्रधानमन्त्री केपी शर्मा ओलीले आफूलाई हटाउन भारत र उसका नेपाली सहयोगीहरु सक्रिय भएको आरोप लगाएपछि उनको राजीनामा मागेको थियो। प्रधानमन्त्री नेकपामा विवाद चर्किएको बेला चिनियाँ राजदूतको नेता नेपालसँगको भेटलाई अर्थपूर्ण मानिएको छ।

यसअघि वैशाखमा पनि नेकपामा विवाद हुँदा चीनले चासो व्यक्त गर्दै राजदूत याङ्छीले नेकपाका सबै उच्च नेताहरुसँग भेट गरेकी थिइन्। त्यतिबेला चिनियाँ राष्ट्रपति सी जिनपिङ र राष्ट्रपति विद्यादेवी भण्डारीबीच फोन वार्ता भएको थियो।

भर्खरै प्रकाशित

भीम रावलले भने, प्रधानमन्त्रीले रअका प्रमुख भेट्नु आपत्तिजनक

काठमाडौं । नेपाल कम्युनिष्ट पार्टी (नेकपा) का नेता तथा पूर्वमन्त्री भीम रावलले प्रधानमन्त्री केपी शर्मा ओली र भारतीय गुप्तचर संस्था रिसर्च एण्ड एनालाइसिस विङ (रअ)…

ब्राजिलमा कोरोनाभाइरसविरुद्धको खोप लगाएका व्यक्तिको ज्या’न गयो

अस्ट्राजेनिका र अक्सफोर्ड विश्वविद्यालयले तयार पारेको कोरोनाभाइरस विरुद्धको खोप दिइएका एक व्यक्तिको ब्राजिलमा मृ’त्यु भएको छ । ब्राजिलको स्वास्थ्य सेवा विभाग एन्भिसाले तेस्रो चरणको परीक्षणका…

‘रअ’का प्रमुखले प्रधानमन्त्री ओलीलाई भेटेको पुष्टि

काठमाडौं । प्रधानमन्त्री केपी शर्मा ओली र भारतीय गुप्तचर संस्था रिसर्च एण्ड एनालाइसिस विङ (रअ) का प्रमुख सामन्तकुमार गोयलबीच भेटवार्ता भएको पुष्टि भएको छ ।…

रअ प्रमुख प्रचण्डलाई भेटे भन्नु भ्रम हो : सचिवालय

काठमाडौँ : नेपाल कम्युनिस्ट पार्टी (नेकपा) अध्यक्ष पुष्पकमल दाहाल ‘प्रचण्ड’ले भारतीय गुप्तचर संस्थाका प्रमुखसँग भेट गरेको भन्न्नु भ्रम भएको सचिवालयले जनाएको छ। बिहीबार बिहान विज्ञप्ति…

के नेपाल आफ्नो भूमिको दावीबाट पछि हटेको हो ? नेपाल…

काठमाडौं। कालापानी लिपुलेक र लिम्पियाधुरामाथि आफ्नो दावीबाट नेपाल पछि हटेको भन्दै भारतमा खुसीयाली बढेको छ । भारतीय विश्लेषकहरुले नेपाल पछिल्लो समय भारतसँग सीमा विवाद नबल्झाउने…