छिमेकी देश भारतले पनि बनायो कोरोना भाइरसविरुद्ध खोप, मानिसमा परीक्षण गर्ने तयारी

भारतले पनि कोरोना भाइरसविरुद्ध खोप विकास गरेको छ । जसको परीक्षण आउने जुलाई महिनामा गरिने बताइएको छ । भारतीय सञ्चारमाध्यमका अनुसार भारतको हैदराबादस्थित औषधि कम्पनी भारत बायोटेकले कोरोनाविरुद्ध खोप विकास गरेको हो । जुन खोप परीक्षणका लागि अब जुलाई महिनामा केही स्वयंसेवकलाई लगाउने तयारी छ ।

निर्माता कम्पनीले खोपको परीक्षण चाँडोभन्दा चाँडो थालिने बताएको छ, तर कति जनलाई खोप लगाइन्छ भन्ने कुरा खुलाएको छैन । यसअघि यो खोप जनावरलाई लगाएर परीक्षणले गरिएको र परिणाम प्रभावकारी आएको कम्पनीले दाबी गरेको छ ।

अहिले विश्वका विभिन्न देशले कोरोनाविरुद्ध खोप निर्माण तथा परीक्षण गरिरहेका छन् । जानकारका अनुसार अहिले विश्वमा १२० वटा भन्दा बढी यस्ता खोप विकास गरिएका छन् । भारतमा पनि आधा दर्जन औषधि कम्पनी खोप निर्माणमा जुटेका छन् ।

तर मानव परीक्षणसम्म आइपुगेको यो नै पहिलो खोप हो । यो खोप विकास गर्ने भारत बायोटेकलाई भारतको औषधि नियामक संस्थाले त्यो खोप मानवमा परीक्षण गर्ने अनुमति दिइसकेको कम्पनीद्वारा जारी विज्ञप्तिमा उल्लेख छ ।

कम्पनीका अनुसार मानवमा खोपको परीक्षण दुई चरण गर्नुपर्ने हुन्छ । पहिलो परीक्षणले खोप वास्तवमै सुरक्षित छ कि छैन भन्ने पुष्टि गर्छ भने दोस्रो परीक्षणले खोप कोरोना संक्रमण रोक्न कति सक्षम छ भन्ने प्रमाणित गर्छ ।

कम्पनीका प्रवक्ताले बीबीसँग भनेका छन्, ‘भारतमा कोरोनाबाट संक्रमित व्यक्तिबाट भाइरसको नमुना लियौं, जसले भ्याक्सिन विकास गर्न ठूलो सहयोग पुग्यो ।’

कम्पनीका प्रमुख डाक्टर कृष्णा इल्लाका अनुसार यो खोपको नाम ‘कोवाक्सिन’ राखिएको छ । जुन खोप इन्डियाज नेसनल इन्डस्ट्रिज अफ भाइरोलोजी र इन्डियन काउन्सिल अफ मेडिकल रिर्चको सहयोगमा तयार पारिएको हो ।

भारत विश्वमा सबैभन्दा बढी जेनेरिक औषधि तथा खोप निर्माण गर्ने देशमध्ये एक हो । जस्तै : पोलियो, मेनिनजाइटिस, निमोनिया, रोटाभाइरस, बिसीजी, रुबेलाविरुद्धका खोप पनि भारतले बनाएको हो ।

सामामान्यतया कुनै खोप विकास गर्न एक दशक नलागे पनि केही वर्ष लाग्छ । तर कोरोना भाइरसविरुद्ध भने आगामी सन् २०२१ को मध्यसम्म कुन न कुनै खोप विकास हुने विशेषज्ञले दाबी गरेका छन् ।

भर्खरै प्रकाशित

हिमालयका जहाजमा राखियो हार्ट अट्याक भएमा रोक्ने मेसिन

काठमाण्डाै । नेपालबाट अन्तर्राष्ट्रिय उडान भर्दै आएको हिमालय एयरलाइन्सले यात्रुको सुरक्षालाई मध्यनजर गर्दै ‘अटोमेटेड एक्स्टर्नल डेफिब्रिलेटर’ (एइडी) सेवा सुरु गरेको छ । नेपाल–चीन संयुक्त लगानीको…

इन्टरनेटको शुल्क प्रति–महिना तीन सय रुपैयाँसम्म बढाउने निर्णय

काठमाण्डाै । इन्टरनेट सेवा प्रदायकले शुल्क बढाउने भएका छन् । नेपाल विद्युत् प्राधिकरणले पोल भाडा बढाएको भन्दै सेवा प्रदायकले उपभोक्तासँग थप शुल्क लिने निर्णय गरेका…

एमसीसीविरुद्ध दाङमा युवाहरूको प्रदर्शन 

हिमाली पत्रिका  ३१ भदौ, घोराही । अमेरिकी आर्थिक सहयोग सम्बन्धी परियोजना मिलेनियम च्यालेन्ज कर्पोरेसन (एमसीसी) विरुद्ध दाङमा प्रदर्शन गरिएको छ । बिहीबार स्वतन्त्र देशभक्त युवा सञ्जालले…

हतारमा विद्यालय नखोल्न सरकारको निर्देशन

स्वास्थ्य तथा जनसङ्ख्या मन्त्रालयले हतारमा विद्यालय सञ्चालन नगर्न निर्देशन दिएको छ । शिक्षा, विज्ञान तथा प्रविधि मन्त्रालय कोभिड–१९ सङ्कट व्यवस्थापन केन्द्र र शिक्षा सरोकारवालासँग आज…

भारतले बढायो नेपालमा आउने विजुलीको मूल्य दर

काठमाडौं । नेपाल विद्युत् प्राधिकरणले गत आर्थिक वर्षमा २ दशमलव ४४ प्रतिशत बढी (महँगो) दरमा भारतीय विद्युत् आयात गरेको पाइएको छ । प्राधिकरणले हालै सार्वजनिक…