मलेसियामा कोरोना सङ्क्रमण ह्वातै घटे : निको हुन बाँकीको संख्या २४४ जना मात्र

काठमाण्डौ । नेपाली श्रमिकको मुख्य श्रम गन्तव्य देश मलेसियामा कोरोना सङ्क्रमण निकै घटेको छ । मलेसियामा अहिलेसम्म ८ हजार ५९६ जना सङ्क्रमित भएका छन् जसमध्ये ८ हजार २३१ जना निको भइसकेका छन् भने जम्मा २४४ जनाको मात्रै अस्पतालमा उपचार भइरहेको छ ।

मलेसियामा नयाँ सङ्क्रमित पनि एकदमै कम देखिएका छन् । सुरुवातमा मलेसियामा सङ्क्रमितको सङ्ख्या ह्वात्तै बढे पनि पछिल्लो समय निको हुने दर बढ्दा सङ्क्रमितको सङ्ख्या भने घट्दै गएको हो ।

मलेसियामा अहिलेसम्म कोरोनाको कारण २४४ जनाको ज्यान गएको त्यहाँको स्वास्थ्य मन्त्रालयले जनाएको छ ।

मलेसियामा ८१ जना नेपाली श्रमिक सङ्क्रमित भएकोमा उनीहरु सबैजना निको भएको दावी गरिएको छ । मलेसियाले निको हुनेको राष्ट्रियता नखुलाए पनि पछिल्लो समय नयाँ सङ्क्रमित नथपिएको र उनीहरु लामो समयदेखि उपचाररत रहेकाले सबैजना निको भइसकेको दूतावासको दावी छ ।

मलेसियामा कोरोना सङ्क्रमणको जोखिम घट्दै जाँदा गएको मे ४ देखि नै आर्थिक गतिविधि सुरु भएको थियो । अहिले मलेसियामा आर्थिक गतिविधिहरु सञ्चालन भइसकेका छन् ।

मलेसियामा कोरोना सङ्क्रमण घट्दै गए पनि नेपाली श्रमिकको श्रम गन्तव्य खाडीका देशमा भने सङ्क्रमण बढिरहेको छ । गैरआवासीय नेपाली संघ एनआरएनएको स्वास्थ्य समितिका संयोजक डा. सञ्जिव सापकोटाले मध्यपूर्वका देश कतार, कुवेत,साउदी लगायतका देश र अफ्रिकी देशमा सङ्क्रम बढिरहेको बताउनुभएको छ । उहाँले भन्नुभयो, ‘हरेक हप्ता त्यहाँ सङ्क्रमण बढिरहेको छ, गएको हप्ता कतारमा कोरोनाबाट नेपालीको ज्यान पनि गएको छ ।’

समितिका अनुसार गएको एक हप्तामा मात्रै तीन जना नेपालीको कोरोनाको कारण ज्यान गएको हो ।

साउदी
साउदीमा एक लाख ६७ हजार २६७ जनामा कोरोना सङ्क्रमण भएको छ । जसमध्ये एक लाख १२ हजार ७९७ जना निको भएका छन् भने ५३ हजार ८३ जनाको अस्पतालमा उपचार भइरहेको छ । दूतावासको तथ्याँकअनुसार साउदीमा १ हजार ३६४ जना नेपाली कोरोना सङ्क्रमित भएका छन् । तर यो सङ्ख्या केही समय पहिलेको हो । पछिल्लो तथ्याँक भने आएको छैन ।

यूएई
यूएईमा अहिलेसम्म ४६ हजार १३३ जनामा कोरोना सङ्क्रमण भएको छ । जसमध्ये ३४ हजार ४०५ जना निको भएरका छन् । अहिले ११ हजार ४२१ जनाको अस्पतालमा उपचार भइरहेको छ । यूएईमा ३०७ जनाको कोरोनाबाट ज्यान गएको छ । यूएईले सङ्क्रमितको राष्ट्रियता नखुलाउँदा कति नेपाली सङ्क्रमित छन् भन्ने यकिन तथ्याँक दूतावासले दिन सकेको छैन ।

कतार
कतारमा ९० हजार ७७८ जनामा कोरोना सङ्क्रमण भएको छ । ७३ हजार ८३ जना निको भएर घर फिरेका छन् भने १७ हजार ५९१ जनाको अस्पतालमा उपचार भइरहेको छ । १०४ जनाको ज्यान गएको छ । कतारमा सङ्क्रमितमध्ये धेरैजसो आप्रवासी श्रमिक रहेको दावी गरिएको छ । तर कतारले सङ्क्रमितको राष्ट्रियता नखुलाउँदा कति नेपाली सङ्क्रमित छन् भन्ने यकिन तथ्याँक छैन ।

बहराइन
तुलनात्मक रुपमा सानो देश भए पनि बहराइनमा अहिलेसम्म २३ हजार ५७० सय जनामा कोरोना सङ्क्रमण देखिएको छ । तर निको हुनेको सङ्ख्या पनि बढिरहेको छ । अहिलेसम्म सङ्क्रमितमध्ये १७ हजार ९७७ जनाले कोरोनालाई जितेका छन् भने ५ हजार ५२४ जनाको अस्पतालमा उपचार भइरहेको छ । बहराइनमा ६९ जनाले कोरोनाबाट ज्यान गुमाएका छन् । ।

कुवेत
कुवेतमा पनि कोरोना सङ्क्रमितको सङ्ख्या दिनहुँ बढिरहेको छ । कोरोना सङ्क्रमित सङ्ख्या ४१ हजार ८७९ जना पुगेको छ भने ३२ हजार ८०९ कोरोना निको भएर घर फिरेका छन् । अहिले कुवेतमा ८ हजार ७३३ जना कोरोना सङ्क्रमितको उपचार भइरहेको छ भने कोरोनाबाट मृत्यु हुनेको सङ्ख्या ३ सय ३७ पुगेको छ ।

तर यसमध्ये कति नेपाली निको भएका छन् र कति सङ्क्रमित छन् भनेर कुवेतले राष्ट्रियता खुलाएको छैन । सङ्क्रमण जोखिम बढिरहेकै बेला कुवेतले लगाएको कर्फ्यु खुकुलो बनाउँदै लगेको छ । कुवेतमा विभिन्न पाँच चरणामा लकडाउन खुकुलो बनाउँदै सामान्य अवस्थामा फर्कने योजना बनाएको छ ।

ओमान
खाडीको सानो देश ओमानमा पनि कोरोना सङ्क्रमितको सङ्ख्या बढेको छ । ओमानमा अहिलेसम्म सङ्क्रमितको सङ्ख्या ३३ हजार ५३६ जना पुगेको छ भने सङ्क्रमितमध्ये १७ हजार ९७२ जना निको भएर फिरेका छन् । १५ हजार ४२२ जनाको अस्पतालमा उपचार भइरहेको छ । कोरोनाको कारण १४२ जनाको ज्यान गएको छ । ओमानमा कति नेपाली सङ्क्रमित भएका छन् भन्ने खुलाइएको छैन ।

भर्खरै प्रकाशित

एक्सनमा देउवा सरकार : ‘स्मार्ट लाइसन्स टेन्डर गर्ने पदाधिकारीमाथि छानविन…

काठमाडौँ । प्रतिनिधिसभा, विकास तथा प्रविधि समितिले ‘स्मार्ट’ चालक अनुमतिपत्र छपाइमा भइरहेको ढिलाइप्रति छानबिन गरी आवश्यक कारवाही गर्न सरकारलाई निर्देशन दिएको छ । समितिको आज…

मुख्यमन्त्री कार्यालयमा बन्धक बनाएर जबरजस्ती नक्कली विज्ञप्ति बनाइयो : बिमला…

काठमाडौं। लुम्बिनी प्रदेशकी सांसद विमला खत्री वली पुनः नेकपा माओवादी केन्द्रमा फर्किएकी छन्। यसअघि माओवादी केन्द्रको सम्पर्कबाहिर रहेकी उनी एमालेमा प्रवेश गरेको विज्ञप्तिहरु सार्वजनिक भएका…

प्रधानमन्त्री देउवा पुत्र जयवीर सिंहलाई झुक्याइयो

काठमाडौं । प्रधानमन्त्री शेरबहादुर देउवाका छोरा जयविर सिंह देउवा पनि राजनीतिमा सक्रिय हुन थालेको छन् । हाल पार्टी भित्रका नेताहरुसँग दोस्ती बढाउन चरणमा छन् ।…

फेरि माओवादीमै फर्किइन बिमला वली

लुम्बिनी प्रदेश सभा सदस्य विमलाकुमारी खत्री वली पुन माओवादी केन्द्रमै फर्किएकी छन्। पछिल्लो एक सातादेखि पार्टीसँग ‘सम्पर्कविहीन’ भएकी उनी बुधबार आफैं पार्टीको सम्पर्कमा आएकी हुन्।…

यसकारण देउवाले प्राधिकरणका कार्यकारी निर्देशकलाई हटाउन खोजे, उच्च अधिकारीको पनि…

देशभित्र निर्माणाधीन अवस्थामा रहेका जलविद्युत् एवं प्रसारण लाइन आयोजनालाई समयमा पूरा गर्नेतर्फ ध्यान नदिइएको भन्दै सरकारले नेपाल विद्युत् प्राधिकरणको कामप्रति असन्तुष्टि व्यक्त गरेको छ ।…