अन्तराष्ट्रिय, राष्ट्रिय र पार्टी भित्रै विपक्षी भएपछी सबैभन्दा गाह्रो हुने रहेछ

प्रधानमन्त्री एवम् नेपाल कम्युनिष्ट पार्टीका अध्यक्ष केपी शर्मा ओलीले आफू पार्टीमा चौतर्फी घेराबन्दीमा परेको बताएका छन्।

बुधबारदेखि सुरू भएको नेकपा स्थायी कमिटी बैठकमा बोल्दै प्रधानमन्त्री ओलीले आफूले पार्टीभित्र, बाहिर र अन्तर्राष्ट्रिय रूपमा समेत प्रतिपक्षीहरू झेल्नु परेको गुनासो गरे।

संसारभरि कम्युनिष्टहरू कमजोर भएको बेला नेपालमा दुई तिहाइ बहुमतको सरकार कम्युनिष्टको नेतृत्वमा बनेको अन्तर्राष्ट्रिय जगतलाई समेत मन नपरेको उनले बताए।

चौतर्फी समस्याका बीचमा पनि सरकारले सकरात्मक काम गरिरहेको भए पनि पार्टीभित्रै बाट साथ नपाएको ओलीको गुनासो छ।

लिम्पियाधुरासम्मको भू-भाग समेटेर नक्सा जारी गरेकोमा भारतीय पक्ष खुसी नरहेको ओलीले बताएको एक स्थायी समिति सदस्यले सेतोपाटीलाई जानकारी दिए।

‘यही बेला भारतसँग सीमा विवाद झेल्नुपर्‍यो। सीमाको विषयमा भारतीय सेनापति बोल्नु भनेको हस्तक्षेप नै हो,’ प्रधानमन्त्री ओलीको भनाइ उद्धृत गर्दै ती स्थायी समिति सदस्यले भने,’कोरोनाभाइरसको महामारी पनि यही बेलामा भयो। तर हामीले नियन्त्रणका लागि सक्दो काम गरेका छौं। यही बीचमा विकास निर्माणका काम पनि भएका छन्।’

उनले नेपालमा कोरोनाभाइरसका कारण भएको भनिएको संख्या पनि थोरै रहेको बताएका थिए।

‘मृत्यु भएका सबैको कोरोना कारण होइन। विश्व स्वास्थ्य संगठनका कारणले मात्रै यो संख्या देखिएको हो,’ ओलीले भनेका थिए,’कानुनी रूपमा देखाउन परेको भए पनि व्यवहारिक रूपमा यो संख्या यथार्थ होइन।’

राम्रो सोचले अध्यादेश ल्याइएको भए पनि पार्टीभित्रै बाट असहयोग भएको उनले बताएका थिए।

‘विधेयकले पार्टी फुट्छ भनेर गलत कुरा गरियो। संवैधानिक आयोगहरूमा पनि पार्टीका मान्छेहरूलाई नियुक्त गर्न सकिन्थ्यो,’ प्रधानमन्त्री ओलीको भनाइ उद्धृत गर्दै अर्का एक नेताले भने,’हाम्रो आधा कार्यकालमा समेत संवैधानिक निकायमा नियुक्ति गर्न सकिएको छैन।’

पार्टीभित्रका विपक्षीको सामान गर्न सबैभन्दा कठिन हुने ओलीको भनाइ थियो।

‘हाम्रा साथीहरूले आफ्ना असन्तुष्टि पार्टीका बैठकमा राखे हुने हो तर बाहिर भन्दै हिँड्नुहुन्छ,’ उनले भने,’पार्टीका मान्छेले आलोचना गरेपछि जनताले पनि त्यही कुरा पत्याउँदा रहेछन्।’

बैठकमा बोल्दै अर्का अध्यक्ष पुष्पकमल दाहाल ‘प्रचण्ड’ ले भने ओलीको कार्यशैलीको आलोचना गर्दै पार्टीमा अहिलेकै भद्रगोल रहिरहे पार्टी विघटनको दिशामा जाने बताएका थिए।

भर्खरै प्रकाशित

सरस्वतीको दौडसँगै टोकियो ओलम्पिकमा नेपाली खेलाडीको चुनौती समाप्त

टोकियो । धाविका सरस्वती चौधरीको १ सय मिटर दौडमा सहभागितासँगै नेपाली खेलाडीको टोकियो ओलम्पिक २०२० को यात्रा समाप्त भएको छ । ओलम्पिकको सातौं दिन शुक्रबार…

एमालेले पार्टी कार्यालयमा खीर खुवाउने

नेकपा एमाले साउन १५ का अवसरमा आज खीर खुवाउने भएको छ । साउन १५ का अवसरमा पार्टी केन्द्रीय कार्यालय थापाथलीमा खीर खुवाउने कार्यक्रम राखिएको एमाले…

दलित जातीका लागि छुट्टै निर्वाचन क्षेत्र छुट्याउनुपर्छ : दुर्गा पौडेल

काठमाडौं । राष्ट्रिय जनमोर्चाका उपाध्यक्ष दुर्गा पौडेलले दलित जातीका लागि छुट्टै निर्वाचन क्षेत्र छुट्याउनुपर्ने बताउनुभएको छ । बिहीबार जागरण मिडिया सेन्टरले काठमाडौंमा आयोजना गरेको ‘समावेशीकरण…

कुनैबेलाका अरबपति विजय माल्यालाई जव अदालतले टाट पल्टिएको घोषणा गरिदियो

काठमाडौं। भारतका बैंकहरुबाट अरबौं रुपैयाँ ऋण लिएर भागेका व्यवसायी विजय माल्या टाट पल्टिएको बेलायतको अदालतले घोषणा गरेको छ । यो घोषणासँगै अब माल्यालाई ऋण दिएका…

नेपाली विद्यार्थीले बनाएको रकेटको ५ औं पटकको प्रयास पनि सफल,…

काठमाडौँ । नेपाली विद्यार्थीहरुले बनाएको ‘क्‍वान्टम’ रकेटको परीक्षण सफल भएको छ । राष्ट्रिय आविष्कार केन्द्रमार्फत् इन्जिनियरिङका विद्यार्थीहरुले बनाएको रकेटकाे ‘सुपर सोनिक’ टेस्ट सफल भएको हो…