नेपालमा कोरोना संक्रमित भदौ सम्म ३९ हजार पुग्नसक्छन् : स्वास्थ्य मन्त्राल

काठमाडौं । नेपालमा कोरोना भाइरस (कोभिड-१९) ले महामारीको रुप लिए आगामी भदौ पहिलो सातासम्म ३९ हजार संक्रमित हुनसक्ने आंकलन स्वास्थ्य तथा जनसंख्या मन्त्रालयले गरेको छ । साउन अन्तिम सातादेखि भदौको पहिलो साता कोरोना संक्रमिण उच्च विन्दुमा पुग्नसक्ने सरकारको विश्लेषण छ ।

त्यसबेला नेपालमा ३९ हजार संक्रमित हुनसक्ने विश्लेषण गरेर स्वास्थ्य सामाग्री र अस्पतालहरुको व्यवस्थापन गर्न लागिएको मन्त्रालयका अधिकारीहरुले बताएका छन् ।

सचिव र विभागीय प्रमुखसहित शनिबार सञ्चारकर्मीहरु छलफल गरेका स्वास्थ्यमन्त्री भानुभक्त ढकालले भने, विज्ञहरुको भनाइमा एकदमै खराब अवस्था आयो भने ३९ हजारसम्म पुग्नसक्छ भन्ने छ ।’

कोरोना संक्रमितको संख्यालाई १५ हजारभित्र समिति राख्न सकिन्छ भन्ने राणनीति अनुसार काम गरेको भए पनि त्यो बढ्ने देखिएको उनले सुनाए ।

अहिले कोरोना पहिचान भएका अधिकांश कोरोना संक्रमित क्वारेन्टिनमा छन् । तर पछिल्लो समय क्वारेन्टिन स्थलहरु नै कोरोना सार्ने अखडा बन्न थालेको र त्यहाँ भएकाहरुलाई आरडीटी गरेर घर पठाउँदा संक्रमण समुदायमा पुग्नसक्ने खतरा कायमै छ ।

साथै ट्राभल हिस्टी नभएकाहरुमा पनि संक्रमण देखिन थालेको छ । साथै कतिपयमा मृत्यु भइसकेपछि मात्र कोरोना संक्रमण पुष्टि भएका छन् । त्यसैले कोरोना संक्रमणले कस्तो रुप लिन्छ अनुमान गर्न गाह्रो भएको जनस्वास्थ्यविज्ञहरु बताउँछन् ।

तर सरकारले भने भदौ पहिलो सातासम्म ३० हजारसम्म सङ्क्रमित हुने आंकलन गरेर पूर्व तयारी थालेको छ । मन्त्रालयका सहसचिव डा. गुणराज लोहनीका अनुसार त्यति संक्रमित हुँदा चाहिनसक्ने सघन उपचार कक्ष (आईसीयू) र भेन्टिलेटर लगभग तयार छ । उनकाअनुसार अहिले एक हजार भेन्टिलेटर र १८०० आईसीयू छन् ।

‘कन्ट्याक्ट ट्रेसिङ’ टिम बन्दै

समुदाय स्तरमा संक्रमण देखियो भने परीक्षणसँगै कन्ट्याक ट्रेसिङ महत्वपूर्ण हुन्छ ।

यसका लागि ३ हजार २२५ जनाको टोली बनाइने भएको छ । स्वास्थ्य मन्त्रालयका सचिव लक्ष्मण अर्यालका अनुसार यसका लागि मन्त्रिपरिषद्बाट कार्यविधि स्वीकृत भइसककेको छ ।

यसका लागि चाहिने दुई तिहाइ स्वास्थ्य जनशक्ति अहिले छन् भने बाँकी भर्ना गरिनेछ ।

दैनिक १० हजार परीक्षणको लक्ष्य

मन्त्रालयको तथ्यांकअनुसार शनिबार ७ हजार ४०० बढी नमुनाको पीसीआर विधिबाट परीक्षण भएको छ । यसलाई बढाएर दैनिक १० हजार पुर्‍याउन थप पाँच ठाउँमा पीसीआर मेशिन जडान गरिनेसचिव अर्यालले जानकारी दिए ।

उनका अनुसार नेपाली सेनाको अस्पताल, नेपाल प्रहरीको अस्पताल, सशस्त्र प्रहरीको अस्पतालका साथै दैलेख र डडेल्धुरामा प्रयोगशाला थपिनेछ । ‘अहिले रहेका प्रयोगशालाको स्तरवृद्धि र नयाँ थप पाँच प्रयोगशाला स्थापना गरेपछि हामीले दैनिक १० हजारको दरमा परीक्षण गर्न सक्छौं’ उनले भनेका छन् ।

तर अहिले पनि प्रयोगशालाहरुमा स्वाब थुपि्रएको छ । राष्ट्रिय जनस्वास्थ्य प्रयोगशालाका निर्देशक डा रुना झाले पनि सङ्कलित नमुनाको रिपोर्ट आउन ढिलाइ भएको बताइन् ।

कति छन् स्वास्थ्य सामाग्री ?

संक्रमितको संख्या बढ्ने प्रक्षेपणसँगै मन्त्रालयले स्वास्थ्य सामाग्री खरिदलाई पनि प्राथमिकतामा राखेको छ ।

स्वास्थ्य सेवा विभागका महानिर्देशक डा दीपेन्ऽरमण सिंहका अनुसार व्यक्तिगत सुरक्षा सामग्री (पीपीई), एन ९५ मास्क र सर्जिकल माक्स स्कटमा छ भने थप खरिदको प्रक्रिया चलिरहेको छ । एन ९५ मास्क २ लाख २८ हजार ४६९ थान र सर्जिकल मास्क ३३ लाख ९६ हजार बढी छ ।

यस्तै पीसीआर रि-एजेन्ट ७२ हजार ५००, पीसीआर रि-एजेन्ट पोर्टेबल १००८, आरडीटी ६४ हजार ६०९, आरएनए एक्ट्याक्सन पोर्टेबल १७ हजार ९८०, आरएनए एक्ट्याक्सन किट ३८ हजार ४४० र भीटीएम ३० हजार १४६ थान छ । ‘दैनिक ५ हजार टेष्ट गर्दा यो आरएनए एक्ट्याक्सन किट १९ दिनका लागि पुग्छ । पीसीआर रिएजेन्ट २१ दिनका लनगि पुग्छ र भीटीएम १५ दिनका लागि पुग्छ’ उनले भने ।

पाइप लाइनमा सामाग्रीहरुलाई पनि जोड्ने हो भने आरएनए एक्ट्याक्सन किट ५१, पीसीआर रिएजेन्ट ५५ र भीटीएम ५० दिनका लागि पुग्ने उनले बताएका छन् ।

मन्त्रालयका सचिव अर्यालकाअनुसार स्वास्थ्य सामाग्री खरिद लगायतका मन्त्रालयले १ अर्ब ४ करोड खर्च गरेको छ भने केही रकम भुक्तानी गर्न बाँकी छ । यस्तै प्रदेशहरुलाई १६ करोड पठाएको भए पनि ७ करोड मात्र खर्च भएको छ ।

भर्खरै प्रकाशित

सरस्वतीको दौडसँगै टोकियो ओलम्पिकमा नेपाली खेलाडीको चुनौती समाप्त

टोकियो । धाविका सरस्वती चौधरीको १ सय मिटर दौडमा सहभागितासँगै नेपाली खेलाडीको टोकियो ओलम्पिक २०२० को यात्रा समाप्त भएको छ । ओलम्पिकको सातौं दिन शुक्रबार…

एमालेले पार्टी कार्यालयमा खीर खुवाउने

नेकपा एमाले साउन १५ का अवसरमा आज खीर खुवाउने भएको छ । साउन १५ का अवसरमा पार्टी केन्द्रीय कार्यालय थापाथलीमा खीर खुवाउने कार्यक्रम राखिएको एमाले…

दलित जातीका लागि छुट्टै निर्वाचन क्षेत्र छुट्याउनुपर्छ : दुर्गा पौडेल

काठमाडौं । राष्ट्रिय जनमोर्चाका उपाध्यक्ष दुर्गा पौडेलले दलित जातीका लागि छुट्टै निर्वाचन क्षेत्र छुट्याउनुपर्ने बताउनुभएको छ । बिहीबार जागरण मिडिया सेन्टरले काठमाडौंमा आयोजना गरेको ‘समावेशीकरण…

कुनैबेलाका अरबपति विजय माल्यालाई जव अदालतले टाट पल्टिएको घोषणा गरिदियो

काठमाडौं। भारतका बैंकहरुबाट अरबौं रुपैयाँ ऋण लिएर भागेका व्यवसायी विजय माल्या टाट पल्टिएको बेलायतको अदालतले घोषणा गरेको छ । यो घोषणासँगै अब माल्यालाई ऋण दिएका…

नेपाली विद्यार्थीले बनाएको रकेटको ५ औं पटकको प्रयास पनि सफल,…

काठमाडौँ । नेपाली विद्यार्थीहरुले बनाएको ‘क्‍वान्टम’ रकेटको परीक्षण सफल भएको छ । राष्ट्रिय आविष्कार केन्द्रमार्फत् इन्जिनियरिङका विद्यार्थीहरुले बनाएको रकेटकाे ‘सुपर सोनिक’ टेस्ट सफल भएको हो…