अमेरिकी राष्ट्रपति ट्रम्पमाथि आगामी चुनाव जित्न चिनिया राष्ट्रपतिसँग सहयोग मागे

अमेरिकी राष्ट्रपति डोनाल्ड ट्रम्पले आगामी राष्ट्रपतिको निर्वाचन जित्नका लागि सहयोग गर्न चीनका राष्ट्रपति सि चिनफिङसँग सहयोग मागेको आरोप लागेको छ । उनका पूर्व राष्ट्रिय सुरक्षा सल्लाहकार जोहन बोल्टनको यसै महिना प्रकाशन हुने पुस्तकमा ट्रम्पले व्यक्तिगत रुपमा नै सहयोग मागेको उल्लेख छ ।

आगामी २३ जुनमा ‘द रुम ह्वेर इट ह्यापेन्ड’ शीर्षकमा प्रकाशित हुन लागेको पुस्तकलाई उधृत गर्दै विभिन्न अमेरिकी सञ्चारमाध्यमले समाचार प्रकाशित गरेका छन् । सीएनएनले उक्त पुस्तकको एक प्रति प्राप्त भएको जनाउँदै ट्रम्पले सि चिनफिङसँगको प्रत्यक्ष भेटमा गरेका प्रस्तावहरु उल्लेख गरेको छ ।

ओशाकामा गत वर्ष भएको जी–२० राष्ट्रहरुको बैठकमा ट्रम्पले ‘आश्चर्यजनक’ ढंगमा सन् २०२० मा हुने अमेरिकी राष्ट्रपति निर्वाचनबारे वार्ता गरेको बोल्टनले उल्लेख गरेका छन् । बैठकमा कृषिजन्य वस्तुको चीनले खरिद बढाउनुपर्ने भन्दै निर्वाचनमा सहयोग पुग्ने बताएका थिए ।

गत वर्ष नै भएको जी–२० को अर्को बैठकमा चिनिया राष्ट्रपति सिले ट्रम्पलाई उइगुर मुस्लिमहरुलाई राख्न ठूलो हिरासत कक्ष बनाइरहेको बताएका थिए । यसलाई ट्रम्पले समर्थनग गर्दै उचित भएको पनि बताएका थिए ।

आगामी राष्ट्रपतिको निर्वाचनमा ट्रम्पले चिनलाई नै केन्द्रिय मुद्दा बनाउने तयारी गरिरहँदा बोल्टनको पुस्तक आउन लागेको हो । ट्रम्प उनका प्रतिस्पर्धी जो बाइडेनभन्दा बढी चीनसँग कडा रुपमा प्रस्तुत हुने योजनामा छन् ।

ट्रम्प प्रशासनले बोल्टनको पुस्तक प्रकाशन हुन नदिन भरमग्दुर प्रयास गरिरहेको पनि बताइएको छ । गत जनवरीमा ह्वाइट हाउसले उक्त पुस्तकमा अति गोप्यमा वर्गिकृत राष्ट्रिय सूचना राखिएकाले हटाउनुपर्ने जनाएको थियो । तर, त्यसलाई बोल्टनले अस्वीकार गरेका छन् ।

बोल्टन अप्रिल २०१८ मा राष्ट्रिय सुरक्षा सल्लाहकार नियुक्त भएका थिए । उनले सेप्टेम्बर २०१९ मा नै ह्वाइट हाउस छाड्ने निर्णय गरेका थिए ।

तर, ट्रम्पले भने बोल्टन उनका मुद्दाहरुमा कडा रुपमा असहमत भएका कारण हटाएको बताएका थिए । ह्वाइट हाउसबाट हटेको एक वर्ष नहुँदै निर्वाचनको मुखैमा उनको पुस्तक प्रकाशित हुन लागेको हो ।

अघिल्लो निर्वाचन जित्न पनि उनले रुससँग गोप्य साठगाँठ गरेको आरोप लागेको थियो । रुसमा खोलिएका सामाजिक सञ्जालका खाताबाट ट्रम्पको समर्थनमा अभियान गरिएको पनि खुलेको थियो ।

-एजेन्सीहरुको सहयोगमा

भर्खरै प्रकाशित

भोलिबाट लाइसेन्सको कोटा हट्ने अनलाइन फारम खुल्ने

भोलिबाट सवारी चालक अनुमति पत्र (लाइसेन्स)को अनलाइन फारम खुल्ने भएको छ। योसँगै निश्चित कोटा सिस्टम पनि हट्ने यातायात व्यवस्था विभागका महानिर्देशक गोगन बहादुर हमालले जानकारी…

नेपाली ‘टिनेजर’ युवतीहरुको मनमा बस्ने यी युवा को हुन् ?

नेपालली सामाजिक संजालमा एउटा तस्विर छाइरहेको छ। शारीरिक सुपमा सुगठित, अग्लो कद, लामो कपाल त्यसैमा शरिरैभर ट्याट्यु। झट्ट हेर्दा नेपाली जनजाती युवा जस्तै देखिने अनुहार…

सत्ताबाट उत्रिएपछि डोनाल्ड ट्रम्पलाई उनकै समर्थकले गाली गर्न थाले

सत्ताबाट उत्रिएका अमेरिकाका निवर्तमान राष्ट्रपति डोनाल्ड ट्रम्पलाई उनकै समर्थकले गाली गर्न थालेका छन्। गत वर्षको राष्ट्रपति निर्वाचनमा दोस्रो कार्यकालका लागि उम्मेदवार बनेका ट्रम्पले पराजित भएपछि…

ओरालो लागेको मृगलाई बाच्छाले पनि खेद्छ भने झैँ भयो पोम्पेओसहित…

काठमाडौं । चीनले अमेरिकाका पूर्व विदेशमन्त्री माइक पोम्पेओसहित डोनाल्ड ट्रम्प प्रशासनका २८ अधिकारीमाथि प्रतिबन्धको घोषणा गरेको छ । आफ्नो आन्तरिक मामिलामा दखल दिएको भन्दै चीनले…

डोनाल्ड ट्रम्पले गरेका फोहोर सफा गर्दै जो बाइडेन, सत्तामा आएलगतै…

काठमाडौँ। डोनाल्ड ट्रम्पको नेतृत्वमा अमेरिकी सरकारले गरेका विभिन्न गल्तिहरु बाइडेन सरकारललाई कसरी डिल गर्ने भन्ने चुनौती थपिएको छ। ट्रम्पका कारण चीनसंग बिग्रिएको आर्थिक कारोबार,  इरान…