कारागार सुरक्षामा अब नेपाली सेना, सीमा सुरक्षामा सशस्त्र प्रहरीलाई खटाइने

काठमाडौँ। यसअघि सशस्त्र प्रहरी र नेपाल प्रहरी सुरक्षामा खटिँदै आएको कारागार र ठूला परियोजनाहरूमा नेपाली सेना खटाइएको छ । मन्त्री परिषद्को निर्णय अनुसार सुरक्षामा हिसाबले अति संवेदनशील मानिएका मुख्य परियोजना र कारागारमा जेठ ३२ गते र असार दुई गते सेना परिचालन गरिएको हो । सशस्त्र र नेपाल प्रहरीलाई सीमा तथा अन्य क्षेत्रको सुरक्षामा खटाइने छ ।

नेपाली सेनाले ३२ गते पाँच स्थान र असार १ मा २६ स्थानमा सेना परिचालन गरेको हो । ती कारागार र आयोजनाहरूमा सेना तैनाथ राखिएको नेपाली सेनाका प्रवक्ता विज्ञानदेव पाण्डेले जानकारी दिए ।

उनका अनुसार सबै कार्यालयहरूमा सेना परिचालन गरिसकिएको छ । ‘सरकारको निर्णय अनुसार हामीले कारागारको सुरक्षार्थ सेना खटाएका छौं,’ उनले भने, ‘यसअघि मन्त्री परिषद्को निर्णयले महत्वपूर्ण प्रतिष्ठान, आयोजना र कारागारकोे सुरक्षार्थ सेना परिचालन गर्ने निर्णय गरेको थियो । सो निर्णय अनुसार ससस्त्र प्रहरी र नेपाल प्रहरी फिर्ता बोलाइएपछि सो क्षेत्रको सुरक्षा जिम्मेवारी सेनाले सम्हालेको छ ।

नेपाली सेनाका अनुसार झुम्का सुनसरीमा ४६ जना, जिल्ला कारागार मोरङमा २८ जना, अरुण एचपी हाइड्रोपावर शंखुवासभामा २१ जना, जिल्ला कारागार पाँचथरमा २१ जना, जिल्ला कारागार इलाममा १५ जना परिचालन गरिएको छ । त्यस्तै, चन्द्रगढी कारागार झापामा ८ जना, जिल्ला कारागार ताप्लेजुङमा १९ जना, मध्य भोटेकोशी हाइड्रोपावर सिन्धुपाल्चोकमा ३५ जना, अपर तामाकोशी हाइड्रोपावरमा ५५ जना, सान्जेन हाइड्रोपावर रसुवामा १५ जना, भिमफेदी कारागार मकवानपुरमा ३७ जना, विरजञ्ज कारागारमा ३८ जना खटाइएको छ ।

सुपरमादी हाइड्रोपावरमा ३९ जना, जिल्ला कारागार रुकुममा २० जना, तुल्सीपर कारागारमा ४० जना, घोराही कारागार दाङमा ३० जना, जिल्ला कारागार रोल्पामा, २० जना, जिल्ला कारागार पाल्पामा २६ जना, जिल्ला कारागार कपिलवस्तुमा ४० जना, झिमरुक जलविद्युत आयोजनामा ३१ जना, जिल्ला कारागार जुम्लामा १५ जना, जिल्ला कारागार अछाममा १५ जना, सापफेबगर एयरपोर्ट अछाममा ९ जना, सिलगढी कारागार डोटिमा १५ जना, जिल्ला कारागार डडेलधुरामा २४ जना, जिल्ला कारागार महेन्द्रनगरमा २४ जना, धनगढी कारागारमा ३५ जना, जिल्ला कारागार दार्चुलामा ११ जना, जिल्ला कारागार बझाङमा १४ जना र उपत्यकाको मुख्य आयोजनाका लागि २३ जना सेना परिचालन गरिएको छ ।

यसअघि नेपाल प्रहरी र ससस्त्र प्रहरीको टोलीले यी स्थानमा सुरक्षा दिँदै आएको थियो । मन्त्री परिषदको निर्णय अनुसार सुरक्षाका हिसाबले अत्ति संवेदनशील मानिने परियोजना र कारागारमा नेपाली सेना राखिएको हो । नागरिक न्यूजबाट 

भर्खरै प्रकाशित

कमला ह्यारिसले लगाइन् प्रबल गुरूङले डिजाइन गरेको कोट

अमेरिकी उपराष्ट्रपति कमला ह्यारिसले सपथ ग्रहणपछिको प्रार्थना सभामा प्रबल गुरूङको डिजाइन गरेको लुगा लगाएकी छन्। भर्चुअली भएको उक्त सभामा ह्यारिसले लगाएको लुगा आफूले डिजाइन गरेको…

भोलिबाट लाइसेन्सको कोटा हट्ने अनलाइन फारम खुल्ने

भोलिबाट सवारी चालक अनुमति पत्र (लाइसेन्स)को अनलाइन फारम खुल्ने भएको छ। योसँगै निश्चित कोटा सिस्टम पनि हट्ने यातायात व्यवस्था विभागका महानिर्देशक गोगन बहादुर हमालले जानकारी…

नेपाली ‘टिनेजर’ युवतीहरुको मनमा बस्ने यी युवा को हुन् ?

नेपालली सामाजिक संजालमा एउटा तस्विर छाइरहेको छ। शारीरिक सुपमा सुगठित, अग्लो कद, लामो कपाल त्यसैमा शरिरैभर ट्याट्यु। झट्ट हेर्दा नेपाली जनजाती युवा जस्तै देखिने अनुहार…

सत्ताबाट उत्रिएपछि डोनाल्ड ट्रम्पलाई उनकै समर्थकले गाली गर्न थाले

सत्ताबाट उत्रिएका अमेरिकाका निवर्तमान राष्ट्रपति डोनाल्ड ट्रम्पलाई उनकै समर्थकले गाली गर्न थालेका छन्। गत वर्षको राष्ट्रपति निर्वाचनमा दोस्रो कार्यकालका लागि उम्मेदवार बनेका ट्रम्पले पराजित भएपछि…

ओरालो लागेको मृगलाई बाच्छाले पनि खेद्छ भने झैँ भयो पोम्पेओसहित…

काठमाडौं । चीनले अमेरिकाका पूर्व विदेशमन्त्री माइक पोम्पेओसहित डोनाल्ड ट्रम्प प्रशासनका २८ अधिकारीमाथि प्रतिबन्धको घोषणा गरेको छ । आफ्नो आन्तरिक मामिलामा दखल दिएको भन्दै चीनले…