लसुनका लागि बजारको चिन्ता छैन, एउटै गाउँबाट १७ लाखको लसुन बिक्री

कतिपय किसानका बारीमा लसुन फल्छ, मूल्य पाउँदैन । तर रुकुम पश्चिमको मुसीकोट नगरपालिका–१० चौखावाङका किसानलाई भने लसुनका लागि बजारको चिन्ता छैन । पैसाको बिटो बोकेर आउने ठेकेदारले गाउँबाटै लसुन उठाएर लैजाने गरेका छन् । गाउँमा सडक विस्तार भएसँगै गत वर्षदेखि चौखावाङका किसानले उत्पादन गरेको लसुन टयाक्टरमार्फत दाङ, नेपालगन्ज, बुटवल, पोखरासम्म पुग्ने गरेको छ ।

लसुन उत्पादनका लागि राम्रो क्षेत्रका रुपमा रहेको चौखावाङमा सडक सञ्जाल पुगेपछि किसानले उत्पादन गरेको लसुन बजारसम्म सहज रुपमा बिक्री हुने गरेको यहाँका किसानको भनाइ छ । गत वर्ष गाउँमा राम्रो लसुन उत्पादन हुने गरेपनि भौगोलिक विकटताका कारण व्यापारी नआउँदा उत्पादन भएको लसुन पनि घरमै थन्किने गरेको थियो । सडक गाउँमा पुगेपछि बर्सेनि ठूलो परिणाममा निर्यात हुने थालेको छ ।

गत वर्ष १२ लाख रुपैयाँको लसुन बिक्री गरेका उक्त गाउँबाट यो वर्ष अहिलेसम्म १७ लाख रुपैयाँको लसुन बिक्री भएको वडा नम्बर १० का वडासदस्य धनबहादुर खड्काले जानकारी दिए । गत वर्षभन्दा यो वर्ष पाँच लाख रुपैयाँ बढीको लसुन उत्पादन भएको उनको भनाइ छ ।

गाउँसम्म सडक पुगेको थाहा पाएपछि व्यापारीले लसुन उठाउन गाडी ल्याएर गाउँमै पुगेका थिए । यो वर्ष एक सय ४० क्विन्टल लसुन बिक्री भएको वडा सदस्य खड्काले जनाए । बिक्री भएको लसुन मध्ये एक सय ६ क्विन्टल जिल्लाबाहिर र ३४ क्विन्टल जिल्लाभित्र लसुन बिक्री भएको छ ।

जिल्लाबाहिर लसुन बिक्रीबाट १३ लाख रुपैयाँ र जिल्लाभित्र बिक्री गरेको लसुनबाट तीन लाख ५० हजार रुपैयाँ आम्दानी भएको वडाध्यक्ष गोपीराम केसीले जानकारी दिए । किसानले उत्पादन गरेको लसुन गाउँबाटै प्रतिकिलो ८० रुपैयाँका दरले बिक्री भएको उनको भनाइ छ ।

यहाँका किसानलाई व्यावसायिक लसुन खेतीका लागि स्थानीय सरकारले आवश्यक सहयोग गर्दै आएको छ । वडा कार्यालयमार्फत चालु आर्थिक वर्षमा किसानलाई दुई हजार दुई सय किलो लसुनको बीउ वितरण गरेको थियो । यसका साथै प्राविधिक रुपमा आवश्यक पर्ने तालिम तथा औषधि समेत सहयोग गरेको वडा सदस्य खड्काले जानकारी दिए ।

पुस्तौंदेखि डोकोमा लसुन बोकेर सहरबजार पुर्याउँदै आएका चौखावाङका किसानले सडक बनेपछि ट्याक्टरमार्फत निर्यात गर्दै आएका छन् । यहाँ कर्णाली प्रदेश सरकारको भूमि, व्यवस्था कृषि तथा सहकारी मन्त्रालयको ४० लाख रुपैयाँ अनुदानमा सडक निर्माण भएको हो ।

भर्खरै प्रकाशित

केपी ओली कम्युनिस्ट आन्दोलन नै समाप्त पार्ने खेलमा छन् :…

काठमाडौं। नेकपाभित्र फेरि पुरानै विवादको आगो सल्किँदैछ। यसअघि प्रधानमन्त्रीको राजीनामा मागिँदा पार्टी फुटाउने, संसद भंग गर्नेजस्ता काममा ओली अग्रसर भएसँगै विवाद समाधान गर्न एउटा कार्यदल…

विदेशी च्यानल भए विज्ञापनमुक्त, क्लिन फिड नहुनेको प्रसारण बन्द

काठमाडौं । शुक्रबारबाट नेपालमा प्रसारण हुने विदेशी टेलिभिजन च्यानलमा क्लिन फिड लागू भएको छ । सूचना तथा सञ्चार प्रविधि मन्त्रालयले म्याद नसार्ने अडान लिएपछि ऐनद्वारा…

शुक्रबार मध्यरातिबाट रोकिनेछ भारतीयसहित १८० भन्दाबढी विदेशी च्यानलको प्रसारण

काठमाडौं । आज (शुक्रबार) मध्यराति १२ बजेपछि नेपालमा प्रसारण हुने विदेशी टेलिभिजनमा क्लिन फिड लागू हुने भएको छ । सूचना तथा सञ्चार प्रविधि मन्त्रालयले बिहीबार…

दसैंमा पनि गौतम बुद्ध क्रिकेट रंगशालाको निर्माण कार्य निरन्तर

चितवन । ३ अर्ब अनुमानित लागतको महत्त्वाकांक्षी परियोजना जनस्तरबाट अभियान सञ्चालन गरी निर्माण गर्ने लक्ष्यमा अघि बढेको धुर्मुस–सुन्तली फाउन्डेसनले चितवनको भरतपुरमा गौतम बुद्ध अन्तर्राष्ट्रिय क्रिकेट…

प्रधानमन्त्रीलाई सामाजिक सञ्जा‍‍लमा प्रश्न- शुभकामना सन्देशमा चुच्चे नक्सा खोइ

काठमाडौँ — प्रधानमन्त्री केपी शर्मा ओलीले दसैँको शुभकामना व्यक्त गर्नका लागि प्रयोग गरेको निशान छापमा रहेको नक्सालाई लिएर सामाजिक सञ्जाल प्रयोगकर्ताहरुले प्रश्न गरेका छन् ।…