कतारमा ४ चरणमा लकडाउन खोलिँदै, यही सोमबारदेखि खोल्न सुरु गरिने

काठमाडौं। कतारले ४ चरणमा लकडाउन खोल्ने भएको छ । यही जून १५ तारिख सोमबारदेखि लकडाउन खोल्न सुरु गरिनेछ । विपद व्यवस्थापन सर्वोच्च समितिका प्रवक्ता लोल्वाह राशिद अख्तरले सोमबार एक पत्रकार सम्मेलनमा यसको जानकारी दिएको गल्फ टाइम्सले लेखेको छ । उनले पूर्व सावधानीका उपायहरुले परिस्थितिलाई प्रभावकारी रुपमा व्यवस्थापन गर्न सफल भएको बताइन् ।

लकडाउन खुकुलो पार्न जून १५ देखि सुरु गरिनेछ । पहिलो चरणमा मस्जिदहरु खुल्नेछन् । दोस्रो चरण जुलाइ १ देखि लागू हुनेछ । तेस्रो चरण अगष्ट १ र चौथो चरण सेप्टेम्बर १ बाट लागू हुनेछ ।

दोस्रो चरणदेखि सानो परिमाणमा मानिसहरु जम्मा हुन दिइनेछ । दोसे चरणमा बढीमा १० जनासम्म जम्मा हुन पाइनेछ । तेस्रो चरणमा ४० जनासम्म जम्मा हुन दिइनेछ र चौथो चरणमा विवाह समारोह समेत आयोजना गर्न पाइनेछ ।

पहिलो चरणमा मस्जिदहरु खोलिनेछ तर शुक्रबारको प्रर्थनाको अनुमति भने दिइने छैन । यो चरणमा निजी डुंगाहरु पनि प्रयोग गर्न पाइनेछ । दोहाबाहिर अत्यन्तै जरुरी उडानको मात्र अनुमति दिइनेछ ।

दोहा फर्किंदा यात्रु २ हप्ताको होटल क्वारेन्टाइनमा बस्नुपर्नेछ र होटल खर्च यात्रुकै हुनेछ । पहिलो चरणमा पसल र शपिङ मलहरु आंशिक रुपमा खुल्नेछन् ।

कम्तीमा ३०० वर्गमिटर क्षेत्रफल भएका पसल खोल्न पाइनेछन् । मलहरुमा कूल षमताको ३० प्रतिशत भन्दा बढी मानिस जम्मा हुन पाइने छैन । कम्पनीहरुले २० प्रतिशत कामदारलाई काममा बोलाउन पाउनेछन् ।

जुलाइ १ देखि दोस्रो चरण लागू हुनेछ । दोस्रो चरणमा सबै पार्क, समुद्र किनार र क्रोनिकलहरु खोलिनेछन् । यो चरणमा निश्चित समय र क्षमता लागू गर्दै मलहरु खुल्नेछन् । निश्चित संख्यासहित रेष्टुरेण्ट पनि खोल्न पाइनेछ । संग्रहालय र पुस्तकालय पनि निश्चित समय र क्षमतामा खुल्नेछन् ।

बढीमा १० जनासम्मको परिवारको लागि याटहरु भाडामा दिन पनि पाइनेछ भने बढीमा १० जनासम्मको समूहमा बाहिर खुला ठाउँमा प्रोफेनल ट्रेनिङको अनुमति पनि दिइनेछ । निजी स्वास्थ्य संस्थाले क्षमताको ६० प्रतिशतमा स.चालन हुन पाउनेछन् भने कम्पनीहरुमा ५० प्रतिशत कामदार काममा आउन पाउनेछन् ।

अगष्ट १ देखि तेस्रो चरण लागू हुनेछ । तेस्रो चरणमा ५४ मस्जिदहरुमा शुक्रबारको प्रार्थना गर्न पनि अनुमति दिइनेछ । कम जोखिमका उडानहरुसँग ड्राइभिङ स्कुल पनि संचालन हुनेछन् । मलहरु पूर्ण समय खुल्नेछन् । क्षमता केही बढाएर रेष्टुरेण्टहरु निश्चित समय खोल्न पाइनेछ ।

हेल्थ क्लव, जिम, स्विमङ पुल, ब्युटी मसाज पार्लर हेयर ड्रेसरहरु ५० प्रतिशत क्षमतासहित खोल्न पाइनेछन् । नर्सरी र चाइल्डकेयरहरु खुल्नेछन्, निजी स्वास्थ्य संस्थाहरु ८० प्रतिशत क्षमतासहित खुल्नेछन् भने कम्पनहिरुमा पनि ८० प्रतिशत कर्मचारी काममा जान सक्नेछन् ।

सेप्टेम्बर १ देखि चौथो चरण सुरु हुनेछ र मस्जिदहरु सबैजसो खुला हुनेछन् । व्यवसायिक जमघट, ट्रेड शो सम्मेलनहरुलाई अनुमति दिइनेछ । सावधानीका उपायहरु अपनाउँदै सिनेमासहित मनोरञ्जन क्षेत्र पनि खुला हुनेछ । दोहा मेट्रो र सार्वजनिक बस पनि संचालन हुनेछ । उडान भने स्वास्थ्य मन्त्रालयको सुझावअनुसार संचालन हुनेछ ।

भर्खरै प्रकाशित

सरस्वतीको दौडसँगै टोकियो ओलम्पिकमा नेपाली खेलाडीको चुनौती समाप्त

टोकियो । धाविका सरस्वती चौधरीको १ सय मिटर दौडमा सहभागितासँगै नेपाली खेलाडीको टोकियो ओलम्पिक २०२० को यात्रा समाप्त भएको छ । ओलम्पिकको सातौं दिन शुक्रबार…

एमालेले पार्टी कार्यालयमा खीर खुवाउने

नेकपा एमाले साउन १५ का अवसरमा आज खीर खुवाउने भएको छ । साउन १५ का अवसरमा पार्टी केन्द्रीय कार्यालय थापाथलीमा खीर खुवाउने कार्यक्रम राखिएको एमाले…

दलित जातीका लागि छुट्टै निर्वाचन क्षेत्र छुट्याउनुपर्छ : दुर्गा पौडेल

काठमाडौं । राष्ट्रिय जनमोर्चाका उपाध्यक्ष दुर्गा पौडेलले दलित जातीका लागि छुट्टै निर्वाचन क्षेत्र छुट्याउनुपर्ने बताउनुभएको छ । बिहीबार जागरण मिडिया सेन्टरले काठमाडौंमा आयोजना गरेको ‘समावेशीकरण…

कुनैबेलाका अरबपति विजय माल्यालाई जव अदालतले टाट पल्टिएको घोषणा गरिदियो

काठमाडौं। भारतका बैंकहरुबाट अरबौं रुपैयाँ ऋण लिएर भागेका व्यवसायी विजय माल्या टाट पल्टिएको बेलायतको अदालतले घोषणा गरेको छ । यो घोषणासँगै अब माल्यालाई ऋण दिएका…

नेपाली विद्यार्थीले बनाएको रकेटको ५ औं पटकको प्रयास पनि सफल,…

काठमाडौँ । नेपाली विद्यार्थीहरुले बनाएको ‘क्‍वान्टम’ रकेटको परीक्षण सफल भएको छ । राष्ट्रिय आविष्कार केन्द्रमार्फत् इन्जिनियरिङका विद्यार्थीहरुले बनाएको रकेटकाे ‘सुपर सोनिक’ टेस्ट सफल भएको हो…